San Martín de Trevejo - Caceres

De mal nacius e nun se agradicius, por isu, y por que me sai de dentru, igual que en dia de miña terra, Extremadura, felicitu y celebru a festa da Región, oxi queru felicital a tos os andaludis por o dia de esta Autonomía. Ei nun renegu de sel, primeiru, mañegu, segúndu, extremeñu, pero me sintuu tamen andalú, por que esta terra ha vistu nacel a tos meis fillus, me a recibiu magnificamenti y me a axuau a sel y consiguil to o que soy personal y profesionalmenti. Un nun he de ondi naci, sinon de ondi paci, didi o refrán, por isu, sin aplicalo a rajatabla, sin renuncial a miña mañeguiai tamén, o e ditu, me sintu andalú, por lo menus de adopción, y e bo recoñocelo publicamenti, por que esta terra y suas xentis, que tantun ha sufriu, como a nosa, merecin estal dondi están y marecin siguil prosperandu con o esforzu de tos.
Oxi, ademais de sel una dia de festa institucional, e festa personaly familial por que bautizamus a miña neta Sofia, asi que algunha copa de manzanilla cairá. Soidi pa tos y ¡Viva Andalucia! ..¡Viva tamén o mei lugal y Extremaura!. Un saluu, Chitu.

Boas mañás teñan os Foristas, Mañegas y Mañegus:
Estimau amigu Chitu: Te felicitu pol o bautizu de tua neta "Sofía". Ya verás que andaluda mais guapa y simpática va a sel. Aunque le queiras insinal algu de a "Fala", le va a sel dificil, pol a alegría que reina en Sevilla pol os sevillanus y demais andaludis.
Esperu que pasaras un boo dia Institucional y familial.
Ei tamen, cumu sabis, pasí varius anus pol Cádiz y San Fernandu, tamen o pasaba ben, as persoas son agradablis y simpáticas.
Bueno, Soidi a Fala y reiteru salú pa tua neta, Pairis y Agüelus.
Chalrrieira.