San Martín de Trevejo - Caceres

Foi unha oración,mais,un rogu
un piili que nos protexiera
dondi quera que o filhu estuvera
ya sin pairi,forjandusi a fogu,
Esa capa tan negra,ési mantu
que a Virgin pasea ,dolienti,
ademais de oración foi presenti
de unha mairi sumia en o llantu,
dambas eran a o par sufrioras
y a o compás d´o dolol muy amigas
a amistai se selló con urtigas
sufrimentus y negras auroras,
Oixi a ludi a Reina y Señora
a mairi,dolienti,de Dios
cuandu sai,silenti,y en pos
d´o filhu,o Cristu que adora,
Gracias mairi por tuas oraciós,
gracias mairi por teis sufrimentus
gracias Vírgin por teis miramentus
gracias Vigin por tuas protecciós.

Miru atrás y en o tempu m´asomu
veu a tei filhu clavau en a Crú
miña mairi tamén a o traslú
que nos fidu de El Mayordomus.

EI TAMÉN TEÑU MÉRITUS PA PLAZA QUE CONVOCÓ BRODAS.MIÑA MAIRI NOS FIDU MAYORDOMUS A OS TRES HERMANUS Y ESI MANTU QUE LEVA A VIRGIN FOI UN HUMILDI PRESSENTI DE MIÑA MAIRI PA A VIRGIN QUE TANTU QUIXIU.ISTU POI SEL ORGULLU,PERO SI O E E DE SEL MAÑEGU