San Martín de Trevejo - Caceres

Quisera mais informacion sobre esta noticia
que leu en o HOY do 22 de Eneru.

SAN MARTÍN DE TREVEJO
Detenida por robar 15.000 euros

Agentes de la Guardia Civil, destinados en el equipo de la Policía Judicial de Coria, han apresado a una vecina de esa localidad como supuesta autora de un delito de hurto. Se le acusa de haberse llevado 15.000 euros de una vivienda de la localidad de San Martín de Trevejo, en la sierra de Gata. No violentó la cerradura, por lo que es un hurto.

bos días

Chenchu: Tú tranquilu, ya me habian ditu fai dias que nun e de o nosu Lugal, si non de Trevellu; non de San Martín.
Conformi.
Chalrrieira.

Gracias "Chalrieira"

A o largo de a nosa historia tel que contar que o nosu
lugal pertenecei a TREVELLU (Trevejo) e informar
que en a actualiai é unha aldea de cuatru casas y un
castelu absolutamente destruiu, me resignu, pero
nun me gusta. Si tuvera poer o cambiaria por
"San Martin de Xiálima" o "San Martin da Serra de Gata"
Si aqui en Cataluña con a democracia cambiorin os topónimus
¿por qué nosotrus non? sempris que en un REFERENDUM
a genti o aprobara, claro.
Un día alguin me dixu:
"San Martín de los tres viejos" ¿por qué?
por isu, por "TREVEJO"

boas tardis.

Chenchu: Tamén puia chamalsi o nosu lugal como foi en tempus, San Martin dos viñus, o millol ditu San Martiñu dos Viñius, o mau e que viñu do lugal quea poici y con isu de que hay que entregal as uvas pa a Cooperativa, piol inda. Un abrazu. Soidi pa tos y pa a fala.Chitu

Estimau amigu Chitu:
Creu que vas acertau en intental,poel cambial o nomi de o nosu Lugal. En vé de chamarsi: San Martín de Trevejo, estaría caxi millol. SAN MARTÍN DE LA SIERRA DE GATA. o SAN MARTIN DE A SERRA DE GATA. A Serra de Gata ten mais renombri que Trevellu. En cambiu San Martín dos Viñus; actualmenti ten poicu viñu y nun se comercializa caxi ná y pol isu nun e apenas cuñuciu o nosu Lugal. Peru en cambiu a Serra de Gata, si e mais cuñucía y mutus productus se denominan agora "Sierra de Gata".
E cuestión de que os "Foristas, Mañegas y Mañegus" den sua opinión, pa poel presental en o Ayuntamentu esta propuesta.
Soidi a Fala, Mañegas y Mañegus.
Chalrrieira.

Está ben cumu está: San Martín de Trevejo.
En sei día éramus d´a Encomienda de Trevejo, y isu é asina.
De toas formas, si nun se le poi chamalSan Martinhu d´os Vinhus, o millol é chamali asi cumu está agora.
ÇO de si hai y nun hai vinhu, isu nun ten que vel.
Se sabi de multitú de lugaris, en que o nomi, nun ten ná que vel con as características propias do entornu:
Ejemplu: Villamiel.
¿Algún se cree, con perdón, que os guritus son golosus?¿Nun ñermuas nosotrus os golosus?, y puía siguil.
Torre de Don Miguel ¿Dondi andará o tal d. Miguel?
Otru día mais.
BÔS DÍAS.
B_RODAS

Estimau amigu Brodas:
Istu ven a colación de que ha cunfundiu un periodista o a persoa que a escritu a noticia, de que en o nosu Lugal se había "hurtau" o "roibau", 15.000 € y a siu en o "Castillu de Trevellu", que nun ten na que vel con "San Martín de Trevejo".
Entoncis, pa que nun haya mais equívocus de esta clasi, ya que agora de trevellu nun temus ná, siria convenienti cambial a cuarta palabra "trevejo" por "la Sierra de Gata" y quearía así "San Martín de la Sierra de Gata" o "Serra de Gata".
Que nos dá trevellu, problemas y ma reputación, pues fora.
Didis de Villamiel, pos nun pon ná de trevellu y está mais cerca que nosotrus.
Ademais vai tendu mutu apoogeu o nomi de "Serra de Gata" y con ven aproveital a denominación de origin "Sierra de Gata".
Ya sabemus que hay un pueblo que se chama: "Gata", pero nosotrus temus os prefijus: "San Martín".
Conformi.
Soidi a Fala, Mañegas y Mañegus.
Chalrrieira.

Isu, isu, i si manhan sai en o periodicu que un tal Martin de Gata atracó unha Xoieria, o queamus en San.
A historia e a historía y Sa Martin pertenecei a Trebellu y así se le chama desde sempris, porque Dos Viñus nun hai na documentau que fora o nosu Sa Martín. Y si ca ve que haia unha confusió le cambiamus o nomi, pos a final nun voi a sabel ni dondi nací.
Forti abrazu.

"Brodas" sabi muy ben o de "Istu ven a colación
de que ha cunfundiu un (...)"
quin inicia o tema.
Eris tu que parecis una fotocopiora y te ulvias
de nombrar a fonti. To digu porque quin introdudi o tema
é partir de a respuesta que tu me das y dispois de agradecerto
Aqui nun ten na que ver con que o periodista
se haya equivocau o non. Se me ocurri en esi instanti y esa
é a genesis do mensaji sobre o cambiu do topónimu
do nosu lugal, nun é na extraordinariu propoñer que
se cambie Trevejo, por "sAN Martin da Serra de Gata"
"San Martin de Xialima", pero se te ulvia nombrarmi.

Aqui creu que te ha fallau a memoria.

boas tardis

Estimau Chalrriera:
Nun sé si habrá radós que desaconoza o si antis se chamara "S. M. dos viñus", o si por historia foi de a encomienda de Trevellu, o si agora comu está de moa a Serra de Gata..... o si rizandu o rizu porque haya apariciu en un periodicu (por equivocación o sin ela) o nomi de San Martin de Trevejo y por o vistu temus temor que se nos relacioni con una acción reprobali sin selo...... Me da igual, a miña opinión e que a reputación e de ca un. Ca´cual se gaña o perdi a sua por as suas acciós sea do lugal que sea, de San Martín , de Vilamel o de Payu. Isu, según mei criterio , claro, nun e radón sufienti pa deseal cambial o nomi do lugal. Ei he naciu en San Martin y queru a San Martin, (porque si non nun non nun siria de ali a pesal de habel naciu)y me da que seré de San Martín de Trevejo hasta que me morra, tantu si ha cooperativa de viñu funciona comu si os olivus se arrancan. Mira que o Xalima e atractivu, pos non, soy de San Martín de Trevejo. Mira que si agora hubera un vidiñu como en Puerto Urraco que sai con una escopeta porque le afecta o airi de Carrunchela.....pues ná, ei siguiria sendu de San Martín de Trevejo.
De cambial o nomi y, mira que mo han propostu, cambiu o mei, pero ni isu. Bastanti cambiu ei fisicamenti comu pa aguantal mais cambius. Cachondeo poicu pero que duri.
Soidi a tos os mañegus.
Y a Fala por supostu

Boas mañás teñan os Foristas, Mañegas y Mañegus:
As duas palabras primeiras o "Prefijus" nun intentamus cambialas, e idel: "SAN MARTÍN", o que pretendemus cambial es a palabra o sufiju "Trevejo", pol as de "SERRA DE GATA". Porque "Trevellu" nun reporta ná a o Lugal, en cambiu o nomi de a "Serra de Gata", ten agora mais renombri y e mais cuñucia.
Ai varius San Martín: Por ejemplu: San Martín de Valdeiglesias; San Martín de la Vega, etc.
Ei sé que as persoas somus muis reácias a cualquel cambiu, pero ai cambius que defin fersi en o momentu en que as identiais de os pueblus se manifestin, y estamus agora en chamal pol o nosu nomi a o nosu lugal y siria así: SAN MARTÍN DE A SERRA DE GATA", creu que estaría acertá a proposta, ya que a palabra "Trevejo" é en castellanu y nun ten historia o "Castelu de Trevellu" que nos avali algu.
Ei sé igual que tú que nací en San Martín de Trevejo. Nun voi a poñelo en duda nunca, pero a identiai de trevejo, e pequena.
Soidi a Fala, Mañegas y Mañegus.
Chalrririera.

"Chalrieira"

Agora puesto que o tes muy claru, te sugieru
que dirijas unha Instancia a o Señor Alcaldi:
(...............................................)

Respetuosamente a V.I EXPONE:

Que se cambie el sufijoTrevejo y se deje el
prefijo San Martín, porque el sufijo
Trevejo no reporta nada y ahora que hay ladrones en esa aldea,menos.
"DA SERRA DE GATA"
tiene mas renombre como San Martin de la Vega, San Martin
de Valdeiglesias, San Martin de Porres, San Martín del Castañar
etc...
La razón por la que respetuosamente solicito
dicho cambio es porque viene a colación
que un periodista o la persona que escribió la
noticia de que en San Martín se habían 'hurtado'
o 'robado' quince mil euros y no había sido en nuestro
pueblo sino en el Castillo de Trevejo que no
tiene nada que ver con nuestro San Martín prefijo
de Trevejo.
Asi el nombre de San Martín no quedaría manchado

SOLICITA:
Que le sea concedida dicha petición relacionada
con el SUFIJO y no con el PREFIJO.

Que Dios guarde a V.I muchos años.

bos dias.

Boas tardis:
Estimau Chenchu:Te agradezcu a tua sugerencia, pero de momentu tendrá que esperal.A coixa está muy verde. Solamenti aquí en o Foru, hemus siu dois o tres foristas que entendemus que e millol agregal as palabras "Serra de Gata" y quital a palabra "Trevellu" y a mayoría está en contra: Fontinova, Chitu, Brodas, Alfena, etc.
Se trata primeiru de convencel en esti foru y logu, si se ten un 80% ó un 90%, que apoyan esta proposta,entoncis habría que fel en o Lugal, antis de una consulta populal, preguntal a varias persoas que le pareciria o cambiu y si se ve que nun estan "pol a labol", habría que desistil. Pero de toas as formas hemus siu os primeirus que hemus intentau o intentamus algo que a larga beneficiaría a o pueblo, ya que a denominación de origin "Serra de Gata", ten mais porvenir que "trevejo".
Tamen te digu Chenchu, que antis de tirarsi a anal a o charcu de cabeza, hay que sabel a profundiai que ten o charcu, y istu ten que sel "con a forza de a radón" y non "con a radón de a forza".
Atentamenti,
Chalrrieira.

"A o largo de a nosa historia tel que contar que o nosu
lugal pertenecei a TREVELLU (Trevejo) e informar
que en a actualiai é unha aldea de cuatru casas y un
castelu absolutamente destruiu, me resignu, pero
nun me gusta. Si tuvera poer o cambiaria por
"San Martin de Xiálima" o "San Martin da Serra de Gata"

Me han cunvinciu "Cerrumicli"/"FONTI NOVA" "Alfena"
Y doy marcha atrás do que dixi en esi mensaji con Asunto
"INFORMACIÓN", por consiguienti te has queau solu.

"Brodas" comu sempris acertau en poñer a nosa disposición
un documentu tan valiosu, nun muestra entusiamu algu
sobre o cambiu de nomi. Sin embargu, "Chitu", etnologu, pues comprensibli que se decanti por o sufijo ...dos VIÑUS

Pemitimi que faya un incisu: sé o que é un sufiju y un
prefiju en as románicas, pero en mañegu nun o sabía,
por isu too escribía en bastardilla[/i

Te recordu ("hemus siu dois o tres foristas...")
que tu, nun has siu o primeiru en falar sobre esti tema,
fai mutu tempu ya o debatimus y agora nos repetimus.

boas tardis

Dondi se lee Chitu "etnólogu"
debiría idil:enologu[i

Respondu de novu a Chenchu:
Didis: "Y doy marcha atrás... y por consiguiente te has queau solu".
Si huberas ditu por ejemplu: Me han cunvinciu, siria otra "actitud" y huberas queau millol. Pero idel: "doy marcha atrás", desmerici un poicu.
En cuantu: y por consiguienti te has queau solu: Ya sabis cumu didi un refrán castellanu: Mais vali solo que...." .
En cuantu a Prefiju: Sabemus que Prefiju e o que se antepon, deyantri de algu. Sufiju, e o que pospón, detrás de algu.
Si se ha debatiu esti tema con anterioriai, naidi o a indicau, pol o tantu, pa mí, cumu si hubera siu a primeira vé que se escribi.
De toas as formas: Solo ante el peligro. Nun está mal a película. A o final se salva o actol.
Chalrrieira.

Se nota que mutus están jubilaus y que creu que nun tenin mais que fel que metersi en forus y escribil asuntus que ya se sain de tonu y que solu se prestan a o cachondeu.Purque un periodista,ignoranti o mal informau poña que esa lairona he de San Martín,nun vamus a intental cambiar o nomi que pur mutas rados históricas temus desde fai mutus anus.
San Martín y parti da zona de Serra de Gata,tiña y daba un-os viñus de caliai y con acentu en o lugar.Ei num dudu que antis se chamaba San Martín Dos Viñus.O e vistu en un mapa da Sacristía de a Catedral de Santiagu y fai un mes en un mapa de l.615 que está en o Centru de Interpretación de Valencia de Alcántara,un un lugal muy cerca do nosu con un-a reminiscencia judía extraordinaria,con castelu,sinagoga boas igleyias y con boos sitius dondi comel.Desplazarsi desdo San Martín un día,ben mereci a pena....y así,tantus y tantus lugaris que ei desde fai mutus anus y desde Sevilla.veñu recomendandu.Extremaura está cargá de historia,de boas yentis,de homis y mulleris honraus,de grandis parquis que nos fain sel reserva natural de Europa,de boos saboris...oitu de ca de floris,están en Extremaura,pur algu será.Perdoei,me ha bseidu a vea de extremeñu,que sempri e tiu pur San Martín y pur Extremaura,que agora mutus,aunque tardi queiran redimirnus,me pareci ben.Nun dispoñu de mais tempu.Patos SOIDI.Un abrazu

Fincacha 41. Si aquí naidi, repitu, naidi renuncia a habel naciu en San Martín de Trevejo. Ni tampocu renunciamus a nosa Historia, con mayúscula de San Martín de Trevejo. Si efectivamenti, queremus mais raidis Extremeñas, pol isu nos interesa mais "Serra de Gata". Ten millol denominación de origin agora y mais renombri y tal vez pol isu nun nos desiairian Patental estas palabras de "Serra de Gata". Hai que anticiparsi. Por supostu que nun se cambia"SAN MARTIN" y si Trevellu. Si trevellu fora algu "Cultural" cumu San Lorenzo del Escorial, nun intentariamus cambial ná. Pero Trevellu, ya o didin en esta página que son cuatru casas bellas y isu nun nos dá renombri.
Alguin estará jubilau y fai ben de escribil. E muy interesanti pa o cerebru.
Pol isu conven estal pendiente de o Foru, pa escribil, leel y estal en vanguardia de os acontecimentus.
Soidi a Fala.
Chalrrieira.

"Chalrreira"

Vas chupandu roa, fotocopias constantimenti y agora
me didis que por "dar marcha atras" o sea, por rectificar
desmereci. Observa que pa rectificar, coixa de sabius,
e porque me han cunvinciu. O conceptu é o mismu:
dar marcha atras/me han cunvinciu
Y nuN sé cumu eris tu, pero a mi me da igual cúmu
queal, /"huberas queau millol")
aqui nun estamus por cuestiós de IMAGEN
y os mañegus si en algo nos significamus
é por "pasar" de a parafernalia y por nun andar
preocupaus do que pensin de nosotrus.

Aqui quin nun convencis eris tu que te me apropias "da Serra de Gata"
¡Que tu nun fosti o que inicio o tema! ¿te ha queau claru?
y as rados pa cambiar o topónimu
era por o asuntu do robatoiru, que nun nos confundan con
ellis, en donde ya prejuzgas y didis que os de Trevellu
son os que roiban y nun os de San Martín.
Por cuestion comercial...
nun coñocis o lugal y ves agora a dar recetas pa sua promoción
y segun tu "sufiju" SERRA DE GATA siria mais rentabli.

Te informi que o tema se había debatiu ya feya mutu tempu,
que tu nun eras o primeiru. Te daba unha iformacion
y en lugar de agradecer, y nun é a primeira vez que o fais,
respondis aludindu o filme de Zinnemann SOLO ANTE EL PELIGRO
(1952)que nun te na que vel con o que estamuas falandu,
Pretender ser o héroi ¿de qué? ¿Solu ante qué peligru?) estabamus tratandu un tema de algu sin importancia, distendius, y de algu que nunca se fairá cumu é o cambiu de nomi.

"Nun está mal a película" -didis
asi calificas unha obra maestra y con
" A o final se salva el actol"
me pareci que tu de cini entendis poicu.

Ten radon "Fincacha 41" y lamentu sinceramenti
que por formular unha pregunta de unha noticia
que lii en el HOY se haya postu en cuestión a honorabiliai
de os habitantis de Trevellu. Y cumu idia "Chitu" nun os juzguemus.

boas tardis.

Um poicu de historia num ven demais.
Trebelhu ten identiai pur si solu, si agó esta en decadencia i ruinosu
e pul temas puliticus qu'en o transculsu do tempu ha dau lugal a isu.
Tamén foi importanti pur exemplu Salvaleon con seis fuerus i hoixi num
quea mais qu'um cerru sin rastrus de peiras ni ná do que foi.
O primel fidalgu vindu a estas terras se apellidaba Obregon, morrei ena
defensa do castelu que so disputaban os Belbis i os Monrois, um descendienti d'esti foi o promotol da Divina Pastora, antis de estal a
encomenda eno Lugal, foi Trebelhu a cabeza da encomenda i baixu sua
protección estaban Vilamel, San Martin i Vilharrubias, que mais identiai queremus, as peiras falan a ná que ponhas o uiviu.
Mira si ten identiai qu'os turistas van a visitalo i logu van a San Martin sin entral en Vilamel pa ná, istu e así, ven Trebelhu i San Martin de Trebelhu, en fin, ca um da importancia ao que quel, num e o
Escorial peru forma mais parti da nossa historia qu'otrus lugaris pol
mui importantis qu'estin sean.
Si hubera que cambial o apilhiu sempris abogaria pol algu nossu, cumu
Sâ Martinhu d'o val de Xiálima, asi fairiamus publiciai do nossu Val i dos tres Lugaris, peru ben está cumu está.

Muta soidi i forti abrazu pâ tôs.

Amigu Chenchu, ¡Hojala fora enologu! Entendiria mais de viñus, solu soy aficionau y aunque participu en algunha cata solu e pa aprendel mais. Que me gusta?, está claru, pero pa disfrutalo y non prevaricar con a miña afición, non por que aunque ei tuveera o poel de cambial o nomi, solu por a afición nun a fairía, cambiaría por rados históricas.( ¡que ben e queau!). Nachitu, con sei sabel enciclopedicu, nos ha ilustrau suficientimenti como pa nun renegal do apilliu do lugal.¡ Que agraviu ! pero, sigu afirmandu que antis que " de trevellu" foi dos viñus, asi nos o didin os documentus que citan tantu Fincacha como Brodas. Pero bueno, como ya idia en otra ocasión, istu e falal por falal debaisu dos portais, ni vamus a cambial o nomi do lugal ni na da na, pero ......¿ y o que nos rimus?. Soidia pa tos, Un saluu, Chitu

Chenchu:
Te doi contestación a duas coixas que me didis en tei últimu correu:
Didis: "Vas chupando roa"... Te diré que ei nun chupu roa ni chupu ná. Isu que qué claru.
Tamen me didis "...en dondi prejuzgas y didis que os de Trevellu son os que roiban y nun os de San Martín".
Pois volvel a leel meis correus y en niñun de elis, repitu, en niñun de elis digu:"... que os de Trevellu son os que roiban. Ei repitu, nun e ditu semellanti coixa, quizás o hayas pensau tú, pero ei nun e escritu ni ditu esa frasi.Pol o tantu nun me culpis que ei nun e comentau ni e pensau en isu. Pol o tantu ei nun e postu en cuestión de honorabilidad a os habitantis de "Trevellu".
En cuantu a rectificar e de sabius, isu está ben. Pero nun está tan ben "volversi pa atrás".
Chalrrieira.

"Chalrieria"

Escribis:

"Y doy marcha atrás (...)"

Si huberas ditu,por ejemplu: Me han cunvinciu
(a negrita é miña)
siria otra "actitud" y huberas queau millor, pero idel
"doy marcha atrás" desmereci"

Si volvis sobre o mei mensaji (23-02) 16,37
leeras: "Me han cunvinciu "Cerrumicli" "FONTI NOVA"
"Alfena y doy marcha atrás (...)"

Opinu que respondis a os mensaji sin unha lectura
atenta do textu.
¿Nun te das conta do error?

Pues si ques te poñu ejemplus en donde se observa
que "chupas roa" metáfora que expresa
que plagias o que expresamus os demais.
E certu que tu nun afirmas "que os de Trevellu
son os que roiban" pero asi se deduci de os
teis mensajis partindu da noticia que sei
en el HOY y a quin agradecí por informarmi.

Sugieru que cambiemus de tema y nos contis
aquilu da "faca de Chenchu"

bos días.

Chenchu:

Que ei sepa nun e "plagiau" ná. Istu é cuandu alguin escribi algu y otra persoa, sin sabelo a primeira, se enteira y le quita o títulu y o escritu y a reprodudi y sai a lú pública sin coñocelo a persoa que en realiai so a sacau de a sua menti.
Pero en o casu tei, hemus estau escribindu en a misma página y ambus cuñuciamus o tema, que tú iniciastis y que logu "te volvestis pa atrás".Por esti motivu nun e "plagiau" a naidi.
Y en cuantu a tua faca: Sinto idelto, pero le pegorin unha palidia que a "arringorin".
Chalrrieira.

Bueno deixemus asi, que "San Martin da Serra de Gata"
foi idea tua y nun miña.¿Hay plagiu o nun o hay?

¿Te ha queau claru que SI utilicí "me han convinciu"?
¿Logu foi unha rectificación o non? si ques retiru o da
"marcha atrás" que nunca me ha gustau practicala.

Bromeando, inicii o tema porque o cambiu
do topónimu nun hay necesiai alguha de felo
solu faltaba que con os problemas que hay en
o nosu lugal, cumu toos os pueblus,se presentara a o plenu
do ayuntamentu unha proposta de esa naturaleda
y con as rados tan profundas que tu das.
Logu, inicio o tema "INFORMACION" com certa ironía
y tu to has tomau en seriu porque nun eris conscienti
de que desde o foru nun poemus fer na. Por miña cabeza
nunca ha pasau a idea de cambiu de topónimu, sin embargu,
o debatimus aqui y me gustaria mañeganizalo: "Sa Martin de Trevellu" que siría mais fácil,pensu ei conseguilo. Y cumu
didi "Chitu""Brodas" "Fincacha41" si ha y rados de tipo
históricu, estaría ben: "Dos Viñus" con esta grafía y non
con /nh/

Nun creu que a un cabalu mei o maltrataran
y nun se le poera sacal beneficiu, ¿tu cuñucias a
mei pairi (q.e.d)? sacaba perras hasta das peiras.
Os nosus antepasaus eran ecologistas de maneira natural,
por necesiai,y a os equinus que tantu sirviciu daban murrian de
vellus. En miña casa, nunca, se vindian antis pa sacali beneficiu,
pur isu nun entendu qui ques idil y por que "arringorin"
entre comillas.
Esperu impacienti a tua resposta e iniciamus unha nova conversacion
con o títulu " A faca de chenchu ten...."

bos dias.

Se me olvió idil:
Me gusta tamen a proposta de Nachitu:
"Sa Martin do Val de Xialima"

Chenchu:
Arringorin a o burru; arringorin a o cabalu. E palabra mañega. Cuandu yugábamus os dagais a o saltu y saltábamus un detrás de otru montábamus mutus, y o que feya de cabalu o primeiru, con o pesu de toos se arringaba y se queya.
O as entindiu agora.
Chalrrieira.

"Chalrrieira"
Observu y é unha pena que te hayas ulviau
dos prefijus/sufijusen a resposta
que le das "FONTI NOVA" y non "Fontinova"
que teñu que andal tras de ti corriginduti

Agora me deixas mais tranquilu, estaba preocupau
que en miña casa se maltrataran a os animais
y nun porque les agarraran cariñu, non, si non
por os pusiblis beneficius.
As miñas choreas se dibian cuandu se vindia o cabalu
a os dois o tres anus de telo...¡Qué penas!

¿Y qué ten que vel esi yugu con o da "faca de chenchu ten..."?

Boas tardis

Chenchu tu que eris un gran eruditu,me gustaria que indagaras sobri a relacion que o nosu lugal tubu con os templarius dispois que escaparan de Francia.Fai tempu quei en a miñas mas un libru que falaba sobri a presencia Templaria en a Serra de Gata,en el se fala que un grupu de templarius se instalo en Portugal y en a fronteira que abarca o nosu lugal, Nafrias, y demais territorius cercanus.
Tendremus o tesoiru templariu escundiu en Xalima,quen sabi?
Forti abrazu

"o muñu"
De eruditu na de na, solamenti a miña pretensión
de liberarmi de certa dureda y tosqueai.
Consultaré en a Biblioteca General de Catalunya
porque de as páginas Webs dedicas a o Temple nun tenin
pa mi credibiliai y veré o que averiguo

O castelu de Trevellu pertenecei a os Templarius
donau por Fernandu II ("FONTI NOVA" de istu sabi mutu)
pa que se enfrentaran a os moirus.

¿Tesoirus en Xalima? centus de árbolis sembraus y
os conus metalicus que protegian a os arbolitus
por o solu y oxidaus

boas noitis

¿Coñocis a Sergio Gamón?

Nun coñozu a esi personaji.Ya sabis que ultimamenti existin mutus Anacleto Agenti Secretu,esta de moa,que le vamus a fel,nos quearemus sin traballu os profesionais,por ejemplu Tribuleti.
Tes muta radon en o de Xalima,cuando estuvi en o lugal me di una volta por o muñu y se me revolveran as tripas ao vel en que condicios estaba o riu,latas,plasticus etc
Desarrollu sostenibli si,desarrollu a o bestia non.
Chenchu debemus defendel desdi o foru a protecion da nosa naturaleda,porqui si non vamus mal.
Forti abrazu

-Hola Chenchu!.Nun creu,qu'ei sepa máis que tú da Ordin do Templi.O únicu que sé; é qu'inda nun ha dexaparicíu.

Pues é a tí, a quin "o muñu" solicita información.Suponhu,que podrá esperal a que cunsultis ena Biblioteca General de Catalunya.

Forti abrazu

FONTI NOVA