San Martín de Trevejo - Caceres

Si é estau fora do foru (istu sigui soandu mal) pero tamén soa mal estar cerca d’o cercau, o estar encima d’a encimeira o contar un contu y máis coissas
Repitu si é estau fora, nun ha siu a miña culpa. Foran unhos acontecimentus ná de agradablis que vos relatu en esti pequenu romanci, que púimamus titular:

CONFUSIÓN FATAL

Si algún inquietu furista
por o Brodas preguntaba
oixi queru contestal
a os que m’han itau en falta.

Cumu algún furista pensa
que me dedicu a insinanza.
o máis fácil é pensal:
esti de exáminis anda,

Pero hay que desfel as dudas
dexemus as coissas claras:

Estuvi por Moraleixa
invitau a unha matanza,
foi alí que me pasó
una coissa muy extraña.

Había empezau a mañán
con dulcis y con chupanza
estábamus toos contentus:
a faena se acercaba.

Y apareci o matachín
con cutelus y con facas.
Algu chispu dibía estal
pues m’agarró por as barbas.

- Aquí está el cerdo ¡ayudadme! –
comu un posesu gritaba.
y os demáis, algu achispaus
sujetándumi, le axuaban.

Con toa sua forza quiría
atravesarmi a garganta.
Menus mal que estaba chispu,
pur issu nun acertaba.

Meiu mortu me tirorin
pa encima d’unhas retamas,
y aquelis homis borrachus
con fieitus me chamuscaban.

Foi entoncis que un pequenu,
un dagal de Vegaviana
dándusi conta d’o asuntu
fidu dal a vó de alarma.

Me levorin a o Hospital,
dondi estuvi unha semana,
entre indiciós y tiritas,
con jarabis y tissanas.

Y agora meiu curau
de firías y de llagas,
me entreteñu lendu o Foru
convalecienti n’a cama.

Nun pensemus en exáminis
ni de coissass de insinanza.
A radón foi máis sencilla
y tamén mutu máis clara.

UN MATACHÍN BORRACHUZU
Y UNHOS AMIGUS D’A FARRA
PENSORIN QUE ERA UN CUCHINU
EN AQUELA JUÍA MATANZA.

Nun acaborin conmigu
en aquelas circunstancias
perderan unha ocassión
que didin que a pintan calva.

Ya pasó to. Agora parecerá unha broma, pero que te confundan con un cuchinu, en aquel momentu nun me fidu gracia niñunha.
Y isu que diba redén lavau, afeitau y duchau. Pendau nun diba, pero os que me coñocin sabin por qué.
Pensu que issu en o lugal nun me hubera passau. Si alí nun deixan fel fogu a os quintus tampocu deixarán chamuscal os cuchinus.

O importanti é que he voltu y pur isu vos salua

BRODAS

Amigu Brodas:Nun se que ten de certu que te quixieran queimal,poi sel unha broma tua o poi sel un ha broma dos demais que pagastis cara.Sea comu sea hay mutu ingeniu en o poema da matanza y te felicitu por as duas coixas,por voolvel(como volvi a alondra sei niu),y por os versus tan bos con que te pressentas.Enhoraboa.

¡Nun mo creu Brodas, nun mo creu! O dia dos inocentis ya pasó, ¡Con o brutu que tu eras de pequenu, seguru que algu quea! ¡Cualquera te eita man!. Isu e que, no ques srecoñocelo, te destis unha panzá en a matanza esa y así de ha diu. Ago que estás recuperau,ya sabis, opina sobre as coisas que se están trantandu en o furu, que a a tua opinion e muy valida.Un apreton de man. Chitu

Me alegru da tua volta a o foru y sobre to,que o hayas puiu contal, porque imaginati que si aquel matachin hubera siu "tiu Cherepi" , agora estariamus tos intentandu recompoñelti os destrozus, porque aquel nun fallaba ni bibiu ni nà, cuchinu que agarraba, cuchinu que descuartizaba, asi que amigu Brodas, sempris dandu G. a D.

Bueno, cumu tu didis o importanti e que has voltu y pur isu te saluu

M/E

BRODAS:
Esperu y deseu que "o da matanza" nun chegara a o ríu. De toas as formas me alegru que estés de volta en casa y dispostu a siguil con bo humor y versus en o foru, isu significa que estás ben.
Un abrazu forti.
CAMIÑU