San Martín de Trevejo - Caceres

Pa que ya se vayan disipandu dudas, vos contaré que os aparatus de o parqui juntu a o cementeriu, están feitus de ferru, y están anclaus fortimenti con cementu y turnillus. Así que por esi lau están prutigius contra as inclemencias meteorológicas, y tamen demus un votu de confianza pensandu que se van a respetar, en cuantu a que poyan os jóvinis o dagalitus deterioralos, me refieru.

He enviau fotus de elis, supoñu que o Sr.Administraor pondrá algunha pa que os vean os que estéis fora.
Y así os que estéis fora do lugal, ya poéis empezal a fer plas y organizalbus pa cuandu veñáis disfrutal de elis, y millorar en salú.
Ya sabéis o lema: "El ejercicio te cuida", me permitu poñel unhos parrafus, que facilitan a busqueda y lectura de elis, muy interesantis.

"La Junta de Extremadura, sensible a las necesidades para mejorar la calidad de vida de los mayores extremeños y del sistema sanitario, ha puesto los recursos humanos, económicos y estructurales necesarios para que se desarrolle y aplique el programa pionero internacionalmente "El Ejercicio Te Cuida"

"El objetivo fundamental del programa es mejorar la calidad de vida de los mayores que padecen alteraciones moderadas cardiovasculares como la hipertensión arterial, metabólicas como la obesidad o diabetes, o ansiedad/depresión, ayudándoles y asesorándoles a seguir la recomendación de ejercicio de atención primaria ofreciendo en los municipios de Extremadura un programa físico especializado, medido y evaluado, en términos de mejora de salud y calidad de vida; todo ello coordinando la atención primaria, la atención al bienestar social y el Plan de Dinamización Deportiva".


"El Ejercicio Te Cuida es un programa de la Junta de Extremadura y en el que colabora la Universidad de Extremadura a través del Grupo de Investigación AFYCAV (Actividad Fisica, Salud y Calidad de Vida)

Hasta prontu, un saluú a tos y muta SOIDI pa TOS y pa Fala

mye

Boas tardis Foristas, Mañegas y Mañegus:
Estimá "Mye". Me alegra que nos hayas informau de o "parqui" y de que os aparatus estan ven sujetus pa que nun se poyan rompel y sirvan pa practical ejercicius as persoas mayoris.
Me alegra que a Yunta de Extremaura, se preocupi pol as persoas y estas practiquin ejercicius pa tel sanu o corpu físicamenti.
Tamen digu ei que conven practical o ejerciciu de o cerebru, leendu y fendu ejercicius mentais que tamen ayuan.
Son duas coisas esencias as que ai que tel en conta. Primeiru o ejerciciu físicu y logu o intelectual.
Soidi a Fala, Mañegas y Mañegus.
Chalrrieira.

Totalmenti de acordu con tigu Chalrrieira, un se complementa con o otru, y si importanti e un, mutu mais o he o otru.
Aunque ben que o practican mutus jubilaus con as boas partías que se eitan as cartas, y isu agiliza mutu a memoria, hay que estar contandu y retendu información, y da gustu ver a tantas mulleris que dedican un bo ratu a yugal, y a charlar con as demáis, unhas van tos os días y otras sólu os dumingus, está muy animau o bar dos jubilaus, y cumu didin por as terras catalanas isu "fay piña", y por o tantu hay unión.

Un saluú pa tos y soidi a Fala

mye

Gracias por as informacios que nos da.

Desearía que me ampliaras información respecto as dagalitas
que se comunicaban en castellanu, sendu o seis pairis, mañegu
parlantis. Intuyu que foi algu esporádicu, que yugaban cumu
si se tratara de unha acción teatral?¿Has falau con seis pairis? supoñendu que les teñas confianza. ¿Has observau si o fan sempris y con otras dagalitas?
Nos informas que o bar dos JUBILAUS está sempris muy animau
yugandu a partía de cartas. ¿Y o "gimnasiu" da Relba y con aparatus
novus?

boas tardis

Respectu a información que me pis, te digu Chenchu, que era falandu entre elas, estaban comprandu chuches en unha tenda, nun era yugandu, y por o que me dixeran mutas vedis falaban así, agó ca vé que as veu, les preguntu que cumu están falandu, y me didin que en mañegu, pero descoñozu si hé verdáis o non.
Pero cumu dixi o día que escribí contandu istu da Fala y as dagalitas, dixi tamen que otras dagalas mais mayoris que van a o institutu de Valverdi, a elas tamen as he uiviu bastantis vedis falandu en castellanu.
Por otru lau, tamen he comprobau que otrus dagalitas/tus, que suas mairis falan castellanu, porque son de fora, o sempris o han falau, de mais pequenus sempris os uiví falandu en castellanu, y agora falan o mañegu perfectamenti.
Así que creu, que hay que ser pacientis, y si a nosa Fala, leva tantus anus trasmitindusi de pairis a fillus, nun creu que agó vaya a desaparecer, y ya me enteiraré mais, pero que sepáis que en a escuela tenin clasi de "mañegu".
Si he certu que pasan estas coisas puntuais con as crias, que falan en castellanu, pero pensu que por o general, se fala en mañegu. Teñamus confianza.

Tamen sé de boa man y os he vistu, que sí se le está dandu usu a os aparatus de gimnasia-rehabilitación de o parqui da Relba.
Seamus optimistas, están fendu unhos dias extraordinarius, con un ceu azul imponenti, y a yenti ya say a paseal, y cuandu pasan por alí se paran un ratu, a noveai atrai mutu, y tó he cuestión de organizarsi, o día he muy largu, y duranti a mañan y tardi poi dil muta yenti.
Ademáis, ei esperaría a sacal conclusiós, hasta que pasi un tempu prudencial, y se verá si se le saca partiu o non a os aparatus, y unha vé que a yenti os usi, se le poi preguntal qué opinan de elis, y así serán reais as observaciós que se poin fel de os aparatus.

Encantá de aportal un granitu de area a esti foru
Soidi pa tos y pa Fala

mye