San Martín de Trevejo - Caceres

Nun he puiu resistil a tentación de viajal a o lugal o pasau fin de semana. Ni unha das mayoris olas de friu dos últimus anus mo ha puiu impidil. O airi, o friu y a nevi visitorin o lugal, recorreran a suas callis, beberan unhos vasus de viñu en as pichorras y antis de marcharsi trazorin una línea imaginaria entre o lugal y o valli. Asi, mentras o lugal reivindicaba a sua condición de pueblu de montaña baixu a mirá atenta das montañas nevás, o valli esperaba en silenciu o rápidu deshielu pa volvel a disfrutal da riqueda da agua en o seis arroyus....

Afortunau tu que has puiu sintil de cerca, esa sensación que produdi a nevá en o lugal, como de mais silenciu en o campu, como si a nevi fidera retumbal as vodis mais, de maneira que duas persoas poin entendersi falandu normalmentí de lonxi, esa sensación que ya teñu caisi ulviá, pero que inda a recordu, cuandu dívamus a vel en o ponti do chafaril os carámbanus, mais gandis que os de o retratu de JL,que colgabán de a levá. Algún atriviu cortaba unha espá, a modu de "POLO" ¡cómo se queaban as mas de frias! nun puia felsi o galu con os deus y lugu se quetaban y queaban ardendu. ¿ Y as bolas ? ¿Y os munecus ? Seguru que os dagais y dagalitus de ago, nun son tan atrivius pa esas coisas. Hay que dali as gracias a os fotógrafus, que nos fain compartil con os residentis, esas maravillas da naturaleda. ¡ Ya vendrá o verán!. Un saluu pa tos y animeibus a escribil. Chitu

E verdai, Chitu. Ya fai tempu que nun entru en o foru pero nun he resistíu a tentación de felo hoiýi que estoy muy cerca da terra que didin que é unha nación y que tamén falan catalán. En unha isla grandi y con un sol radianti, vendu o mediterráneu, volvi un a recordal unha infancia cuandu nevaba cumu apareci en as fotus que he vistu, y recordandu esas sensaciós que describi tan ben Chitu (gracias, Chitu, otra vé por fel o mismo). Desde tan lonýi nun poyu fel otra coiça que morrel un poicu de nostalgia, de añoranza por nun poel estal en o lugal y por nun poel volvel a esa infancia; quean tan lonýi as duas coiças...
Un abrazu pa tos.

Tampocu estás mal, amigu Camiñu, si e Mallorca o sitiu. Animati a dal unha escapá, pero en Primavera, que ei foi un anu y,como feya mutu tempu que nun estaba por alí en esa época, descubri coisas que ya tiña ulviás a pesal de hableas tiu tantu tempu frenti a mi. A Ciai e o que ten, que aunque teña campu cerca y vayamus alá de paseu, nun e igual; nun e mismu miral desde o Empalmi pa baisu y vel seti tonus de verdi y a os árbulis rompendu con brotis tenrus y con meu inda das elás, que vel cualquera dos parquis de as ciais. ¡ hay que velo ali !. Asi que si te vas tan longi, vaiti tamen pa o lugal alguhna ve. Te salua .Chitu

Amigu Camiñu, si comu dedudi Chitu e verdai que estas en Mallorca,me gustaría que me invitaras a unha cervicita,buenu, ta yogu a os chinus... nun te recordu peru sería unha alegria pasal un ratu tomandu un viñu, anque nun sea do lugal.He pasau unha ma temperá por unha aperació gravi que tiña pendenti miña mullel, pero ya ha seidu do peligru y estoy a tua disposició y a do cualquel mañegu que veña por Mallorca. C/ Vista Alegri, 26-Baxus-B. Palma. Tf.971 404272.
Me reincorporu a o foru. Un abrazu pa tos os foristas, especial pa os que coñozu personálmenti.

¡ Homeeeeeee! ¡Cuantu me alegru de que to haya seidu ben !. Te conozu ¿Sabis? y te estaba eitandu de menus en o foru. Nun dudu que vas a tratal ben a esi paisanu, si e que está aei, como sospechu. Que nos o conti Camiñu cuandu ocurra o encontru. ¡ Ben vindu Cerrumiquili ! precisamenti o primeiru que e lui en o foru antis de entral en él foi aquel escritu que empezaba " agazapau entre as tellas do tellau de tia Binita" . O ditu. Un abrazu..Chitu

Cerrumicli!!Nun sé quin eris.Solu un mañegu de bo corazón,se comporta así.

Dios queira que a tua mullel,se recuperi en a mayol breveai.
Soidi...

Ben vindo de novu o foru, Cerrumicli,y que se millori a tua mullel
Un salu pa tos
Anduriña

A Parral :!!!ya se quin eris.!!!..,que sorti de poel visital o lugal,que sorti tendis...!!!Habia pensau que era tei sogru o que se feya chamal Parral,a verdais he que nun estaba demaisau equivoca...!!eh!!
un abrazu de Anduriña