San Martín de Trevejo - Caceres

Cumu ben a ditu Nachitu, ayer tardi dispóis de Misa, ha siu o Concertu titulau "Evocandu a o nosu pasau", por o grupu Lux Bella 1492. Eligiran esti nomi en homenaji a Domingo Marcos Durán (Teórico musical renacentista)natural de Alconéctar-Garrovillas(Cáceres)autor do primer tratau de música impresu en castellanu, titulau Lux Bella y publicau en Sevilla en 1492.

Con o aval científicu de a Universiai de Extremadura y o Festival de Música Antigua de Cáciris, esta Asociación Cultural"Lux Bella 1492", ha naciu pa investigar, recuperar y por supostu interpretar, a música antigua extremeña e intercambialas con otrus pueblus y culturas.

Han interpretau un-hos temas popularis, un-has canciós y villancicus do renacimentu y acabandu con tres temas popularis.
Ha siu muy bonito, diban explicandu que idía caunha de as melodías.
Tamen había un tamburileiru, que era de Torre de Don Miguel, que había vindu con mais yenti a escutal o conciertu, y o director fidu que seira y o invitó a tocar o tema de "Echar la Bandera", que he o que tocan deyantri de os santus patrós, mentras se ondea a bandeira. Tamen han contau que se toca dentru das iglesias.
To istu o han tocau con instrumentus réplicas de originais do siglu XVI, consistían en: Cornetas, flautas y espinetas, han diu explicandu de qué estaban feitas y porqué.
O nomi de a espineta ven de "espina o pua" por o sistema de a pulsacion das cordas.
O director que cantó tamen, he de Valverdi y he profesor de Música de o IES de os Foyus.

Bueno nun me extendu máis, a verdáis que ha mericiu a pena, algu de noveái en o lugal, ha siu muy anunciau, por bandus y carteis por tó lugal, lástima que nun foi muta yenti do lugal, había máis de fora.
O vernis por a noiti, o fideran en as Ellas.

Un saludu pa tos y soidi pa Fala.

mye

Teñu que empezal por darti as gracias por tan magnifica, nun poyu dali otru nomi, información que nos suministras propia de unha periodista avezá en dal esti tipu de nuticias.Se enteira un de tó, pareci que o está vendu y sobre tó, con o entusiasmu que o relatas, das unha envidia impresionanti. E un enormi acertu dal esti tipu de nuticias y mais e o produdilas, por tantu tamen hay que felicital a quen haya siu promotol de tan gratu acontecimentu.¿Ves? ni en as grandis capitais a vedis e posiblu disfrutal de un concertu explicau y tan cercanu, hay que pagal pa disfrutal de esis espectáculus a mayuría das vedis. Enhorabuena a o lugal y a os promotoris, supoñu que o Axuntamentu, cultura o a Xunta, da igual, to que sea bo pa o lugal e bo pa tos os que o queremus.Soidi a fala y pa tos y pa ti gracias de novu. Un saluu Chitu

Teñu que rectificar idindu que o tamburileiru nun era de Torre de Don Miguel, si non de Valdeobispo.

Y cumu ben didis está prumuviu por a Mancomuniai de Municipius Sierra de Gata, y o subvenciona a Xunta.

https://ww.extremaduraaldia.com/provincia-caceres/la-comarca-de-sierra-de-gata-apoya-a-los-artistas-y-grupos-locales/71940.html

En esti enlaci, se vé un cartel dondi sain tos os actus que habrá en a Serra de Gata.
Si se pincha en o cartel, say unha lupa que aumenta o que queiramus lel.

Un saluu pa tos y pa Fala.

mye