San Martín de Trevejo - Caceres

Poicu se celebraba eno Lugal esti dia, solu recordu que se bindidian
um'as cintas que logu nos atabamus a garganta, d'esta maneira queabamus
prutigius dos malis ena mesma.
A San Blas se le reconhoci cumu protectol da garganta, contan que um'a
mairi le levo se filhu muribundu cum um'a espinha clava ena garganta
io santu ponhendu sua man sobri o dagalitu o curo.
Antiguamenti si se conmemoraba esti dia subindu a Xálima a esa ermita
que tôs conhocemus, pos era a ermita de San Blas, se feia rumiria i se
le rindia cultu ao santu.
Enas Elhas i en Valverdi currian os cabalus con as mozas montas ena
grupa detras dos mozus, se idia, vamus a correl San Blas.
Peru sin duda ninhum'a eo patron de Cileirus, um dos cantus que entonaban era:
Si San Blas pudiera subi la cuesta a San Pedru Celestinu le cortaria la cabeza. Se ve que num habia boas relacios cum Vilamel.
Soidi pâ tôs i que San Blas vos de sua protección.

Bos dias Foristas, Mañegas y Mañegus:
Estimau Nachitu:Ei teñu un amigu aquí en Mairil, que se chama Blas y que ayel o felicití, pero me soaba maís.
Efectivamenti: Ei tamen recordu de dil a bindidil en a Igleisia as Cintas de colol, que logu nos puñian as Mairis en a garganta pa protegela de os malis. A Garganta, cumu too corpu e muy delicau y ai que cuidalo ben. A Cinta de colol, bindidia, cuandu estaba muy "lisiosa", se queimaba.
En as "Ellas" currian pol as callis os cabalus y diban deyantri os omis y detrás as mulleris, pero tamen colgaban "capachus" encindius en as ventás y balcós, y cuandu pasaban os cabalus correndu, sacuian y a queli o fogu, currian mais os cabalus.
Y en cuantu a Cileirus: Era o Patrón de o pueblu y mei Pairi (Q.E.D) cantaba tamen así: "Si nuestro Patrón San Blas, pudiera subil la cuesta, a San Pedro Celestino le cortaria...."
Soidi a Fala, Mañegas y Mañegus.
Chalrrieira.

PD: "Nachitu", te he vistu en el Foro de Villamiel.