San Martín de Trevejo - Caceres

¿Qui e o que pasa ? De repenti, ni retratus, no comentarius ni na de na. ¿Dondi esteis? Chigui a pensal que o Foru era millol que un periodicu local, que puia sel como aquelas reunios que, en tempus, habia debaisu dos portais o en la hermita do nazarenu, donde se falaba de to un poicu, aunque "se le cortara algún traje a alguén", dispois de to, con frecuencia se fala dos ausentis, ben o mal, y se entretén un. Ago se han calau os ordenaoris y temas hay ¿Eh? o que pasa e que temus que tratalos, comu debi sel, nun amparándunus en o seudónimu, a vedis anonimatu, pa idel coisas que, dandu a cara nun diriamos; en isu le douy a radón a Chenchu, cuandu repiti mutas vedis ¡ da a cara!.¿Nun pasa na en o lugal? ¿To está ben ? pues na home, felemus de otra coisa, pero nun dibiriamus deisal esta comunicación en a nosa fala, por que alguin idia que estabamus fendu historia y, aunque digamus, chorrás y tunturías - ei o primeiro- por lo menus nos comunicamus. De verdai que, aunque solu levu unhos mesis en o foru, me daría pena que se acabara por agotamentu. ¡ Animo Cancheira! Deleitanus con unhos versus que nos produdan un piñiscón en o estómagu, como mutas vedis logras. Chenchu, no te calis, ¿Te has diu pa otru foru ? ¡Ni se te ocurra!, Brodas, nun nos privis de o tei sabel flamencu y de os teis amenus y sabius escritus. Camiñu, di algu. JL. ¿te has queau muitu? Indanunsé, ¡ lo tu ya nun retratas?. Enfin, Cerrumiquili, que emigro, por que na se sabi, Tribuleti, que nun parecique teña interes en a condecoración que se le ofrecei, Anduriña, acercarti a o lugal, aunque sea época fría. Poyalis, Mañegu, desempolvei o ratón y a fel algún comentariu ¿Como vamus a dil a pichorra de M/E, esti verán si nun feimus ganas aquí ? Se me ulvian mais integrantis do foru, perdoimi os que nun de o nomi, eramus tantus ya....... Un salu pa tos. Chitu

Peru nun te das conta que estamus subindu a costa de eneru.?
un salu. JL.

Pues si que tes radon Chitu, algu esta pasandu, nun se si sera costa de eneru cumu didi JL. O e que si falta CANCHEIRA (dondi andarà) ya nun hay nà que comental?. Me pareci a mi que cumu istu siga asi me voi a encontral ei solu esti veran en a pichorra
Unnmm, nun creu ei. Falei aunque sea dos papeis de Salamanca, (que a mi ni me vai ni me ven), .Pero supoñu que sera algu muy importanti porque to dia estan falandu en a TV . Chenchu que didis de to istu? y Cataluña unha nacion? y nosotrus que somus?

BRODAS dondi andas? a ver si nos pos otra de as tuas pa meter un poicu de humor que pareci que esta fendu falta pa animal algu a xenti .

Seguru que si estuberamus debaixu dos portais nun habia quin nos calara.

A escribil aunque sean "chorras" cumu didi algun parei, que de to se poi sacal polemica.

Un saluu a tos/as os furistas M/E

Bueno, ya dis sendu das gazapeiras, a pesal de que fai friu en tos os laus. ¡Animu dagais que isu da costa de eneru e un mitu! Costa? to anu hay costa, unhas vedis mais empiná y otras menus ¿ E verdai ? pues isu, a siguil. Nun me gusta entral en debátis políticus y o de nacion o non acaba senduo segun a idiología, por isu, deiso alá M/E,igual que o de Salamanca, como si unhos papeis por muy importantis que sean,vayan a dal de comel o cualquel otra coisa, os teña quin os teña. Se ha gastau mais en esi tema que o que puia custal reprodudilos tos, clonalos baya ¡ con os ayantrus que hay oixi! Lastima que esta tertulia, nun poa sel como unha pichorra, "on line" se poi falal bis a bis, pero un se poi bebel un traguitu de eis mostu tan ricu que algunhos tenin ¡Que pena!.Cancheira ¿ru no fostis a escuela dos cagós de tia claudia ? me gustria sabel quin se acorda de aquel " colegiu" en a boiga, agora de Lorenzu "Aguacil".Ya he agotau o tempu, vos mandu un salu pa tos. Chitu

Chitu: vagamenti me acordu da escuela de tia Claudia. Ya feia mutus anus que nun me acordaba d'isu e inclusu he pensau que o había soñau, pero agora me acordu: ei diba con unha sillita que me había feitu mei pairi y recordu que o solu era de peira, cumu a calli, pero estaba muy limpu cumu si estuvera redén fregau. Gracias, Chitu pol comprobal que era realiai y nun soñu; fai tantus anus...
Por certu, Chitu, ayel diba a escribil algu pariciu a o que has escritu sobre o foru. Pensaba ei idil que isu do foru ven dos romanus cuando se reunían en o "foro" (plaza) pa discutil y pa uivil a os que itaban discursus. Tú o as descritu muy ben: esti foru, pensu ei, e cumu unha plaza, os portais, dondi se vay a charreal de to, do divinu, do humanu, do de máis alá y do de máis acá. Unhas vedis e intereçanti y otras e un poicu aburríu, unha vedis se discuti acaloramenti y otras é un aburrimentu. Nun ten máis radon de sel que o que queiramus que sea, un espaciu virtual dondi nos encontramus y falamus do que nos pareci en unha lengua que con isu estamus fendu que nun se perda. Si ademáis nos enteriramus do que pasa en o lugal y do que nos pasa a noçotrus millol que millol. Aquí estoy pa isu; nun pretendu máis que compartil un tempu y unhas impresiós con quin queira leelas. Escutal (leel) o que didin os demáis e idil o que pensu con respetu.
Un abrazu.
O CAMIÑU