San Martín de Trevejo - Caceres

--------Mais de un me ha chamau pa idelmi que o fidi trasnochar ayel, pendienti de que se emitira a entrevista en Tele 5, que Fincacha anunció, y ei mismu ratifiqui idénduselo a Cerrumiquili.

A entrevista nun se ha publicau, seguramenti por que, dibiu a duración de a emisión en Antena 3 da Película de o asuntu “ Mariluz”, a otra emisora emití dois capitulus de unha serii nova y empezó unha hora mais tardi o programa dondi dibia dil a entrevista y supoñu que o recortarían un poicu y prefiriran nun emitil o tema sobre o que se trataba a entrevista. O millol o domingu que ven sai.

En o que se poi contal do tema, por que e profesional estrictamenti, me pareci adecuau informar a esti Foru que, se trata de unha defensa que se me encargó por unha familia de clientis meis pa sei fillu, ya casau y ago pairi de familia, que o acusaban de un delitu e agresión sexual a unha menor, asuntu delicau dondi os haya por a naturaleda de a , inda, suposta victima que era menor de edai. O clienti foi a prisión y dispois de que se tramitara parti do sumariu (teñu que usal palabras técnicas a forza o sintu ) recurrimus ante a Audiencia de Sevilla o tema da prisión y o de a acusación, que se le quiria atribuil, de violación. Gañamus, por idelo de algunha forma, o recursu y a Audiencia mando sacalo de a carcil asi como que se quitara a acusación de violación, por que se consieraba que o que habia era un posibli delitu de agresión sexual. O asunto agó está en o Supremu por que como o han condenau él nun esta conformi por que se considera inocenti y nosotrus asi o entendemus, ademais, por que nosotrus afirmamus que en a tramitación do sumariu se han vulnerau dereitus previstus en la Constitución que ten a acusau. .

Dispois de esti prologu e cuandu ven a justificación da entrevista que me han feitu varius meyus de comunicación ( Antena 3. Telesur, Telecincu), por que a mairi da menor, que cree firmimenti que mei clienti foi a autor do delitu, mentras que él afirma que nun estaba en o sitiu cuandu se fidu a agresión denunciá, ha seidu a os meyus de comunicación afirmandu que un violaol está en a calli, que e unha injusticia, que solu por que a Audiencia considera que e un pairi de familia y ten un fillu y ten traballu fiju etc.etec. o tenin en a calli. Os meyus han quiriu contrastal istu y por isu han vindu a preguntalmi sobre a tema y ei, por asi habelmo encargau mei clienti, he tiu que desmiltil que él sea un violaol, por que nunca se la a acusau de isu, y si está en a Calli e por que a Audiencia, conformi marca a legislación de procedimentu criminal aplicable a o asunto, nun ha feitu mais que aplical a ley, consideranduo inda presuntamente inocenti hasta que nun haya unha sentencia firmi que o condeni, de manera que, tantas vedis ha solicitau a acusación prisión pa mei clienti, tantas vedis le ha siu denegá por a Audiencia.

Esta e a polémica y si se publica a antrevista, se comprenderá perfectamenti de qué vay a coisa, que si ha creau alarma social e por que se ha pretindiu contectar con o casu “ mariluz” con o que nun ten absolutamente na que vel.

Perdoei o rollu, pero asi, creu ei, quea aclará a cuestión y aunque a mi nun me gusta falal de temas profesionais aquí, creu que o Foru se mereci esta explicación .Soidi pa tos y pa a fala un saluu de Chitu.

Yo soy una de las muchas personas que se quedaron por verte,asi que me debes una hora y media de sueño(es broma),lo hice encantada,porque no todos los dias se ve a un paisano y amigo hablando en la tele.Mi duda era que no sabia de que tema ibas hablar,y encima la mala pata de poner dos capitulos de una serie penosa a mi parecer.Bueno pues estaremos pendientes el domingo que viene.Un abrazo

Pues a mi me paso igual,estubi hasta o final,mais das duas da mañan
esperandu que seida o vidiñu en a caixa tonta.
asi que esperemus que salla pa semana que ben.
un salu pa tos.

Ten que sel algu mui importanti;pa qu'ei siga vendu a televixión máis alá do telediariu das novi da noiti.

¡¡Mira Chitu!!, cuandu me diba pa cama pensaba:si agarru agora aquí,a esi condenau Chitu,o petaconadu que le doi;o mandu dos portais o meyu da plaza.

Desdi logu,o tema é espinoxu;esperu tenha un final xustu.

Forti abrazu

FONTI NOVA

Ben, istu ten remeiu: Nos, os do foru, te demandamus a tí por danus y perjuicius, tu demandas a RoXu i Negru (Telecincu) por nun haberti sacau o día y hora prevista, logu chamamus a o programa a Noria de Xordi, le pimus unha boa pasta por contal a historia, (ia sabis, esti nos enganó, hasta as trees da mañan, nun se poi aguantal...ei mismu logu me queí durmiu y foi tardi a o traballu. Tú: Ei dixi o que me dixerun, ademais dilbus a fel puñetas que naidi vos obligó. En fin, montamus alí un carallu... y son capá de chamalnus pa Antena 3. Corazón de melón etc... Con o que saquemus nos motamus otrus cordeirus y ¡¡tan contentus!!. O que si pensu e que o preciu do cordeiru vai a subil con tanta demanda............
Comu didi Fonti Nova: O tema e espinossu peru nossotrus nun poemus fel sentencias.
Venha, o dumingu que ven estermus a o pe do cañón.
Forti abrazu.