San Martín de Trevejo - Caceres

Ayel tardi morrei en o lugal un fillu de Domingu y Paula, ya sabis, él e o concejal de Cultura do nosu lugal, ,magnifica parsoa, amigu mei, gran coñoceol de toa a historia tantu do lugal como de a fala, gran traballaol y defensol de to o que esté relacionau con o lugal. Desde aquí, sin perjuicio de darselo personalmenti a o matrimoniu, le mandu o mais sintiu pésami por tan trágicu sucesu y, como creyentis y practicantis que son dambus i dois, se que pirán a Dios paz pa sei fillu y que El les conceda a resignación necesaria pa soportar esta lamentabli pérdida. Un saluu. Chitu

!Que le vamos a fel!. Dependemus de Dios, entoncis cuandu menus o esperamus nos vamus pa o otru mundu, pues e Él quin dispon de as nosas vias; pues sendu os Pairis Creyentis y Practicantis en a fé de Dios, o sabran sobreleval con muta mais paciencia y resignación.
Le enviu o mais sinceru pésami por a pérdida de ésti quiriu fillu.
Reiteru aquí miñas condolencias, en especial a seis Pairis, tamen a seis hermanus y demais familia. Sé que ten un Tiu que se chama Eduardu que está de Sacerdoti en a Universiai de Venezuela y unha tia que se chama Pilal, que vivi aquí en Mairil.
Lamentandu esta tristi nuticia, se dispí con un forti abrazu:
Chalrrieira, O dagal mais pequenu de Tiu Román (q.e.d).

Boas tardis.
Nos tamen nos unimus en dali o mais sinceru pesami a Mingu,a mullel
i a os hermanus.
Animus a tos i a siguil pa yantri,un abrazu a tos.
Paciencia i resignacion.

Hemus siu amigus de toa via.Hoiyi,Paula,sua mullel y él,están muy tristis.Un dos fillus,criau con cariñu,pasión,amor hasta o extremu,ha mortu.
Mingo,Paula,vos chegarán mensajis de too mundu.Os tendis ben miriciu.Sois a proba humana da paciencia,da entrega,do sufrimentu,do cariñu,do perdón y isu toos o sabemus.En esta hora tristi,recibí o abrazu dos meis fillus,da miña mullel y mei.Vos veu en o novu tanatoriu,rodeau de yenti que vos querin.Alí nos gustaría estal mutus.
Paula,Mingo,ANIMU.Os otrus fillus,os netus,San Martín,as Ellas,Extremaura,Galicia...too mundu vos necesita.
Vos queremus sempri y gracias pur o ejemplu.
Gonzalu

Mingu y Paula,(miña primeira maestra)y pa toa familia, o nosu mais sintiu pesami.
Cumu didi fincacha ,animu y pa yantri.

Pacu o de Gil y familia.

De minha parti y de a minha mullel, mei sintíu pésami a Mingu y a Paula:
Esta meiudía m´a chamáu un-ha amiga de Zarza (casá con Heliodoru) y me ha comunicáu a tristi nuticia.
Esperu dárselo personalmenti.
Un forti abrazu
Fernandu y Petri

Me ha dau muta pena esta nuticia
Mingu y Paula ,queru que sepais,que tendis o afectu de mutus mañegus;me unu 'os compañeirus do foru pa mandalvus, en esti momentu, o mei mais sintiu pesami,por a morti d'o vosu fillu .Varias vedis me encutri con el en a plaza,me ensinaba os seis dibujus ,y unha das vedis le deisi o ordenaol pa que falara con mey subriñu Miguel ...esperu de corazon, que ya esté en paz
A vostrus vos deseu forza y sereniai
un abrazu
Desde Paris
Isabel Moreno

Comprendu mui ben,comu debin sintilsi os pairis.

L'envíu a elis o mei sinceru péxami.Así,comu a o restu da familia.

FONTI NOVA

Mi mais sintiu pesami a Mingu i Paula,que mais se poi idil en estis momentus,solu que tirin pa yantri y que o restu da familia vos necesita,por isu muta forza.
Forti abrazu

Mis querius amigus Domingu y Paula asin comu a o restu da familia, hermanus, tius....Me gustaría estal con vosotrus pa poel darus un abrazu muy forti por a perdida de vosu fillu y pil que tenhais resignació. Nosu mais sitíu pésami.
Maruja y Chuchi.

Acabu de habril o foru y o primeiru que me encontru e esta tristi nuticia. A pérdida de un fillu sempris e o drama mais grandi que poi pasali a unhus pairis.

Nosotrus o cuñuciamus bastanti ben, pues mutas vedis subia a nosa casa por ser vidiñus y amigu do mei fillu y tamen un "gran pintor i artista", sempris me viña a ensinal o que estaba fendu,(aqui mismu a o lau do ordenaol teñu un dibuju que fidu él, o guardaré con too o cariñu), e unha gran pena que se haya diu tan jovin.Que Dios o teña en Pà.

Mingu, Paula y familia: Vos damus o nosu mais sintiu pesami.

Angil Toya y famila

En verdais que é unha tristi nuticia, solu dali mei mais sintiu pexami pa mingu y toa sua familia.

Un salú pa tós.

Mei pesami a toa a familia de Mingu.

Foi un bo amigu, y un bo maestru que me ensinó mutu sobri o dibuju con tintas y acuarelas. Con sei hermanu me ensinaban ademais librus de pintura, dandomi tamen algu de cultura que tantu falta en esti mundu.
Me idia a xenti "nun te axuntis con elis" pero tos sabemus que era boa persoa... de tos modus poicu casu fayu a xenti! sinun ya habria deixau de pintal por desgracia. Era un gran pintor, diria ei, Gran Dibujanti y Gran Observaol que con a sua vision tan`particular do mundu, o nos gustaba o nos molestaba os seis retratus y dibujus. Si isu nun he sel artista! y pintal cumu un quel, disfrutandu.

Estuvu ahei, cuandu o necesitaba, cuandu entri en a escuela de arti. Me axuo a entendel o que me pasaba y tamen me do o ejemplu de o peligru que hay. Entre criticas, xenti aproveita o as drogas. Pero tamen cumu didi sei pairi, me ensino o caminu que le gustaba tantu. O de a luz, a sinceriai, os coloris..."Nun le des tan fortis a os coliris" me idia. Y mo volvei a idilu esta naviais. Agora solu me quean os cuadrus y os dibujos de recordu, deixandu ahei o sei trazu.


Luis Miguel Dominguez alias Zaparrostru.

Estimaus Paula i Mingu.
Sintimus mutu a perdida do vosu filhu, nos unimus a vosotrus en estis momentus de dolol ia que poicu mais poemus fel, vaia pos dois um forti abrazu i tamen pa vosus filhus.
Desdi Bilbau, Begu i Nachu.

Desde Salamanca tambien nos unimos a vosotros en el dolor y os acompañamos en el sentimiento por la perdida de vuestro hijo y hermano.Chano y Vikis ( mis padres),que estan pasando aqui unos dias con nosotros tambien os dan el pesame,aunque me dicen que ya lo haran personalmente cuando lleguen a San Martin.Un abrazo.Merche y Adolfo.