San Martín de Trevejo - Caceres

BOAS TARDIS ( o bôs días si o lees por a mañán; inclusu boas noitis si te has conectáu por a noiti):

De maneira similar a o MESTER DE JUGLARÍA (sin querer, de ninhun-ha maneira emulalos), aehi vai un-ha canción, con a temática do día tres de eneru en c´a o Saltu.
A canción ten tres partis, que están entremezclás: un-ha con versus de oitu sílabas (están señalizás con un-a a), otrus con versus de seis (con un-ha b) y otrus con versus de ondi sílabas (endecasílabos: señaláus con en-ha c).
Digu istu pâ que o que se animi a poñeli música, tenha un-ha somera idea y poia felo milhol.
Algun-hos versus sólu relatan as conversaciôs que hubu, quizá nun sea litaral pero cerca le anda.

A letra da canción didi asina:

CANCIÓN D´O DÍA DO FORU

a1. Se acerca ia o tres de eneru,
ia se anima o personal,
que está dispostu a viaxiar
y a merendarsi o corderu

b1. ¡Que ricus estaban
os arrepeláus
que fidu andurinha!.
¡¡Que ricu bocáu!!

a2. Mañegus de t´os os láus,
furistas con ilusión,
van tôs acuindu a reunión;
máis o menus preparáus.

b2. Y que gustu tiña
aquel Valdubón
o que Enriqui truxiu
¡Me gustó un montón!

c1. ¿Así que nun coñocis a O Parral,
ni sabis quin é Brodas ni Andurinha?
- Nun sé que fel con a memoria minha
- Ven p´adentru qu´os vamus a salual.

a3. Han vindu d´a misma Francia
y con bastanti apititu,
y tamén a vindu Chitu,
aunque de menus distancia.

b3. Tamén as naranxias
de p´a Santiponci.
¡Qué ricas, que frescas
qué grandis: enormis!

a4. De mutus otrus lugaris,
de Cáciris, de Sevilla.
Había xienti de Castilla
y d´as Islas Balearis.

b4. Y tamén que rica
esa manzanilla,
que nun sé quin truxiu
p´alí de Sevilla.

c2. ¿Cúmu sabis tú fel arrepeláus,
vivindu en Francia con tantu francés?
- M´ensinó minha agüela, tu ya ves:
¡proba y verás que ricus m´han queáu!

a5. De Cataluña viñeran,
y de Mairil capital,
y dispois de merendal
algun-hos dilsi tuveran.

b5. Y aquela ensaimá
de p´As Balearis;
que un páxiaru truxiu
de p´aquelis laris.

a6. Y logu os afortunáus
que vivin en o lugal
que nun tenin que viaxial
dispois de haber manducáu.

b6. Y había un-ha mojama
que quitaba o hipu.
¡Que pustín, que luju!
¡¡que bocáu máis ricu!!.

c3. ¿ Y didis qu´o corderu é de Castilla
Y que pastu y herbas nun ha probáu?
- Reconhozu, Pacu, que está ben asáu
Con esti vinhu, ¡vaia maravilla!

a7. ¿Y que idel dos anfitriós
Chanu y Viki, Viki y Chanu?
Quizá d´o foru o decanu,
pero sempris un señol.

b7. Y tamén prubí
anchoas y gambas;
y tamén hornazu
de pa Salamanca.

a8. Cuantu nosotrus levamus
nun é ná en comparación,
con esa organización
d´a que nosotrus godamus.

b8. Y un-hos mantecáus
jamón en taquitus,
y un-ha sobrasá
atún y bonitu.

c4. En parellas bailorin sevillanas
o bailaol: netu de tíu Rosariu.
Y tamén hubu un canti extraordinariu
en que Maruja se arrancó con ganas.

a9. ¿Cúmu é que estás mezclandu
Cocacola y Valdubón?
- Tú d´o ceu nun tés perdón
Poicu máis te vamus dandu.

b9. Había viñu finu
desi de Jerez:
mais to nun se puía
bebel de unha vé.

a10. Tuvu Nachu a gentileza
con as mulheris que había:
un-ha flor que se cumía:
tô un detalli de grandeza.

b10. Y os bombós aquelis
dentru de un bunecu,
que Nachitu puxiu
y que nos comemus.

c5. Y tô istu, que agora voi contandu,
sobre esa cumilona d´o corderu;
que nos vaia sirvindu, ei esperu,
pâ otra que vaiamus preparandu

b11. S´eitiorin de menus
as autoriáis.
Elis s´o perderan:
¡tocamus a máis!.

Bueno: si algún se apunta a poñeli música: aei está.
Prometu nun cobrali ninhún canon, por a letra.
BOAS TARDIS.

B_RODAS