San Martín de Trevejo - Caceres

boas tardis
nun sabemus na de a cumia do corderu. haber si era un lobu disfrazau de corderu y sa cumiu a tos os do foru que foran a cumia.
esperamus que o lobu levara camara de fotus pa que nos insini algunha fotu pa os que nun puimos estar.
un salu pa tos.

(esti escritu o fidi ayel y hoiyi o mandu)

En Sevilla está chovendu.Num poyu dil a o campu.A Caya Regional de Extremaura,dondi me pasu mutus ratus,está fechá.Teñu a miña sogra con noventa y tres anus con nos,esti mes y ei teñu que fel algu.

Acabu de leel o libru de J.Carlos R.Ibarra "ROMPIENDO CRISTALES" y tamen me ha dau tempu pa vel un-a película que miña filla Belén me ha treidu.Se trata del AÑO DE LAS LUCES de Fernandu Trueba,que según mutus sabeis narra un-as vivencias muy chamativas y sexuais que le aconteceran en o lugar sendu dagalitu a o que dispois fora sei sogru y él sintí muta curiosiai y o levó a pantalla en os anus l.970.
Dois dagais mairileñus,un de novi anus y otru de dedaseis foran levaus pur o otru hermanu mayol (PEPI) a o preventoriu.Se chamaban Jesús y Manolo.Agarran un autobús da época,fain mil parás,le pasan y fain mutas coiyas en o camiñu y o manteneol do preventoriu,sabendu que van foi hasta caya Menora a pur elis dondi le esperaba un-a maestra intransigenti,dictaora,descunfiá y envidioya chama doña Tránsitu.Tamen un-a Directora falangista,bastanti boa,solteirona Doña Irene.Un-a cudiñeira simpática,traballaora(Rafaela Aparicio) y un manteneol socarrón,algu cultu,pícaru.Entre toos y mais pa os que hemus recordau aquilu,nos fain pasal un ratu,cheu de recordus,misterius y ganas de buscar mais datus.

Ei nací en o 41 y estis dagalitus anduveran pur alí ,dispois da guerra.De piquininu ma cordu de velos pa o ríu y sobre too de velos subil en fila os dumingus a misa a o lugal.Ademáis me levaban palí de ve en cuandu,purque mei tiu Luis traballaba comu manteneol ymiña tía Pepa se fidu alí enfermeira.Creu que Bernarda a Practicanta aprendei a puñel alí as primeiras inyecios.
Comu esti tema desde sempri me ha gustau,fidi gestios con o D.Generl de Turismu de Extremaura fai oitu o de anus.El sabía algu,era galegu y sabía que a pelicula se había feitu en un lugaritu de o Norti de Purtugal pero que as reidis do tema estaban en San Martín.Me acompañó un-a nota de o periódicu Extremaura en que aseguraba que había vistu San Martín pero que ni o recibimentu que le deran as autoriais ni o estau do preventoriu le deran pe.Si que le encantó os alreoris y tras fel mais de 25.000 klmts.se encontró con un conventu en un lugaritu purtugués,cerca de OPORTO y a meya hora de a autopista a Lisboa,chamau PONTE DE LIMA y alí y en Puebla de Sanabria completorin o rodaji.
He buscau a yenti que inda vivan y que nos poeran contal coiyas do
preventoiru.He escritu fai dois anus a un programa de Mayoris que R.N.España emitía os dumingus pur a mañan y me contestorin que naidi había respundíu.En Sevilla,he encontrau duas mulleris,un-a de elas mairileña y pur estar muy intereya,a liví a o lugal.Fidemus-cumia merenda en os jardís,nun se cansaba de recordal,se emocionó.Miña tia Pepa,sé que tiña mutas fotus y Fifi me disiu que cuandu se morrei,tirorin toas.Le preguntí a Viki de Chanu que creu que tamen estuvu y poicus datus me puu dal.Ei creu que o que mais sabi distu e Mingu que hasta nacéi alí.
A película muy ambientá en paisajis y en dutrinas da época,se basa en o despertal sexual de Jorge Sanz que encontró un-a dagalita muy linda subriña do cura do lugal y que a encarna Maribel Verdú.Vos paisajis,escenas sexuais,privaciós,revolcos etc,etc,dan vía a o tema que comu a mutus y quizás en paricius sitius en algún momentu hemus compartiu.A lastima grandi e que num se poera fel en San Martín
EstA HISTORIA,contá y leva a pantalla ten realiai y quizás exageracios en certas coiyas.Ela nos pi leval a un estudiu de aquela época,a indagal en Ponte de Lima y Puebla de Sanabria dondi se roo que según teñu intindiu ten un ponti romanu,e muy turísticu y supoñu que esá deseandu con esti mutivu un encontru.Ei si as autoriais mo permitin,esti verán a proyectaríamus en o conventu y con yenti mayol,fairiamus algún comentariu.Belén(miña filla),que sabía de mei interés pur esti tema,se encontró fais dois anus a F.Trueba en Barajas y le faló do tema y o vi muy intereyau.Se ofrecei pa siguil comentandu en cualquel momentu.Así o fairé con tempu.

Bueno ,a estas horas varius do Foru que están en Sevilla,Palma de Mallorca etc.han chegau a seis distinus.Toos habrán regotau o cordeiru con ganas.Ei pa facilitali esta necesiai vital,le mandí un-as naranyas .
A elis y a toos vos deseu un anu cheu de boas nuticias.Vos recorda

Fincacha 41

Me interesa mucho ese tema, y me gustaría participar y colaborar si se lleva a cabo la proyección de la película en el Convento. Al leer tu correo, es como si se me hubieran abierto un mundo, mi mundo. Nací en San martin en 1941 y viví allí hasta 1950. Desgraciadamente no hablo mañego, no me atrevo y me cuesta mucho leerlo, pero ,lo hago y me esfuerzo. En mi casa siempre me hablaron en "a fala". La historia de Manolo Huete, la he rastreado en Internet y me ha parecido fantástica. ¡¡¡ Aquellos niños llegando a casa "Menora", aquel preventorio, mi recuerdo de Bernarda!!!. Bueno, un poco onírico todo.Apasionante!!!!!!

Amigu Fincacha41 he estau lendu o tei mensaji de o dia 4 sobre a pelicula EL AÑO DE LAS LUCES de Fernando Tueba,que por certu ,ei nun sabia que estaba feita sobre un a historia de o lugar y me a pariciu muy interesanti to o que sobre ela contas .Ei solu quiria ferti un a pequena rectificacion, si a filmografia de Trueba nun minti a pelicula e de o anu 1986 y non de os anus 1970 comu tu didis en o tei mensaji .Nun e que istu sea demasiau importanti,pero me e ditu "voy a escribir un poicu en o foru y asi de pasu le doy esti datu a mei paisanu y creu que caisi vidiñu(o forti)" o non?.Un saludu pa tos y soidi pa tos os mañegus/as y pa A FALA.

Boos dias Foristas, Mañegas y Mañegus:
Estimá Taita: Efectivamenti, a Película "El año de las Luces", ten que habel siu feita pol o anu 1986, pol varias radós, pero as duas mais importantis, e que Jorge Sanz y Maribel Verdú, tendrán agora, mais o menus, 39 anus y cuandu fideran a película tindrian 16, ó 17 anus y ademais, en os anus 1970, nun había tantu revolcón, sinon que había mais serieai en o desarrollo de o cini.Ademais Fernando Trueba tampoicu e muy mayol, rondará pol os 54 anus actualmenti.
Nun e vistu esta película, pero cuandu teña a ocasión intentaré vela. Ei e vistu "La bella época" y unha comeya de "Jorge Sanz" y nun me enchei mutu. A película e "pasabli".
Ei me acordu de vel escritu en a paré de o "Conventu" o letreiru que idia "Al Preventorio".
Soidi a Fala, Mañegas y Mañegus.
Chalrrieira.

Taita,taita....qué munina palabra que inda hay yenti comu mei subriñu MAXIMU o de Julian o Pirdiu que ha está utilizandu.Me recorda,me leva a aquelis tempus.Pur isu y purque veu que eris mañegu que te veu que le sacas punta a temas intereyantis,o mismu que a Chalrrieira,vos digu que tendis radón,o que me pasa he que cunfundí as fechas.
Hoiyi desiu esti tema esperandu que tras de él pur ser muy intereyanti,veñan otras opinios.Me entreteñu agora en preparar un-a MATANZA con 300 persoas en un lugar de Badajoz:OLIVA DE LA FRONTERA.He o lugar dondi nacéi un-os dos exctremeñus mais descuñucíu pero que en a República,salvó mutísimus cuadrus do Museu do Prau,do Palaciu Real,de Barcelona etc,etc.Ademáis de matar 3 cuchinus tendremus tempu pa desiali en nomi de toos un ramu de floris.O poeis ver por TIMOTEO PEREZ RUBIO.Estuvu cayau con Rosa Chacel.Estéis invitaus pa o 17
Si temus algún mañegu en a Caya Regional de LLODIO,esperamus que tamén le haya tocau a Lutiría.
En otru momentu vos mandu a dirección que ya duranti dois verás he postu en o lugar pa que recibáis o periódicu EXTREMADURA EXTERIOR.Vos o mandan totalmenti gratis.Ei ya sé de algun-os que o recibin entre elis mei primu Angilín de París.Que vos fali de él.Mereci a pena recibilo.

Soidi pa tos. Fincacha 41