San Martín de Trevejo - Caceres

En la plaza de nuestro pueblo estan sonando los cohetes artificiales,me apresuro a daros a todos los del FORO mi Felicitación con eldeseo de que el Nuevo Año que empezamos a disfrutar, venga cargado de Paz, Felicidad y Amor, y que el Niño Dios nos de mucha salud para disfrutarlo. Un abrazo para todos sin quedar a nadie para tras, este dia es singular, para desear todo lo mejor para todos.
Alzo la Copa y brindo con todos los del Foro,deseando lo mejor.
Un abrazo muy Fuerte.
El Salto.

Feli anu 2009 pa tos os mañegus y mañegas y que o novu anu sea un puiquitu millor que esti.Y a ver si se acaba a dichosa crisis.MYE un especial abrazu pa ti.saludus

Bôs dias i Fili Anu Novu pâ tôs.
Me levantu purque o corpu m'eita da cama, sera a edai, qu'um nicisita
menus o dulmil o poi sel que num he trasnoitau.
Meiu adulmilau me veu en otru tempu i se me ocurri pensal, voi a compral
um'as xaringas pâ entonal o corpu i de pasu pora praza agarru um'a lata
de borralhu pâ cuandu se levanti a familia tenhan um bô braseiru.
A realiai me desperta i me pon en esti tempu, 2009 Nachu, ia num fain fogu os quintus, que borralhu vas a encontral, eno Forti me levu a
segunda sorpresa, esta ia me desperta de tô, s'ha diu Chunita pâ Rosses
a pasal estis dias cum seis filhus, me comenta algén vendumi a cara branca i destemprau pol esi airitu que sempris fai eno Forti.
Agarru o pindil pâ casa pos a manhan mun esta pâ bromas i voi pensandu,
sempris nos queará o chocolati, binditu sea o qu'o inventó.
Chegu a casa i faiu fogu, istu ia é otra coissa, me ponhu a eital um'as
migas mentras entru en calol, logu as faiu i da misma o chocolati, que
prazel, se me ulvian as penas anterioris d'um prumadu, m'han entrau um'os caloris que me sobra toa roipa i doi gracias a Dios pol habel tiu
um pairi manhegu que sempris tinha recursus, tamen acordandumi d'él
levantu a taza de chocolati i digu, gracias Inaciu, pol habelmi sabiu transmitil as custumbris manhegas, que godá.
A familia, ia se levantaran cuandu queiran, ia esta preparau o dessaiunu
que num e mais que volvelo a quental, pulque poi que num les faia gracia
qu'os disperti, sobri tô os filhus que cumu quen di s'acaban de eital,
vamus, cuandu ei seia de casa vinhan elis que ni me viran.
Cum'o colpu cumu um relóx saiu a vel vil o dia, se situu mirandu os cuatru puntus cardinais, ¡ Que maravilha ! As Torris i Xálima cum sua
carrunchela, a cumbri do Adebu siguia pol o Moncalvu ia serra Cachaza, o que cohocemus pol a cumbri de Vilamél, i o nossu val que se estendi cumu um mantu hasta a serra da Estrela, ia ven o dia, o airitu tan finu
que fia s'aparau i tô se ilumina, os coloris do campu resaltan, rispiru
prufundamenti i doi gracias otra ve a Dios pol habelmi treidu a esti
Paraisu, ensiguia me vén a memoria as nossas xientis i redu pol tôs os que nos han deisau, algén me saca destis pensamentus i m'alegra a manhan
dandumi um forti abrazu idindumi, Fili Anu Novu, Nachu. Me fundu en esi abrazu cum el i me doi conta qu'os que quean son tôs tamén xienti encantaora, que mereci a pena vivil i compartil cum elis tôs os momentus
que se poan desta via.
A tôs, sin excepción ninhum'a, vos deseu muta soidi qu'o demais ven roau
que pasau manhan nos vemus si Dios quel i aos aussentis os tendremus eno
corazon, sempris habra otra ocasión de velnus habendu soidi.
Perdoei esti relatu tan largu i vos mandu um forti abrazu pâ tôs.

¡¡Bravu Nachu!!.

-Tinha ganas qu'o dois mil oitu pasara.Tal ve,sea esa aradón pora cual, nun vos haya ditu na,respectu a seida i entrá do novu anu.

Pues, o abrazu que tinha reservau;vos o daré personalmenti.-Bueno!!.Estoi quentandu motoris.Si Dios quel,manhán pora tardi alí estaré.

Hasta qu'esi esperau momentu chegui,¡vos digu adios!.

FONTI NOVA

P.D.Pos furistas qu'alí nun esten."MUTISIMA SOIDI"

¡FELÍ ANU NOVU!
Tamen pa os que estéis fora do lugal,os que están en o lugal os veré mañan en a cumía (d m), vos deseu to millor pa esti anu que acabamus de empezal.
Tos temus soñus que realizar, y proyectus personais de mutas maneiras, asi que solu me quea idil que... ¡A POR ELIS!
Un forti abrazu y muta soidi pa tos

mye

Que vos o paseis muy ven mañan en a cumilona de o foru.Comei ,vevei,disfrutei y ya nos contareis.Desde Mairil un saludu pa tos/as .Bo Anu 2009