San Martín de Trevejo - Caceres

Gracias Tapau - nun sé quin eris, pero cumu me consideras tei amigu, tamén ei te consideru cumu tal -. Repitu gracias por tuas palabras, pero queru fel constar que nun me he considerau aludíu en esa diatriba sobre puesía o nun puisía (SÓLU HAY UN POETA MAÑEGU, y ya o e ditu mutas vedis) , igual que nun me hubera dau por aludíu si huberan falau de repaltioris de butanu o de a estructura interna do Obispau de Sigüenza, por poñel dois ejemplus.

Con o romanci que fidi d’o foru, pritindía dali un poicu de humor a o Foru, y a o mismu tempu, dispertal algunhos que feya tempu nun aparicían por o Foru. Unhos han aparicíu (fontisquentis, Tapau…). Faltan mutus o que da que pensal en aquela teoría de que somus poicus furistas pero con mutus nomis.

Certu é, o al menus ei así o consideru que esti nun é un Foru Literariu, é un Foru Mañegu, y de isu se fala, unhas vedis en prosa, otras vedis en versus, ripius o cagaversus (chamemusli cumu queiramus). Cuandu istu sea un Foru Literariu entoncis ei me retiru, pero si é un Foru mañegu, creu que poyu participal en él, siguindu unhas elementais normas de convivencia y/o de educación.

Otras coissa, a tolerancia se poi demostral tamén lendu as coisas que otrus furistas escribin en castellanu, en hebreu o en arameu o sanscritu.

Así agora poñu estis ripius, aún a riesgu que me tratin de incultu, de patán iletrado, de poicu cultivau.
Están dedicaus, a primerira cuarteta a Chenchu, a segunda a os furistas incrédulus y a terceira a Tribuleti.

PRIMEIRA:
Y Chenchu con unha mán
fidu un soneto con garra,
cuandu dispoña d’as duas
veremos qué nos depara

SEGUNDA
Furistas muy obcecaus
me metin en a enseñanza,
tendré que “dal una clasis”
y deixal as coissas claras.

TERCEIRA
Si sigui así Tribuleti
esi premiu tardi o gaña:
que nun é o mismu raspal
que bailar xuntus a raspa.

Máis tardi colgaré algunhas consideraciós sobre o que nos didin os poemas de Cancheira y de quin ten que repartil os carnés de poeta o de mañegu. A ver si o acabu prontu, que mañán hay que traballar..

Boas Noitis

BRODAS

Se me ha ulviau antis agradeceli a J.L. esa información sobre o Toiru Pelau. Esperu que nos dé información sobre os chafarilitus. Ei escribí a o Ayuntamentu, con o mei nomi y dois apillíus (dambus de reidis mañegas)
Gracias JL.

Amigu y parenti Brodas, me imaginu que quendras idel Texu Galegu.
Que pasis boas festas en compañia de toa tua familia.
Un abarzo. JL.