San Martín de Trevejo - Cáceres

Cerrumicli,se nos ha postu nostálgicu . A mí,m’antrau a vea histórica…Nosu bo amigu o Saltu, nos envía un-ha fotu d’oscudu i bandeira do Lugal . A aprobación i posteriol resolución, de que San Martín tenha o escudu i bandeira actual, según pareci, é de (mil novedentus noventa i cincu). Agradiciría qu’alguin me disera -si o sabi-, cualis foran os criterius tomaus pa disenhalo i dispostu d’esta maneira.

Sabemus, origin i o significau d’esta cru –entoncis sobri fondu negru-, así comu o do león. -¿Por qué, Vilamel opta poro Castelu,i San Martín poro león?.-¿Nun pirtinicían os dois a misma ordin religioxa i tinhan o mismu fueru?.

O que me gustaría sabel, é,que si a hora de disenhal o escudu;tantu o de San Martín comu o de Vilamel,se tuvu en conta aquel momentu da historia, o ben s’ha feitu de forma un tantu arbitraria. -O digu,porque según a historia,hasta dispois da batalha das Navas de Tolosa.Castilha,nun incorporó o castelu comu símbulu dentru do sei escudu ni pendós; comu tampocu o reinu de León,tinha a efigie do león,"rampanti". –Foi, Fernandu III eno primel terciu do siglu tredi (sobri mil dudentus treinta) , cona unión definitiva de Castilha i León;cuandu puixu o castelu i o león dentru d’oscudu, pasandu desdi esti momentu adoptal a pustura de"rampanti",i nun "pasanti", -comu era antis-.Pues, foi o rei Alfonsu VII o que por primeira ve, puixu o león comu símbulu ena bandeira do sei reinu,monedas,selhus...(i o puixu comu pasanti).

Vivu,a cincu minutus andandu de dondi morrei o sei filhu Fernandu II, (i que tantu tuvu que vel cona nosa terra),a efigie do león qu’hai grabau eno dintel da porta,é pasanti.Istu me da que pensal; que cuandu fidu donación do castelu de Trevelhu a os cabalherus da ordin de San Xuan, en (mil centu ochenta i cuatru), estis, nun puirían habel adoptau a forma do león que figura eno nosu escudu; -por entoncis nun se reprexentaba así-.Ni que idil ten, qu’a coroa real qu’apareci , nun é d’aquela época,sinon da dinastía dos Borbós ; - lógicu que se ponha esta -.

Según he puíu leel por algu-ha parti, - nun recordu dondi -, [pues, hai mui poicu escritu sobri o Lugal d’aquelas fechas ; i si o hai,debi estal mui ben guardau,porque por máis qu’he buscau por tos laus,na he encontrau].-Pues ben!!,comu tos sabemus,poraquel entoncis o Lugal se le cunhucía comu "San Martín dos Vinhus"(falamus, sobri mil dudentus treinta).Foi entoncis,cuandu os Cabalherus Templarius da ordin de San xuan; i propietarius do castelu ,otorgan fuerus a Vilamel i San Martín,que desdi entoncis pasó a chamalsi San Martín de Trevelhu,-istu tamén o sabemus tos-.Comu, porestas fechas, s’unificó o reinu de Castihla i León; ¿puiría sel que por esti feitu,o escudu de Vilamel,levi o Castelu, i o de San Matín o león rampanti?.

-Vivi Dios, que nun pretendu buscali tres pes o gatu; pues, tan solu me movi o interés históricu/cultural. Comu tamén está mui lonxi da minha intención,critical ni molestal a naidi. Personalmenti, m’encanta o nosu escudu,así comu a bandeira; -sea de quin sea a idea- . ¡Ah, perdón poro rolhazu!.

Que tenhais un bo ponti; i mutu cuau pos que sayan a carreteira. Qu’a nosa Cru,nos pirmita chegal sanus i salvus a caxa. -¡Nun ulvieis,que temus un-ha cita o día tres!.

Soidi a tos

FONTI NOVA

.

Hola Fontinova: Ei nun poiu disfrutal de "pontis" purque estó aislau. Estis gobernantis, ni aquelis, nunca toman en conta as necesiais do populachu.Mira que fai tempu que estamu reividicandu que nos ponhan un ponti.¡Hasta cantandu!. "Si nus pusieran un puente desde Valencia hasta Mallorca"..!
Sobri o Escudu Nun se que criterius se tomorin pa felo.A Crú de Malta, por a Ordin. O León por habel pirtiniciu a o Reinu, y a Corona actual.
Ei le hubera añadíu algu emblematicu do lugal.....¿ Campanariu?. Está ben así.
O ditu, nos vemus en o Curdiritu
que si Dios quel, nos sabrán a Mel.
Forti abrazu.

Boas tardis Foristas, Mañegas y Mañegus:
Estimau amigu Fontinova: Ayel por a tardi te tiña un recau contestandu a o tei, aunque nun idia na novu, sí que via que te habias documentau mutu pa sacal toas esas conclusiós. Cuandu ya o tiña casi terminau, se foi a lú y se me apagó ordenaol.
Ei he estudiau a Historia de España y enfocas algunhos asuntos ven, pero antis me gustaria estudial istu con tempu pa poel tel formau un juicio a o respectu.
Independienti de o resultau final,a verdais e que esti escudo esta ben con a Coroa Real, a Cruz de Malta (sobre fondu blancu) y un león ven feitu, pero hay que estudialo sobre basis yustas.O Escudo en forma de un cuadrau -Cuartel-(con fondu color roju) y prolongau en una semicircunferencia, (con fondu de color blancu).Ei nun sé que criterius foran pa eligil estis dois coloris; pues ai que vel si son os apropiaus.
O León tal vez, foi porque: basiu a Bandeira medieval de o Reino de León, combatiran os ejércitus galegus, leonesis, asturianos, extremeños.... Aei estarian os Mañegus, y por isu le pusieran o león pasanti.
Bueno por oixi vali. Mañan mais.
Soidi a Fala, Mañegas y Mañegus.
Chalrrieira.