San Martín de Trevejo - Caceres

Cumu ya sabréis, se ha estau desarrollandu duranti un anu, un Taller de Empleu Plurirregional, entre as comuniais de el Alto Agueda y a M.M. Sierra de Gata, a clausura foy o día 4 de noviembri en Valverdi.
Me sintu muy contenta y agradicia de haber participau cumu alumnu traballaol, en a especialiai de "Áreas Degradadas".
Hemus rehabilitau, a escombreira, en o Tesu Galegu, fendu un miraol, poñendu un vallau de maeira, y en un lateral, se ha feitu un-a "Rocalla", que he un-a forma peculiar de decoración que se usa en jardinería, de estilu rústicu, por dentru ha enchemus de terra, y hemus plantau encima y en os laterais, entre peira y peira gran cantiai de plantas resistentis, a finaliai da rocalla he que se manteña dentru a humeai.
Tamen en o camiñu dos Chafarilitus, dondi estaba o canu, de esi agua tan boa, fidemus un-a fonti de peira, y a o lau dondi estaba un-a baixa muy pronunciá, hemus feitu un-as escaleiras de peira,(en algun-a fotu que he enviau se vé), hay a quin nun le gusta o que se a feitu, y nun están perfectas, nosotrus éramus alumnus, pero tos puisemus as voas intencios que quearan ben.
Tamen hemus plantau mutus árbulis y romeru en as Cancheiras, a Pastora y os sitius dondi contu.
En otrus pueblus da provincia de Salamanca, tamen hemus feitu actuaciós, cumu en El Sahugo y Agallas, y por supostu en as Ellas y Valverdi, nun o describu por que siria largu.
En total en ca taller eramus 10, y en os tres talleris, que os otrus eran de "Forestais" y "Granja Cinegetica", ha habiu muta asistencia de mulleris, en os tres, tiñamus prioriai, por aquilu de a inserción laboral
En o mei taller ermus seis homis y cuatru mulleris.
Bueno nun queru cansal, y o deixu aquí, solu añadil que me ha encantau esta experiencia, y me consta que as miñas compañeiras tamen, que hemus feitu cantiai de coisas, hemus desbrozau, hemus poau, hemus feitu pozus, hemus feitu cementu, pa fel paredis y poñel as vayas, etc.
Y que ha siu muy gratificanti, comprobar que o que fay un homi tamen o fay un-a muller, aunque inda en esti tema hay "PERUS", en plenu siglu XXI, istu ya nun tiña que pasal, asi que ánimu as mulleris, que hay mutu que fel.
Un saludu pa t@s os furistas y soidi pa fala
mye
Un

Boas tardis Foristas, Mañegas y Mañegus.
Estimá amiga "mye". Nun sólu me alegra que nos poñas "retratus" de o nosu Lugal, si non que tamen estimamus muy ben que nos contis de o que habeis feitu con o Taller de Empleu.
En primer lugal, a información, porque ei había uiviu algu de que nun solamenti participagan persoas de a Serra de Gata,sinon tamen de a pruvincia de Salamanca.
En segundu lugal, os traballus que habeis feitu, aunque ei nun os haya vistu inda, pensu que estarán ben feitus. Estas coisas nun cabi duda de que realzaran un poicu mais a visión de o Lugal.
Didis que te sintis muy contenta y agradicia de haber participau cumu alumna traballando en as "Areas Degradás". Isu quel idel que tés ganas de traballal y que te sintis satisfeita. Esi síntoma e de gustarti a via, o traballu, o que fais y te agrada estal en o campu.
O miraol de o "Tesu Galegu", ten que habel queau con muy boa vista, ya que ten altura pa poel miral a os cuatru Puntus Cardinais (Sálima, o Cabezu, as Cumbris de Vilamel y a Serra); mais o menus: Norti, Sur, Esti y Oesti.
En o referenti a mullel: Ei simpris e ditu: Que a única diferencia que temus, e que a Mullel nun poi sel Omi y o Omi nun poi sel Mullel. Too demais estamus feitus Omis y Mulleres, con cabeza, pes, brazus, inteligencia, etc. que a Mullel nun ten forza, pero ten un Músculu mais forti que cualquel músculu de o Omi.
Amiga "mye", creu que con os 162.652 €, que van a dal pa San Martín, ven poeran dil pa preparal algu de o Lugal, cumu o que habeis estau fendu: Plantal árbulis, arregal camiñus y montis pa que nun haya fogus, etc. e idel, traballal y fel coisas booas pol o ven de o nosu Lugal.
Gracias por to amiga "mye".
Soidi a Fala, Mañegas y Mañegus.
Chalrrieira.