Cámara de luju Enha antigua Roma, os monarcas i dipois os cónsulis de a Repubblica, tiñan comu órganu consultivu pa sei gobernu o Senau, compostu por 300 eligius de a aristocracia; os patricios. En Inglaterra, mui tradicionalis elis, existi a Cámara de a aristocracia; os loris o señoris, que vetaban i vetan as iniciativas de o pueblu que emana de os Comunis, os vulgaris. En España, desdi o siglu XIX, temus duas cámaras, Alta i Baixa, senaoris i diputaus, ya o nomi ten miga. A misión enha actualiai e ralentizal as iniciativas propostas por a Cámara Baisa, as leyis. Enhos tempus de a Segunda República, se prescindi de esta Cámara. Seamus practicus, 270 senaoris a 6500 eurous por paga, si contamus 14 anuais, tehmus a na despreciabli cifra de 25 millos de euros, aparti otrus conceptus, i pagus en epsecie i personal de apoyu. Vai sendu hora de que nun nos sigan tomandu o pelu. E necesaria unha iniciativa populal pa acabal con un gastu superfluo. SAN PEIRU XIV |