San Martín de Trevejo - Caceres

Quen anda por o mundu sin preocupalsi de os efectus que as influencias externas tenin sobri as coixas i sobri si mismu i deixa que as influencias o vayan formandu comu elas queiran prontu se habituará a cualquel ordin de coixas. Por mutu que poyan dexagradali a sua vista cuandu o vi por vez primeria, i si estu se repiti un dia i otru dia se acustumbra a ilu hasta que en algun momentu chega a encontralo natural i comu algu que, tne que sel así, chegandu inclusu a querelo, hasta o puntu de que ná le sirviria recuperal sei estau anteriol mais favorabli, pues nun o fairia sacalo de a maneira de sel que le é habitual.

De esta forma un se acustumbra a "esclavitud": chega con o tempu a querela con tal de que con ela nun se dani a continuación de sua existencia física, o mais peligroxu de a sumisión e que precixamenti insensibiliza a ún pa verdadeira digniai, si ben pa o indolenti ten unha parti favorabli, pues o libera de tel que preocupalsi i pensal por si mismu.

Si ben e certu que pa que un Estau poda sobrevivil, necesita tres coixas, domesticación, sumisión i adiestramentu-pa que os individuos coexistan en pá i que a mayoria esté disposta a sel o meyu eficaz pa objetivus que escapan a sei alcanci. Previstus por unha minoría, con superioriai de créditu, influencia i autoriai: pa sua utiliai i proveitu.

SAN PEIRU XIV