San Martín de Trevejo - Caceres

Nun son poicas as vodis que se alzan frenti a os efectus que as midias pa o control de a pandemia tenin sobri a via de os mayoris especialmenti de os que viven en unha residencia.

Mientras boa parti de a población fai unha via caxi normal, incluxo en un escenariu de rebrote o de segunda ola, elis levan desdi marzu con restriccios a sua activiai i posibiliais vitais que comu nos apunta unha carta, chegan a comprometer sua digniai i sua libertai.

Naidi poi a estas alturas ignoral o riesgu aumentau que a enfermiai reprexenta pa elis, i cren que esas limitacios se imponin pa sua protección, pero a os afectaus les asalta a duda que si o recorti que sufrin en sua ya mermá capaciai de acción nun se deberá a que en certu modu, de elis creemus puel prescindil.