Trastornus crónicus Didin os psiquiatras que mutus trastornus mentais son formas equivocas de resolvel un problema. Mientras nun se comprenda sei origin, sólu se poi aspiral a milloral os síntomas. Enho mundu social tamen existiu problemas que se enquistan por ensayal más soluciós. O problema de os nacionalismus, de a emigración, de o fracaxu educativu, de a violencia de géneru, de o acosu escolal, estan planteaus desdi fai decenius. A historia confirma que Mencken tiña radón: "Para todo problema complejo hay una solución clara, simple y equivocada". Nun puemus solucional un problema compleju si nun comprendemus previamenti sua complejiai. Con frencuencia, surgi de a hibridación de diferentis problemas, caun con sua solución. Pondré un ejemplu que preocupa estis dias: a violencia juvenil. Nun se poi metel enho mismu sacu a que procedi de enfrentamentus entri bandas, a que se da en entornus de o alcohol i otras drogas, a que dervia de un mal dexarrollu educativu de o autocontrol, o de unha má estructura emocional, a que ten componentis patológicus, a que procedi de falta de recursus pa resolvel conflictus, o individuo por o ambienti. Quem pretenda dal unha solución única, nun sabi o que didi. Necesitamus comprendel pá actual. SAN PEIRU XIV |