¡¡Eutanasia!! Resulta alarmanti a lixereza con que se plantea un tema comu o de a eutanasia enho Congresu. Tantu falal de os Dereitus Humanus, i se saltan a torieira o valol de a digniai de a via humana, pa falal de unha morte digna. Mais pena dá observal a aparenti indiferencia de a socieai civil respectu a esti tema. Tos que estamus medianamenti informaus sabemus que existin desdi fai mutu tempu os cuidadus paliativus, incluia a sedación terminal, que comu o propiu nomi indica trata de acompañal o pacienti i evital sei dolol i o sufrimentu, tamen o de seis familiaris, en varias dimensios: emocional, psicológica i espiritualmenti. Pero pareci sel que nosa socieai, según o Gubernu, o que o necesita e un bó chuti en vea de ideologia supuestamenti progresista. Unha pena vel comu o marketing políticu sustituyi a auténtica finaliai de sirvil a sociai, i especialmenti a os mais vulnerablis desdi os valoris de os Dereitus Humanus fundamentais. SAN PEIRU XIV Idilmi dondi están os parris de a Patria ¿Son aquelis tal vez que o roibo enriquecei? |