San Martín de Trevejo - Caceres

Angilin nos manda un-a fotu con un velu negru tapandu o escu que está en a facha da caxa dos FIGUEROLAS.Interpretu que será pur a morti de Maria Luisa,un-as das fillas de don Clementi que sabia caxau con un ingenieru purtugués chamau ALBANU,Que ei recordi nunca habia vistu tal custumbri en os distintus familiaris que han mortu con anterioriai.
María Luisa vivia en Lisboa con seis fillus y netus.De ve en cuandu aparicía pur o lugal.Os fillus venin con mais frecuencia.De esa familia muy cercana a noos purque mei pairi administródesde o Cabezu suas fincas,puia fel un-a novela con éxitu asegurau.Han partiu os terrenus,han dividiu a caxa y un gran Figuerola comu foi Luis inda espera un yustu recoñocimentu pur os grandis saberis comu geólogu de España.Foi catedráticu en Oviedu y Salamanca.Seis librus inda se estudian.De istu sabi mutu Trini a dos Arcus que ha acabau agora a carreira de geologia y que está disposta a puñel en marcha esi homenajia esi gran homi,muy descuñucía en o lugal y ensalzau a nivel de Catedra pur os intindius en esti tema.Contamus ya,con a aprobación da familia pa que colguemus un-a placa dondi nacei y morrei.SA MERECI.
Descansi en Pa María Luisa y abrazus pa seis fellus y netus.Me preguntu que si esi velu será un-a custumbri en Purtugal,nación que ela num se cansaba de alabal. Gracias Gonzalu