San Martín de Trevejo - Caceres

Por o que estoi vendu,o dia tres estaremus mais de trenta persoas.Fonti nova dois curdiritus nun sera poicu?Chitu a o final veu que tendras que montal una carpa en a porta da pichorra,istu va sel comu cuandu se feya cini en a plaza,que ca un se tendra que leval a sua silla.
Pur mi sin problemas porque pensu pegalmi a primeira bandeja de curdiritu que chegui,si mei primu cerrumicli fai o mismu Fonti Nova abra que chamal a Nista pa que suba mais curdiritus,fora de coña teñu una gran ilusion por que chegui o dia tres.
Forti abrazu

Ya que he siu ei a descubriora, (aunque tei primu nun te o haya ditu) de quin eras, pensu si me he posibli dil tamen o lugal, y si en a boiuga de Chitu nun cabemus ei teñu un espaciu grandi pa puel dil muta ienti, así que por espaciu nun va a queal, nun coñozu a boiga de Chitu el dará a sua opinión.


SOIDI PA TOS.

Tendu enconta que a boiga ten dois corpus, en a primeira parti hay bastanti sitiu, por que se coloca unha mesa larga como he feitu otras vedis y, de pes, cabin mais de unha udia, logu, está a parti de dentru, que ten un bo espaciu tamén. De toas maneiras pensu que nun chegamus a esis vinti que didi Muñu, y tendu en conta que debemus enpezal tomandu un viñu do lugal po aperitivu, ei teñu algu inda, o sitiu ya asignau está ben esperu que haya sitiu suficienti. Un saluu pa tos. Chitu

-Hola a tos!!
-Ya veu,qu’o foru está mui dinámicu.

Pues,tamén veu con agradu, comu s’hán incorporau novus/as furistas;i algún-hos d’alta graduación.Ei,tamén os doi a benvinda a esti club;esperu, qu’a vosa permancia nun sea tan efímera comu otras, que tamén se l’abrí as portas de par en par, i nun han vortu a entral. Comu ya s’ha ditu, a mayuría dos qu’escribimus aquí, somus manhegus i manhegas que fai mutu que deisamus o Lugal; peru nunca o hemus ulviau.

Si buceais ena hemeroteca do foru,vereis que sobri tó, prevaleci a armonía i o mutuu respetu. Máis dun-ha ve,hemus tíu discrepancias,peru nunca chegó a sangri os Corceirus. Pues, eno corazón d’un manhegu,nun hai lugar po ódiu ni o rencor.

A"mye"le digu: nun tenhas pues ninhún temor,ni tampocu te dé corti algún en asistir o día tres a reunión.Pues,o mau siría,qu’estandu eno Lugal i formandu parti desti grupu d’amigus,nun estuveras.

-Que tal o muñu?
-Feya tempu que nun nos idíamus na.
-¿Sabis?.Nun ten por qué preocupalnus que nun hubera corderu pa tos.Ei, creu que sí, peru si estuvera equivocau, sempris estaríamus a tempu de fel un-ha boa sartená de migas con torrelnus.Pues, o Valdubón, tamén entra de maravilha conas migas.

En cuantu o aforu da boiga de Chitu,a verdais, é que nun o sé;pues nunca estuvi enela. Pensu,qu’aunque estemus un poicu apretaus, vamus a estal de maravilha.De toas formas, m’agrada a tua sugerencia de sacal as mexas po frisquitu da calhi.Un-ha ve,qu’hayamus mitíu po coletu un-has boas migalhas i un-hos bos tragus,me ríu ei do friu; –bromas aparti- .Comu ben didi él, eno escritu precedenti,-ya nos apanharemus-.

Nun estaría de mais, tel un-ha idea aproximá do númeru de persoas que vamus a estal.Desta forma ,tindríamus as coixas algu mais simplificás a hora de fel previxiós.Pues, gracias os vosus escritus; creu qu’a mulhel m’acompanhará.

Forti abrazu a tos

FONTI NOVA

P.D.Nun sé,que tal levará o amigu O Saltu o tema do fornu de lenha.Comu agora,se está dedicandu a fel guapas fotus i envialas o foru ,nun vaya a sel que tenhamus que comel os lechazus a parrilla.En cuyu caxu,tindriamus que pili a Chenchu que truxera esi Ali-Oli tan exquixitu que se fai en Cataluña; -é otra broma-.

Por as confirmacios que leu, sin nun me equivocu, venin, Bodas, Cerrumiquili, Fontinova y esposa, El salto, Mañega ausenti, Anduriñas (2), Nachitu, Bego, chenchu, baile, muñu, chitu,mye, y si algún mais ven acompañau da parella, poemus sel vinti, por tantu creu que espaciu hay entre a parti de fora y a de dentru y si nos apretamus solu fora.O que si hay que velcon tempu e o tema dos asaus en o fornu ya que o dia antis piré colaboración pa colocal as mesas ( leasé porta sobre burras utillizás en mais de unha ocasión). Ilusión hay, asi que, pa yantri. Un saluu pa tos, Chitu.

Me imaginu que os corderus se asaran en o fornu de Julian, isu habrá que sabelo con tempu, vos o digu porque a mi esti veran me asorin unhas latas de pimentus en Cileirus por mediación de miña prima y si hubera que eital man de esti fornu o teñu que sabel con tempu pa chamala y preguntarselo, porque tindria que idelselo a miña prima pa que ela fali con a muller de o fornu.
Ya me direis que penseis fel.
Ei si voy levaré brazu de gitanu.
Soidi pa tos

Creu que Cachina y Cana temben dixerun que vindrian, a mullel de Cancheira y as, comu queamus, idilselo a os representantis do lugal(Autoriais) y algún que pasí por alí.
O importanti e reunilnus que o demais e cuestió de conxugal os verbus irregularis.
sirvil, comil y bebil.
Si acuin tos, o Muñu nun vai descamiñau, seremus cerca de trenta.Peru cumía nun faltará, mañan mismu compraré unha lata de anchoas.
Fonti Nova: Me alegra mutu que te acompañi a tua mullel.
Veña,
Forti abrazu.

-O importanti, é reunilsi que o demais (...) "Cerrumicli dixit".

Opinión,que compartu totalmenti. Pues, auque solu nos chegui o cheirol do asau,ya é suficienti. O que realmenti importa: é,que poamus xuntalnus o mayol númeru de mahegus/as qu’anhoramus o Lugal, i deseamus perpetual un reencontru. Ya, que algun-hos; hemus entrau ena edai dos metais –o digu por mí-. Pensu, que toa ocaxión que se nos prexenti de pasal un bo ratu, i a deisemus pasal;será algu pirdíu que nún volverá.

-¡En cuantu asal os lechazus!... O Saltu,ya nos diisu en sei día, qu’eno Lugal nun queaban ya fornus de lenha. Nachitu, apuntaba as Ellas comu alternativa; Bayle, nos didi qu’existi tamén a posibiliai d’asalos en Cileirus. -Suponhu qu’o dirán,porque tantu enas Ellas comu en Cileirus,o fornu é de lenha.

O gran inconvenienti que l’encontru,é, que si temus qu’asalos fora; se nos enfrín antis de que cheguin a boiga . En cuyu caxu, o asau perdi gran parti da exquixité.-¡¡A vel,qué solución le damus!!.-¿Os asamus eno fornu do Lugal,aunque nun sea de lenha…?.Pues, comu ya hemus comentau,o ideal siría, qu’aparti d’un bo fornu,tuveramus tamén un-has boas cazuelas de barru p’asalos . Nun estaría de mais,sabel si eno Lugal, alguin dispón d’estas cazuelas,pues si nun as hubera; ei levaría as que tenhu, aunque tuvera que leval o furgón.

Pues,otru platu que tamén poemus preparal mui ricu d’aperitivu;é asadurilha dos lechazus,féitas en cazuela de barru i con un-ha guindilla ,é "Bocatto di Cardinale"(istu ,ya se puiría fel ena misma boiga). Si recordais,ei apuntaba comu un-ha forma d’asal os lechazus,era "estilu Aranda".En caixi tos os grandis restaurantis de Castilha,é así comu o ponin. Con istu,nun queru idil que noxotrus tenhamus que felo d’esta manéira. Pensu,qu’algun-ha manhega sabrá tamén comu asalo; de forma que nos chupemus os deus.Eno que a mí se refieri, tantu d’un-ha manéira comu d’otra,nun tenhu ni pajolera idea de comu se fai.

Os he mitíu to esti rolhu,cono fín, de nun tel que fel improvixaciós a ultima hora; conven, que vayamus queandu coixas hilvanás. Chitu/Cerrumicli: da terra de Lafayette, os habeis ulviau de nombral algún manhegu/a máis; que seguru nos acompanharán. Tamén, s’han queau eno tintéiru Indanunse i Barara… i máis que nos diremus acordandu.-Parral!!.¿Tú que didis?. -O mismu, le digu Alfena.…Claru, qu’Alfena agora nun nos leerá; pues enestis días,ten en frenti de caxa, to un universu de boas tapas que sin duda ya habrá degustau.

Forti abrazu a tos

FONTI NOVA

P.D. Ayel: ei tamén he estau sin poel participal eno foru, -solamenti, me deisaba leel-.Creu, que to istu ven ; porque nun hemus invitau a "Tíu Péiru"o día tres a boiga; i está máis mosqueau qu’os pavus en noitiboa.

He tomau nota na mais dos que se han pronunciau pa asistil a o Corderu. Teñu a esperiencia de que o anu que se fidu o dia do foru en la miña boiga, contaba con X y viñeran X/2 o menus, asi que o ditu e que por a mañan tos vamus a Mairil y por a tardi niñun queremus dil. Esperu equivocarmi y que se enchan as duas boigas, millol que millol. Fontinova, creu que debis ulvialti de o asau en fornu de leña, ya que en o lugal nun hay talis fornus ya, y dil fora poi sel problemáticu por o que didis de mantel a carni quenti. Había que tratal, por tos os meyus de que algun fornu do lugal, sea o non de leña, ya que se trata de estal xuntus, se presti a asal os corderus de maneira que as duas y meya, por ejemplu, estén listus pa fincali o denti. Si nun se consigui que algún paneiru do lugal acceda, poi habel otra solución .Dimi o teu correu Fontinova y te fairé otra sugerencia pa evitar propaganda comercial de algún establecimentu do lugal y nun poñel en cumprumiso a nairi. Aupa a fala soidi y un saluu de Chitu