San Martín de Trevejo - Caceres

Num se ni me importa buscalo o significau de esa palabra,o que si sé de4sde pequenu e que pali vamus cuandu morremus.
Pur imperativu,he diu hasta alí,cuandu os meis diban desaparecendu y tamén he siguiu varius anus a chamá cristiana pa estal con elis un ratu,o día dos difuntus.
Cun friu,agua o sol o marcu pa o eternu descansu e insuperabli.A cúpula azul do ceu,nos invita a soñal,o valli do Sul e un-a ventán pa que os espíritus se vayan.Xalima en o Norti,monta guardia y nos vigila.As serras laterais,entre peiras,pinus,roblis y castañus son comu xarros permanentis a un eternu homenaxi que toos mere4ceamus.
Grandis panteos de cantiria pa os que habian mandau en a via,paricia que con elis,quirian perpetual,sei poel en a otra.En o llanu,c rudis de maeira que se puirian.Hoixi,mas igualis toos,dignus panteos con frasis y nomis ocupan cualquer e4spac<iu.Os curas con oracios comun en a misa,rompin as diferencias entre a os que le redaban CEN pairis nosus con os de meya udia o na.Mutas vedis,os monaguillus con o hisopu entasmas,nos congelábamus.Menus mal que dispois em os fogais,asábamus castañas y nos contaban contus en o serán.Así era entoncis.Hoixi,too ha cambiau pa millol.
Desde Sevilla,recordandu a os qUE SE FXORAN Y QUE TANTU LE DEBEMUS,ABRAZUS Y SOIDI PA TOOS.gONZALU

Relva en purtugues: erva da familia das gramineas.

Fais mencion dos responsus y pagaban por esas oracios ditas de maneira
mecánica y o monaguillu sufrindu as incremencias do tempu. Teñu a imagin
do dia de Tos os Santus/Difuntus de lluvia y friu.
Sempris que veu un ciprés (famosu o de Silos) pensu os do nosu cementeriu
un arbol que pretendi chegar a ceu, pero morri en sei intentu...
Pensar,, tel en conta y valorar que a radón mais poderosa pa vivir
sin duda é a respiración conscienti. REspirar é Vivir.EXpirar= morrer...
godar do presenti, porque solamenti unha sílaba nos separa...
SA martin...o seis olivaris, hortas y praus se van selvatizandu, mutu
cursu, cursillu, talleris y sin embargu, a juventud emigra.Os dagalitus
con os movilis y falandu castellanu en unha malloria. Casas vadias
y mutas en venta que nunca pagaran o sei valor. En fin...ya empezu
a dudar y quizas teña radón Jorge Manrique "cualquier tiempo psado
fue mejor"
Con o recordu dos nosus quirius seris que se foran
bo día de Tos o Santus y seamus conscientis que RESPIRAMUS