San Martín de Trevejo - Caceres

Agora os jovinis se pasan tres horas a o dia lendu tuits. ¿Pa que sirvi isu? Si Cervantis vivira en esti momentu, tal ve escribiría a historia de un personaji que ha pirdiu o sesu, nun por lel novelas de caballiria, sinon por estal continuamenti pendienti de as reidis sociais. Por tantu importanti nunhé lel sinon o que se lé. Y mais aún o que se fai con o que se lé. Hai que lel pa pensal, valoral, descubril, espresalsi, articulal os sentimentus, comprendel, invental. A escritura é unha ferramenta poderosisima a o serviciu de a inteligencia. Hai ferramentas físicas i ferramentas mentais. En ambus caxus aumenta nosa capaciai de acción. A escritura e unha ferramenta mental. Tamén o son a escritura algebraica i a notación musical. Sin ela Beethoven nun habera puiu pensal suas sinfonías. A lectura e importanti porque e a gran porta a comunicación cultural compleixa. A riqueda léxica e relevanti porque cá palabra e unha ferramenta pa analizal a realiai. Carecel de ela e comu tel unha ferramenta -un martelu-por ejemplu-pa resolvel tos os problemas mecánicus (San Peiru XIV)

"Quería tan sólo intentar vivir lo que tendía a brotar espontáneamente de mí ¿Por qué había de serme tan difícil? (HERMAN HESSE)