San Martín de Trevejo - Caceres

Eran días de verán,
cuandu ya, canta a chicharra
cuandu o grillu nos desgarra
con sei cri cri, cotidianu,
cuando ésis vientus,serranus,
lamin o valli durmiu,
con ési ulular,silbiu,
en a negra noiti,oscura,
nun por negra,menus pura,
con rumoris y con ruius,

Honra y gloria a ésis actoris
désa comeya,divina,
con teatru y bambalina,
con maus y con traidoris,
comeyantis, soñaoris,
de aquel Sa Martín,de antis,
que jóvenis,estudiantis,
divirtían,interpretandu
personaxis, baxiu o mandu
de curas y postulantis...

Sirví aquel cini po actu
cheus butaca y platea...
y alí,se forjó a idea
que logu,cualló en un pactu,
y o públicu,estupefactu,
vi que Walter,secuestraba
a un mininu que levaba
ni Walter, sabía a dondi,
y por sel fillu do Condi
o iñeiru le reclamaba....

Ei era Walter, traidor,
y o Condi era.. mei hermanu,
y entri o Condi y o villanu
o mininu...encantaor...
Don Filipi o Director
José María o buticariu
y un elencu extraordinariu
tos traballorin de valdi,
hasta Maximu o Alcaldi
en o papel secundariu....

Ei Walter,que era o malvau
en un criticu momentu
le entregaba un documentu
a o Condi,ya cabreau,
y o mundo queó asombrau
y o Condi o mismu que él
cuandu en ve daquel papel
le di a Condi un pañuelu
mais que pañuelo,un señuelu
que enchei a o Condi de hiel.

Me persiguí en plena escena
levantandu o sei bastón
y ei nun pirdí a ocasión
en sei dolol y sua pena
de rematal a faena
ríndumi a carcajás
que foran acompañás
por o públicu,encantau,
de velmi a mi acorralau
por o Condi y a cayá.

Jesús,mei primu,o doctor,
de doctor interpretaba
y en a escena se colaba
sin tocali comu actor,
!!que cabreu do Director!!
seya unha man,escundía..
que o agarraba y o mitía
!!qué pena,maire que pena
cuandu o sacaban da escena
y to o públicu se ría...!!

¿Lo máximu, que soltó...
...me voy para las Judías...?,
!cuandu pas Indias dibía..?
!que borracheira tindría..!
o apuntaol...o mató....
y pas Judías o mandó
y o públicu se alborota
y era tal o cachondeu
que miru atrás,y nun veu
que exista mayol chacota.

En fin,que hubu de to,
fallus gordus,garrafais,
y entusiasmu en os chavais
que así encontrorin o modu,
traballandu codu a codu,
de cumplil unha ilusión
un viaxi,unha excursión
a o campu,con a merenda
donandu a o lugal a ofrenda
de cultura y diversión.....


O SAINETI

Y disfrutó San Martín
daquel saineti pa a historia
y alí alcanzorin a gloria
con Javier y con Manín
hasta o mismu folletín
vendu o públicu,asombrau,
que o teléfunu ha salvau
unha vía con eficacia
to relatau con a gracia
desis dois monstrus,sagraus.

Lohu viñu a excursión y pasorin mutas coixas.Comemus debaxiu de un ponti de Santa Clara...y...que contin..que contin os intereixaus,os participantis....Teñu retratus de aquilu que son reliquias pa mí....