San Martín de Trevejo - Caceres

Cuandu envellecemus a memoría é comu unha criba, que por efectu do tempu i de o uxu reten ca ve menus o que se depoxita en ela. Conformi envellecemus, tantu mais rápidamenti escapa de a nosa memoría o que le confiamus enhos dias senis. Conserva por o contrariu, os recordus de a juventud. Os recordus de un ancianu son tantus mais clarus cuantu mais lonxi se remontan i tantu menus cuantu mais se aproximan a o prexenti; así sua memoríia, comu sua vista e présbita.

Hai enha via momentus en que sin cauxa externa particulal, o millol por un acercamentu de a sensibiliai derivá de o interiol, explicabli sólu psicológicamenti, as coixas, ambienti i o prexenti lográn unmais excelsu i raru grau de clariai, talis momentus se grabán indelebrimenti enha memoria i se conservan en sua plena individualiai, i sin que sepamus porqué ni pa que, entri tantus instantis análogus, elis se imponin con tamaña decisión. Acaxu sea por cauxaliai, comu os ejemplaris de as razas animais completamenti dexaparicius que se conservan enhos yacimentus petreus, o comu os insectos disecaus entri as páginas de un libru. Os recordus de esta especie, concluyu, son sempri dulcis i gratus.

(SAN PEIRU XIV)

"La mayoría de los hombres conducen unas vidas de serena desesperación " (Henry David Thoreau-1854)