San Martín de Trevejo - Caceres

Hola forista,solu queru ferti un a pregunta pa saber si eris quen ei creu que eris.Cumplis anus o dia vinti de esti mes??? Eperu que me respondas .Un saludu pa ti y pa tos os foristas

Vaya TAITA, ¿cumu me preguntas isu?? jejeje
Creu muy ben que sabis quin poyu ser, eris muy direct@, pero vamus a deixalo asi, he mais emocionanti. ¿Y tu quin pois ser..?
Que sepas que me ha encantau o tei mensaji.
Te diré que solu he escritu un par de vedis, y foi pa idel, que me encanta o sistema que ten o foru, a unión que hay con os que están fora, elis deseandu saber coisas do lugal y os que están en o lugal me consta que deseandu escribir,dar noticias, enviar fotus pa tos os que están dentru,te poñu cumu ejemplu as fotus que ha enviau elsalto, con as presas de querela mandar o primeiru y cuantu antis, as ha mandau repitias. Istu o digu con to cariñu y respetu hacia elsalto, me consta o cariñu que pon y se que nun mo vay a tomalo a mal esti comentariu que me ha seidu, con cariñu a tos os do foru. Ei tamen mandi por error un archivu, y cumu veréis en un a das fotus que envií, se refleja, he facil equivocarsi.
Escribí cumu te idía, porque me emociona ca ve que, por desgracia, falleci alguin, cumu hay esa comunicación y esi sentimentu estupendu, por a perdida de "un dos nosus" do lugal, esa unión con a familia y tal vez ni siquera a vedis o poyan leel, porque nun o sepan que se le ha escritu, o por otrus motivos, pero o mais bonito he cumu tos escribin algun as palabras, y de algun-a maneira o cumu idili ayos a aquel que nos deixó, de verdais istu nun se poi perdel.
Tamen con estis ratitus de leel y escribir a yenti se sinti mais cercana
Y que sempris por parti de tos haya esi respetu mutuu en as opinios, en as formas de pensar, y en as formas de actuar os demáis, nun se poi perdel de vista que anti tó somus persoas, caún con a sua forma de ser y de pensar.
TAITA~~si
Bueno Soidi pa tos y pa fala
mye

Esther bienvenida al Foro!!!
Conozco a una Esther que vive en el Pueblo...., que estamos emparentadas.... y que si tu cumpleaños es el día 20, como dice "TAITA", aunque no se quien es, también cumplirá años tu hermana ¿no? ¿Voy acertada?. Bueno, ya me dirás si eres mi prima...
Me alegro de que participes en el Foro y que nos pongas esas fotos tan bonitas. Siempre que puedo lo leo, aunque si no escribo más, es porque lo hago en castellano, pero me alegro mucho de que cada vez haya más presencia femenina aquí.
Por favor aclarame si eres quien creo que eres.
Desde Bilbao, Bego.

Si Bego, estas en lo cierto, soy quien cres que soy.
Me alegro que te gusten las fotos, de siempre me ha gustado, pero ahora puedo hacerlo mas, y en mis salidas al campo va la cámara con migo.

Un abrazo furte a los dos
mye

Me alegro mucho de que utilicemos este medio, si quieres ver en la galeria de fotos de "Nachitu", la primera foto que envió es de mi madre y luego hay otra de grupo de la familia Pérez-García, ahí puedes reconocer a tu abuela Margarita.
Un abrazo para los dos. Bego.

Boas tardis Foristas, Mañegas y Mañegus:
En primel lugal, queru darti a benvinda a esti foru, que sirvi pa que toos os que estamus fora de o Lugal, nos poñamus en contactu en o Dialectu que nos insinorun nosus Pairis a falal y a o mismu tempu coñocel coisas que pasan en San Martín.
En segundu lugal, didin que mañan dia 20 de Noviembri e tei cumplianus, pues esperu que cumplas mutus con soidi, en compañía de tua familia.
Si eris familia de "Nachitu", preguntu ei ¿Eris familia de Jesús o Camioneiru?, que tiña tres fillas y unha se chamaba "Rufi" y un hermanu de ésta era "Chuchi" o "Jeruchi"
Soidi a Fala, Mañegas y Mañegus.
Chalrrieira.

Mutas gracias Chalrrieira, por a felicitación de cumpleanus,¡eris o primeiru!, y tamen muy agradicia por a tua bienvenida a o foru, en realiai a primeira vé que escribí foy fay un anu, pero sí, me encanta a fotografia y empicí a metel fotus en o foru, y desde logu me encantó que ya varius foristas hayan disfrutau con elas. Desde logu he un disfruti poel comunicarnus en a nosa fala, he muy gratificanti.
Nun soy partidaria de discusios profundas, a o revés, me encanta o respetu mutuu, caún ten dereitu de idil o que queira y opinar o que queira, pero sempris tendu presenti "que a miña libertai acaba dondi empeza a tua".
Amigu chalrrieira, te diré que nun soy familia de Jesus o Culapas entendu que he por o que me preguntas. Y o familiar mei por parti de "Nachitu" he a sua muller. !Adivina adivinanza...¡ jejeje Nun he que me importi idilo, esque así he mais simpaticu, pensa,pensa.
Un salú grandi a tos os foristas.

Boos dias Foristas, Mañegas y Mañegus:
Estimá "mye": Ya sé quin eris, pues inda estamus algu emparentaus: Te diré que nun nos coñocemus, pero sé quin son agora teis Pairis.
Te voi a idel que tei Pairi (q.e.d) me fidu mais de un pantalón.. voy ven encauzau y que tes unha prima que se chama "Margari", sigu ben.. pues esa Margari e miña Subriña...
Te contaré otra coisa: Cuandu ei era bastanti pequenu, a finca que tei Pairi tiña en "Pajarillus", a administraba un tiu mei, que ya morrei; había unha Palmeira y entonces en o Lugal, o Dumingu de Ramus, nun se levaba ramus de oliveira, sinon de Laurel y Palmas, pues ei me foi andandu a Pajarillus y me subí a dichosa Palmeira, que me custó mutu traballu logu cortal a Palma, pero o conseguí. Nun sé si continuará a Palmeira.
Pues encantau de sabel quin eris, ya nos contarás algun asuntu de o Lugal y que nos poñas algunhos retratus.
Esas normas de convivencia y educación que contas, ei tamen soi partidariu de elas y cumplilas.
Te diré que ya pasu de os 60 anus, pero gracias a Dios me encontru ben de salú, sigu traballandu y me gusta pensal cumu jovin.
Soidi a Fala, Mañegas y Mañegus.
Chalrrieira.
PD. E queidu en quin eris, por a vel ditu "Nachitu" o retratu de tua agüela "Margarita" (q.e.d)

Gracias Chalrrieira, en efectu nun nos coñocemus, isu sí, nos hemus vistu en o lugal, y temus "famili" en común, nun sé cual dos tius de miña prima pois sel, sois tantus...
Me encanta o que didis que pensas cumu jovin, ah!, con esa edai eris muy jovin, sempris he pensau que os anus he algu simbólicu, o que importa he sintirnus con espiritu jovin, tel ilusión por vivir o dia a dia, que está feitu de tantus detallis, y entre elis, fel amabli o camiñu das persoas que queremus, ya sea familia, a migus, amistáis... isu verdaderamenti enriqueci as persoas y fay que con estas pequenas coisas se disfruti mais, nun he mais feliz quin mais ten, si non o que menus necesita pa vivir.
Ah, creu que a palmeira da que falas, fay anus que nun debi de esistir, ei nun a recordu de habela vistu nunca.
Vaya cuantas aventuras te has curriu de pequenu, na menus que subindu en unha palmeira.
Bueno un abrazu y "arriba a fala" soidi pa tos
mye

Boas tardis Foristas, Mañegas y Mañegus:
Estimá amiga "mye": Veu que tés unhos boos sentimentus de sabel leval a via. Didis coisas muy interesantis:"Tel ilusión por vivir o día a día, que está feitu de tantus detallis, y entre elis sel amabli o camiñu das persoas que queremus, ya sea familia, amigus, amistais.. isu verdadeiramenti enriqueci as persoas... etc.
Claro que tés muta radón; o levalsi ben con a familia, tel boas amistais, enriquece o cuñucimentu, a ilusión, se divirti mais y aprendis sempris de os demais y os demais de tí.
Tés unha boa filosofía de a via.A vía hay que vivila con mutu humor, con alegría, con ilusión, con ganas de aprendel; traballal con afán..etc. fai que sepas superal os mas ratus que tamen te trai a via.
A Palmeira estaba según se entraba por a engarela (creu que era de ferru) de frenti, y estaba situá en a llaná dandu pao riu Muñu y as palmas estaban muy altas; nun había naidi alí; pusi peiras unhas encima de otras y pui agarral a primeira palma y cortal con un "pon".
Te diré amiga "mye" que ei soi o mais pequenu de a familia.
Cuandu falis con tua prima "Margari", ya te informará algu mais de mí.
Soidi a Fala, Mañegas y Mañegus.
Chalrrieira.

Ei nun voy a sel menus,mye que cumplas comu minimu o dobli dos que teñas agora,mutas feliciais.
Forti abrazu