San Martín de Trevejo - Caceres

Esi homi que nun perdi ocassión
de falal de viñus y pichorras
ési homi que xiuga comu as dorras
enganandu a San Martín,sin compasión,

Esi homi con algu de león
que de vellu se pega esa "vidorra"
que mata as pirdidis con a gorra
y os cuellus os leva en procesión,

Pescaol,sin trucha que o resista
que pescandu tencas e un giganti
ési homi en alegal,malavarista...

ten algu,tamén de gran tunanti,
con o viñu, ten mutu de alquimista
y en o dápiti, bastanti de arroganti.

Me he levantau ésta mañán y me he ditu¿ que fayu?,y he pensau que unha adivinanza vendrá ben.Nun e tan dificil comu a que a mí me ocupa con orelación a Brodas.Estoy ya comu cabra en un corral,saltandu por as paredis.Agó pensu...nun será José Luyis Carreteiru,por isu dos eirus que me didi O CAMIÑU...Ya nun se....indanunse....o sabré....

Amigu Cancheira:

Cumu adivinanza, nun o pos muy dificil, pos o as clavau tal cumu é, aunque en o do dàpiti mais que arroganti ei o definiria mais ben algu fanfarron, y si nun me equivocu te refieris a J.A.L.

Benvindus a os novus furistas , que a verdais,nun teñu ni idea de quin poin sel os Brodas, Camiñus , y otrus? por mais voltas que le doy .

Pero estoy tranquilu porque to acabarà sabendusi.

Vos esperu a tos en a pichorra y ali seguru que cun un par de vasitus tos acabareis confesandu.



Un saluu a tos os furista desde estas terras que ya estan nevàs.