San Martín de Trevejo - Caceres

Amigu Chalrrieira y demáis furistas:

Copiu a frasi que didis y que te soa, cumu didi Chenchu, de habela uivíu a o Pairi Claretianu:
"Me recordari, pecata mea Dómini de un berenenovi sé culumperine".

Creu que a frasi a que aludis siría esta otra:
"Ne recorderis peccata mea, Dómine, dum veneris iudicare saeculum per ignem", que, máis o menus ven a significal algu asína:

"No recuerdes Señor de mis pecados, cuando vengas a juzgar a este mundo por el fuego".

Está tomá de os uficius de difuntus que a Iglesia redaba, (agora tamén o fai en castellanu), en as exequias.

É tô cuantu poiu eidel a o respectu.

BOAS NOITIS teñan vosas mercedis.

B_RODAS

Bos dias Foristas, Mañegas y Mañegus:
Estimau amigu Brodas: Cumu tú ben sabis Latin, as encontrau a frasi que ei de Pequenu me "soaba". Ten en conta que ei nun e estudiau Latin, han pasau mutus anus y solamenti teñu o recordu de o suiu así que escribilo nun me resultaba tampocu fácil.
"Efectivamenti ten que sel así: "No recuerdes Señor de mis pecados, cuando vengas a juzgar a este mundo con el fuego".Que o significau final e: Que nun le recordi o Señor de os Pecaus cuandu nos veña a Juzgal al final del mundo eterno.
Gracias amigu Brodas, compañeiru de clasi de D. Ciprianu. Idian en o Lugal "Esti dagal sabi hasta Latin". Que quiría idel. "Que era muy listu". Isu te o aplicu ei a ti.
Recordus a teis hermanus millizus y hermana Mayol Dorotea, compañeira de clasi de Tia Claudia. Ayós amigu Brodas.
Soidi a Fala, Mañegas y Mañegus.
Chalrrieira.