San Martín de Trevejo - Caceres

Era, comu sempris,por Santiagu,
que dívamus en grupu,camiñandu,
por ser en o verán,sempris suandu,
en a fecha que vay pintandu o vagu,
en a fonti eitábamus un tragu,
esa fonti que chamamus Fonti Nova,
agua fría,que refresca y que renova
o entusiasmu por subil por o camiñu
entusiasmu que subía con o viñu
pa acabal superandu aquela proba.

Chegábamus antis das capeas
y dívamus correndu pa a figueira
pa sentalnus alí,en algunha peira,
escapandu de toa aquela marea
de xenti que xiuga y corretea
dagalitus que inundan ésa plaza
xenti jóvin que bebi y se solaza
polvu y fogu en ésa parda terra
dondi o toiru,biderrus y biderras
sirvin en a festa de carnaza.

Y será,comu sempris,un pegoti,
unha tardi de calor,de aburrimentu,
pas vaquitas y pa o toiru un gran tormentu
pa o toirieiru un alardi de machoti,
pa nossotrus "cuatru varas de cogoti"
mais tardi,o Via Crucis das tabernas
en o baile,a bailal,movel as pernas,
a panzá de viñu y cacahuetis,
unha frasi mortal "VENIMUS SIETI"
Y a alumbranus o camiñu...con linternas...

Otra ve pa cassa,camiñandu
tropezandu con as peiras do camiñu
alumbraus con linternas y con viñu
que axuaban cuandu divamus baxiandu
con apenas ilusión,caixi penandu,
pirsiguius por o grupu de "guritus"
que con peiras,estacas y con gritus,
cabreaus por uivil que el toru es tuertu,
y con algu de radón,tamén e certu..
nos eitorin do lugal comu malditus....

Esteis comu aletargaus....Naidi didi na y pareci que un Sunami de ésis ha acabau con tos...esperu que non y que alguén diga algu,aunque sólu sea Boas Noitis....

Tes radón.Boas noitis