San Martín de Trevejo - Caceres

Pa que se animi o Cerrumicli, vaian estas rimas, feitas de corazón.
Forti abrazu
B_RODAS

PÂ O CERRUMICLI

El cernícalo primilla,
cerrumicli que le idemus,
agora ia nun o vemus
en os telláus d´esta villa.

Cuandu éramus pequenus,
cuandu apenas había cochis,
os dagáis le eitaban bochis;
agô morrin por venenu.

Esis pequenus halcôs,
que con nosostrus creceran,
y que en un telláu cualquera
puías encontral a montôs.

Esas avis de rapiña,
que criaban en os telláus
que algun-hos dagáis os tinhan
en as casas encerráus.

Cerrumicli desti foru,
que agó estás convalecienti:
¡Cumu sempris, se valenti,!
Te cantamus tôs a coru.

Cerrumicli compañeiru:
te veu tristón, de momentu.
Ei me tomu o atrivimientu
de recordarti o cordeiru.
Gastaremus poicu iñeiru:
o viñu o pon tei parenti;
un viñu, creu, que excelenti.
Faia fríu, o nevi, o chova
o mañegu Fontinova
s´a portáu cumu un valenti.

Cerrumicli que anías
en as islas Balearis:
¡que as aguas, por esis maris
te concedan larga vía!.

Se didi en Andalucía
que en as casas y en as vías
se produdin desconchôs.
Pues hay que eitali aligría,
hay que eitali dois collôs.

Mentras esis desperfectus
os haiamus puiu tapal
con un-ha capa de cal,
habrá seidu tô perfectu.

Nos sairán máis avirías,
tendremus máis estropicius,
mais nun perdamos o juiciu,
ni le eitemus fantasías.

Chalrrieira ya to a contáu:
comi, dulmi, lee, bebi.
Nun miris atrás, nun debis
pensar en anus pasáus.

Vai p´aiantri, decidíu
porque en o foru esti anu,
tés un cofradi: o milanu,
que te poi quital o níu.

B_RODAS

vai recopilando coplas que o dia da pichorra habrá que recital algunha e inclusu poñeli musica si fai falta, será custión de recordal tempus pasaus y fel algun toqui de guitarra, si hay algunha por ali. En fin, que esa sensibiliai tua, que nun se perda. Un abrazu Brodas y recordus pa Petri de tua paisana. Soidi a fala y pa tos, Chitu