San Martín de Trevejo - Caceres

O socialistas satisfeitus porque Rajoy les había cuncidiu
"fora reválidas". Si algu bo tiña a ley do ineptu WErt eran as reválidasde
As reválidas de cuartu y sextu de bachilleratu se habían feitu duranti
mutus anus en o nosu Sistema Educativu. Y habían dau resultaus respetablis.
En Alemanía e Italia se realizan pa saber si o estudianti está preparau
pa accder en unha categoría pedagógica superior o si sería millor que se
dedicara a un oficiu.
En Espña se psa de cursu en ESO y bachilleratu con evalucios continuas
y exáminis sin que o estudianti haya estudiau, tan solu con prestar
atención en a clasi, memorizandu o inmediatu o que ten frescu. A o final
de cursu o de carreira cumu esis coñocimentos nun están consolidaus
resulta que apenas si recordan algu, se les regala en definitiva os
títulus.
Se oponin as reválidas os profesoris y estudiantis das escuelas
públicas porque sabin, son conscientis, que el.lis e isu que traballan
y mutu, pero nun poin asegurar o éxitu do sei alumnado. Con as evaluacios
continuas tan caritativs acaban sendu o pior sistema pa calibrar a
madurez intelectual y os coñocimentus básicus dos estudiantis. IndA mais,
as escuelas regalan os titulus de bachlleratu y da ESO con NOTABLE.
Se fai porque a Universai nun que desértica ni os profesorau de secundaria
en o paru y porque to mundu nun dispois de meyus materiais pa enviar
a os fillus o Liceu francés, a Escuela inglesa,, a os jesuitas
escolapius.Que sucedi agora? tantu as facultais de ciencias cumu de letras
tenin establiciu o "Cursu CERO" dedicau a ensinar a os alumnus
aquilu que tiñan que aprender en etapas anterioris.
Un ejemplu: si un profesor ten que explicar a guerra civil española
y o alumnau nun sabi situar Canarias, Sevilla, Mairil etc.. riu Ebru
tendrá que aparcau a historia e impartir geografía.
Nun recordu que profesor-catedráticu idia "yo apruebo a todos
que ya los suspenderá la vida". Agora hay unha gran cantiai de
de estudiantis da ESO y bachilerratu que han naciu
suspendius (tos nacemus asi porque nun hay sabiduria innata)
suspendiu quearan pa toa a via.

Boas tardis