San Martín de Trevejo - Caceres

Miña mairi me idia que o iñeiru que tiña enha hucha ahorrau era pa gastalo cuandu fidera falta "sempri feya falta". Agora que soi vellu he liu algunhas leyis, i segun estas, o gobernu poi destinal, si o estima oportunu, parti de os ingresus de o Estau a o pagu de pensios. Si istu é así, hai duas coixas que nun entendu: 1º ¿por qué se ha organizau tanta escandaleira porque o Gubernu haya decidiu utilizal 8700 millos de eurus de o Fondu de Reserva de a Seguriai Social pa o pagu de a paga extra de os pensionistas? 2º ¿Por qué hai tanta xenti empeñá en asustal a os vellus i a os futurus vellus idindu que estan en peligro as pensios? Ei pensu que as pensios estan en peligru igual que poi estal a Saniai, a Educación i o sueldu de os funcionarius. Tó dependi de o Gubernu de turnu. Ditu istu, nun estaria de mais que os partius políticus se sentaran a estudial o tema i buscal a millol solución a cortu i largu plazu.

Nota: nun descartu que estén abonandu o terrenu pa dispois vendernus a xubiá, comu mal menor.