O oiru i o moiru Enhas próximas eleccios comu sempri i pa nun perder a custumbri, os políticus volveran a ofrecel o oiru i o moiru, fairan extraordinarias promexas, pronunciaran frasis grandilocuentis, sobri dexarrollu bienetal i prosperiai general. Si vas a un mitin -librimi o Señol de tal acontecimentu-pois sel convinciu de que hai unha conjunción planetaria que pou a tó o universu a tei favol, compinchan contigu exclusivamenti pa tu feliciai. Logu te encontras con unha carta enha que naidi fala de prosperiai, ni de baixá de impostus, ni de subia de sueldu, ni de economía boyanti, sinón que fala de novus recortis cuandu este asentau por otrus cuatru anus enho poel. Y se te quea cara de tontu cuandu les i pensas que tiña radón o vellu profesul, cuandu afirmaba: as promexas electorais se fain pa nun cumplilas. Entoncis ¿pa qué as campañas electorais? pa ejercer con barra libri i con cargu a maltrecha economía de o país comu mintiroxus profesionais i universalmenti aceptaus? Estoi pensandu seriamienti-encoiru-comu andu-enha abstención. "Cuando una gran verdad triunfa en la plaza pública, piensa que una gran mentira ha combatido a su favor" (NIETZSCHE) |