San Martín de Trevejo - Caceres

¡Sepultureiru-o meu pa o que o predica aunque sea de maneira simbólica é un arma de dois filus, o unha escopeta en mal estau enha que o tiru sai por a culata!. O excesivu-cerval poi provocar unha psicosis enfermiai mental que altera profundamenti a personaliai con caractil de permanencia. En sintiu menus estrictu se fala de psicosis en relación a unha circunstancia especial, prududia por o meu a amenazas latentis. En dereitu anula os contratus i poi excluil a voluntai criminal. Por estas i otras cauxas enhas que por agora nun voi a entral, por nun alargar o mensaji-o que xuga con fogu se poi queimal.-Si un foru democráticu de a convivencia social, de a ideologia política, de a educación, de a justicia, de as ideas i as relacios entri persoas se constituyi sobri os cimentus de o meu, incluxu triunfandu enhun primer momentu, ten os dias contaus por largus que se fayan. Nun hai libertai a meyas, nun se disfruta a democracia a meyas, nun existi justicia a meyas (sin duda a excelsa é a anónima). O meu nun poi sel eternu por mais que aterrorici. Aunque coincida con a intención metáforica de la frasi de Jean Paul Sartre "A los verdugos se les reconoce siempre, tiene cara de miedo".