San Martín de Trevejo - Caceres

Saturaus estamus tos con esti tema y agora chegu ei pa mais inri erre que erre con o mismu, pero creu que en o foru debi quear constancia de esti acontencimentu:

"¿Llegará un dia en que los catalanes por el simple hecho de serlo, iremos por el mundo por y lo tendremos todo pagado" ? FRancesc Pujols.
¿Quin nun quel a independendencia? naidi. Trevellu aquel de Vilamen y a Serra das Ellas, La Moraleja de Alcobendas, Valldoreix de Sant Cugat....Palencia en os 80 autonomia y logu
independencia. Aqui e un sentimentu, unha ilusion. Os comprendu. Contra os sentimentus
nun se poi luchar. Logu ¿que pasará o dia 28? na de na. Que logu hay que dialogal -didin-
niñun gobernu pactara acordus e pro independencia. Si Cataluña en tempus pasaus, cumu
ocurri en Escocia...¿Quebec? hubiera siu Estau, tendria rados pa divorciarsi. Logu, pa que
falar y por qué de independencia, secesión si e impusibli que isu suceda?

Mas ha siu o pior Prsident da Generalitat que se envolvi en a bandeira nacionalista
pa nun falar da realiai. Vai en cuartu lugar. Raul Romeva, madrileñu, "Mr. Propper con gafas"
ex eurodiputau de esquerdas. Que denuncio en Bruselas o pisotón de Pepe do Rela Maril a Messi. Que denuncio tamen que avios sobrevalaban Cataluña con o objetivu de atacarla
( consultei as hemerotecas) e o numeru un de "Junts pel Si" Tapa as miserias y a corrupcios
de Artur Mas, que ten a sedi de Convergencia embargá por o casu Palau. Nun se fala na do paru, da insercion laboral, él apoyó a reforma laboral do PP. Que en Cataluña 6 de ca
10 paraus o son de larga duración, que 519.000 nun cobran o paru, que 124.000 catalas
nun tenin niñun tipu de ingresus. Que en Cataluña hay 180.000 puestos menus de traballu que fai cincu anus.
En Cataluña as becas de comeor escolar ha baixau en 10 puntus y a inversion en educación
un 17% respectu a o 2010. Mutus comeoris han tiu que cerrar por falta de becas. No hay
becas por los libross de texto y os degalitos con necesiais especiais han deixau de recibir
atención. .
A privatizau: aguas e Ter-Llobregat ha estau aanula a adjudicacion por o TRibunal Superior
de Justicia dispois de anus de litigiu y nos poi custar 320 millos. O tunel Cadi-Vallvidrera vindiu a os fondus de inversios ha gañsu en dois anus 87 millos. REcorti en saniai, cultura, educación, servicius sociais....Logu "Madrid...Madrid ..Espña nos roba"

Os enemigus da esquerda están en a dereita:Junts Pel Si, PP, Ciutadans

bos dias.

Errata:
Too mundu quel ser independiente, es unha ilusion un anhelo.
Raimon Obiols do PSC afirmaba que si pa lograr a independencia de Cataluña bastar con
apretar un botón, sin contrapartia negativas, a myor parti de catlás o apretaría.

boas tardis.

Chenchu e una pena que a os catalas nun se le poya explical a verdai de o que oculta as eleccios catalanas.Fai mutus anus que se les esta pirmitindu,a clasi politica catalana,leasi convergencia fel o que les da a gana,porque?sencillamenti porque tantu o pp,comu o psoe,an pactau con elis a cambiu de permitilis fel o que les dera a gana.
O "España nos roba" e una demagogia que nun se a sabiu explical a o pueblu catalan,explicali que os que roiban son otrus,agora e quizas tardi,a genti,sobre to a mais jovin,ten as ideas independentistas mitias en a cabeza desdi que estan en a escuela,con a complacencia de pp y psoe,porqui interesaba contal con os diputaus de Convergencia pa gobernal.
En o anu en que estamus,que se volvan a rebobel os fantamas do pasau,e de locus,an cunsigiu camuflal a realiai de estas elecciones,tapal os trenta anus que levan mangoneandu y se sabia y nun se fidu na.
Ojala o pueblu catalan recobri a cordura y pensi en o futuru,que nun pasa por creal cunflictus,pasa por buscal un futuru millol pa as novas generaciones y fel una nacion, prospera y con as prestacios sociais garantizas,educacion,saniai,etc que e o que queremus tos.
Forti Abrazu

•Esta muy claru que a mayoria do pueblu catalán nun quel independencia, aunque, isu si, queiran un sistema de autogubernu que encaisi en la Constitución, si non e esta vigenti que hay que respetal, en a que tos os españolis aprobin, pero tos os españolis, nun solu os catalás.O borróm independestista, en gran parti, pretendi, por o que se ve en esis partius que tantu chillan, tapal a enormi corrupción catalana que se denuncia por mutus meyus de comunicación y nun solu de a familia do que foi o principal gobernanti de a Generalitat sinon de otrus tamen, según presuntamenti pareci.
A inviabiliai da independencia e tan clara que niñun gubernu extranxeiru que se ha pronunciau o ha feitu a favol. Que se perdi a condición de español, si chagara esa improbalbli independencia, e tan claru, como que, a pesal de haber naciu en España, cualquera se fidera Aleman, o Frances. A nacion de origin, tindria que autorizal a dobli nacionaliai o se peri a originaria, y aquí isu solu existi con unhos poicus paisis do mundo ( Sudamerica en general y poicu mais).Por tantu a catalán que fora independienti, solu siria catalán y, aunque europeu de nomi, pues Cataluña está en Europa, nun puiria integrarsi, salvo que se le admitira expresamente, en a C.E.E.
En fin, que siga o Foru falandu de to y que se siga con esmeru a evolución de esi viñu comunal encerrau debaisu das campanas.Soidi pa tos, Chitu.

Segun o articulu 17 do codigu civil,"son españolis os fillus de pairis españolis",entoncis esta claru de que nacionaliai son os catalas.Por tantu salvu que o gobernu le quiti a nacionaliai a un español por estar a o serviciu de otra nacion,os catalas seran sempri españolis.
Que pena perdel o tempu en tontas,o que fai falta e sacal a o pais pa yantri,mandi o partiu que sea,isu da igual.
Forti Abrazu

Quiriu Muñu,como didi o famosu anunciu, "permíteme que te corrija". Según ei interpretu, comu jurista, o art. 24 c.civ. -2 didi ""En todo caso, pierden la nacionalidad española los españoles emancipados que renuncien expresamente a ella, si tienen otra nacionalidad y residen habitualmente en el extranjero."

Por tantu,si voluntariamentioso catalas se declaran subditus de a Republica de Cataluña, debin felo con toas as consecuencias y están renunciandu a sua nacionaliai de origin, por tanto deisan de sel españolis pa convirtilsi en Catalás. Soidi patos, Chitu,

Aqui o jurista e "chitu" y él nos pon en coñocimentu o articulu que trata sobre o tema
da nacionaliai. Tamen añadir, está claru, que Cataluña saldria da U.E. Que a independencia
tindría unhos costis, pero sendu istu verdais algu habrá que fer con o 47% de ciudadanus
catalás que se consideran y sintin que son catalás y nun querin ser espñolis. Esta claru que
os perdeoris en esta eleccios, han siu Mas y Rajoy. O Gobernu Central tendrá que reaccionar
y poñersi a falar y deixar de acuir a os Tribunais. E un problema puliticu y nun
Que hoyi son 1.952.480 de catalás que nun querin ser espñolis. Que fer con esti problema?

boas tardis

Mas y otros dos cargos de la Generalitat, imputados por la consulta del 9-N
JESÚS GARCÍA 2236
El Tribunal Superior de Justicia de Cataluña cita también a la exvicepresidenta Joana Ortega y a la consellera de Enseñanza, Irene Rigau, por desobediencia al convocar la consulta soberanista

Menú balón de oxigenu le han dau a Mas que estaba ya dimitiu! a CUP ...cambiará
de opinión y os independentistas fairan mártir a Mas. Rajoy de cara as eleccios generais
contentará a os seis, de esa maneira se enfrenta a Ciutadans, Esta claro que o poer Judicial
deixa mutu que desear a sua independencia.

boas tardis

Amigu Chitu creu que esta muy equivocau en cuantu a o que didis en referencia a articulu 24 do Codigu Civil,vamus a explicarnus:
Estamus falandu da hipotesis do que puiria ocurril en Cataluña y solamenti de isu.
Si Cataluña declara de forma unilateral a independencia,y nun recibi o reconocimentu como estado soberano a os efectus do Dereitu Internacional General(expresion del art. 96.1 CE),entoncis comu se poi aplicar o art.24 do Codigu Civil?
Si nun existi tal nacionaliai comu se poi recurril a ela?Comu ya e ditu,ten que sel sujetu de Dereitu Internacional investiu de plena capaciai juridica.
Por tantu amigu Chitu y comu ya te e ditu,falandu solu do casu catalan,o art 24 nun se poi aplical,por tantu y pa nun dali mais voltas a o tema terminu recordanduti o Art 11 da CE "La nacionalidad se adquiere,se conserva y se pierde de acuerdo con lo establecido en la Ley"
Te volvu a repitil,me refieru a o casu catalan,o art 24 nun se poi aplical si se invova una nacionaliai que nun existi.
Forti Abrazu

Quiriu Muñu, si tuveramus deyantri de nos, en a penumbra dos baisus de a Calli A Palla, un poicu de liquidu dorau pero transparenti con claru aroma alcoholicu aguardientau y sabor a uva vella, puidiramos debatir o tema ampliamenti por que o ei contestaba a tua anterior afirmación feya referncia a esa suposta adquisición de nacionaliai nova por independizarsi do Estau Españool, coisa que nun vai a pasal por que nun poi sel. Si asi hipoteticamenti fora y unilateralmenti se declarara a independencia, aunque naidi se lo recoñocera, nun hay duda de que o se estaba fendu era unha renuncia a Nacionaliai Española y entoncis, solu entoncis, España aplicaría esi art, 24.2 invocau por mi, sin perjuicio de otras actuaciós que se fideran, pa que os catalas que, ilegal y nun recuñucia, se declararan independientis nun poeran argumentar a nacionaliai dobli pa beneficiarsi. Asi que nun e que os ilegalmente independizaus foran a invocar sua nacionaliai, e que invocarían frente a Europa a que ago tenin, pero nun puirian por as radós ditas.
Estamus falandu en hipótesis nun posible por que naidi vay a recoñocel esa barbariai y menus cuandu a mayuria dos catalas nun a querin, pero, como didis,algu tendra que fel o Gubernu. Un Abrazu. Chitu.

Tes radon chitu,vamus a pensal en que estas lucuras nun pasaran y que españa siguira en pa y unia comu queremus tos.Sempri nos queara San Martin pa discutil con basu de viñu y sel filidis,que o espiritu dos mañegus e o da pa y a amistai,soidi pa tos amigu chitu. Forti abrazu