San Martín de Trevejo - Caceres

Un que mira de ve en cuandu, ve coisas que le queman. Me ha feitu muta gracia que o señor Domingo Frade en un articulu pa o bulitin gratuitu de serra de gata teña a cara de falal do velatoriu de "Sa Martin" pa idil que esta muy ben aislau, que asi os que vayan a velal a os mortus nun molestin a os vivus. E graciosu que o edificiu en cuestion teña casas habitás por os cuatru costaus y este en una das callis de entra principais do lugal.
Por mi, que o huberan postu en "Sa peiru", si quirian telo mais aislau...

Un saludu

pues ya podías miral millol y vel que o apillíu nun é Frade, que "artículu" leva tilde, que "bulitín" leva tilde, que "Serra" y "Gata" se escribin con mayúsculas, que "Martín" leva tilde, que "así" leva tilde, que "cuestión" leva tilde, que "esté" leva tilde, que "entrá" leva tilde, que "mí" leva tilde, que "quirían" leva tilde

A mi agora mismu me interesa mais que o velatoriu de San Martín esté a o lao de miña casa, y encima se pensin que somus tontus, a cumu pensis tu que se teña que escribil o mañegu (levis radón o no, que a mi por convención me paredi correctu o usu da tilde cumu en castellano, pero as prisas nun diban a mei favol).
Menus ma baba y falacia lógica, y si comentas que sea pa aportal o rebatil algu.

Un saludu

estó aportandu ortografía, que nada ten que vel con o tempu pa escribil.si as prisas te deixan, volvi a leel tu mensaji y mira a vel quén tén má baba y falacia.

En o periódicu mensual CRONICA DE LA COMARCA
Sierra de Gata. Set.2008
Domingo Frades informa sobre a terminacion do Camiñu Rural
do Conventu en dondi quea resoltu o problema de circulación
de residentis i clientis da Residencia de Maioris
"San Miguel" i da Hopedería"

Tamen fala respectu a Sala Velatoriu y me chama a atencón
ésti párrafu:

"Nosu Velatoriu poi sirvirnus a tôs i está tan aislau i ben
ubicau que parece ofrecel un miriciu descansu a os mortus i vivus,
que a vedis damus mais ruiu que o cooperanti"

"Un que mira" tu a partir de aqui é cuandu debis fer a crítica
sin descalificacios, sin insultus porque o autor de esta informacion
da sua opinión.Si por expresar que esta "aislau i ben ubicau"
le chamas cínícu, ¿tu crees que está ben?.
Si consultas o diccionariu y tomas a palabra "aislar" a o pé
da letra = de a + isla
Cercar de agua.
Incomunicar

Debirias haberli repundiu en esi mismu diariu
y nun aqui, ya que él nun está registrau en esti Foru.
Tamen é autor do CRUCIGRAMA y firma FRAY GASPAR

FONTI NOVA, debin estare muy ocupaus en o nosu Ayuntamentu
ya que nun me respondin.
Nun é puiu acceder a os teis mensajis do Privau.

boas noitis.

A bastardilla nun é miña.

("...) me chama a atención ésti párrafu"


debi idil: "esti párrafu"

Toos os mañegus deberiamus estar orgullosus de que Domingo Frades Gaspar(Mingu)sea miembru de a Real Academia Galega (RAG) agradecerle o que ha traballau y está fendu por a nosa FALA. Y entre as mutas cualiais que ten esti homi é a sua franqueda, nobleda y clariai, na de cinismu.
Que nun estés de acordu con o que didi en esi artículu
sobre o Velatoriu, puias ferli a réplica en esa revista/publicación
y nun aqui, porque o descoñozcu pa poel opinal.
A mi me pareci muy ben que en o antiguu mateiru se haya feitu o Velatoriu.

Nun sé si debin leval o non acentu as palabras que tu didis
mientras a ACADEMIA DA FALA nun exista, bastanti temus
con o esforzu que femus en comunicarnus en mañegu pa que agora
teñamus en conta tamen a ortografía.

boas tardis.

Idil que o mateiru esta aislau do lugal nun e un problema de opinión: e un problema de percepción. O isu o fai mutu tempu que nun va por o Forti, vamus.

Y nun se que ten que vel aquí que o articulista en cuestión sea miembru da RAG, de CC.OO. o de os Airis Mañegus, ni por que temus que estal orgullosus de él, que mei por o menus nun e na...

¿Pur qué nun introdudis o articulu en o Foru?

Tu calificas a Mingu de cínicu y os cínicus nun
creu que sean miembrus de tan prestigiosa Academia, nun feya
falta haber mencionau tal Institución, é certu, porque
tu sabis muy ben que Mingu cumu too o mundu tendrá a suas
limitacios, pero de falsu nun ten ná.
Pa pertEnecer a cualquier Club o Asociación con apuntarsi
y pagar a cuota correspondienti é sufcienti,
logu a comparacion que establecis nun é válida.

boas tardis

Nun era una comparación: era una reducción a o absurdu. Quiria idil que me da igual o que sea; que sel miembru do que sea nun certifica na y nun ven a o contu, que son as palabras acerca do velatoriu.
Pero tes radón en o de o artículu. O mau e que nun teñu a rivista aquí: a deisi en o lugal. A ver si tenin edición digital, o si non cuandu volva a pegu aquí. En cualquier casu, pa os intereaus, e gratuita y a tenin por o general en o ayuntamentu.

Disculpa y acabu con o tema:
Ha siu o calificativu "cínicu" o que me ha chamau a atención
y de nun haber siu por esta palabra dirigía hacia unha persoa
que nun o é, nun hubera respundiu. O sea, a miña resposta nun está relaciona con o tema O Velatoriu que ca un e libri de opinal
si esi era o no o lugal indicau. Pa mi era o lugal IDEAL, contando
con as limitacios presupuestarias.¿Seré tamen calificau de cínicu?
Tu, por ejemplu, ¿dónde o huberas ubicau?

boas tardis

Gracias, unha vé mais, Chenchu.
A miña resposta tampocu diba dirigía ao tema do velatoriu sino que me ha sentau muy mal que o chami cínicu y que diga que ten a cara de falal do velatoriu.

O cinicu nun he que te parezca ben o lugal: ei comprendu as limitacios presupuestarias y que era un local reutilizabli. O cinicu e idil, despues de sabel que se han queisau a metai dos vidiñus do forti, que o han postu en un lugal "aislau". Si isu nun te paredi cinicu...

(...)que se han queisau a metai dos vidiñus do forti (...)"

¿Se han queixau por escritu?

¿Cuántus?

pues de nun ser asi calificu o tei mensaji de demagógicu.

boas tardis

Pues si, y recolleran firmas. Preguntali a Pastora.

Otro SI:

Y o titular do ASUNTU: Cinismu
logu esti é o TEMA.

Esti é o enlaci ao artículu:
https://ww.sierradegata.es/CATALOGO/C27/CRONI7.PDF
Está ena última página.

perdón.creu que nun é esi o artículu rifiríu por "un que mira".

Conven sempris, distinguil entre a obra y autor, y si se discrepa de a obra nun se debi ofendel a persoa , isu nun e correctu.Como to mundu sabi, Domingu, que me honra con a sua amistai y de quen presumu de ser amigu, nun necesita defensa, pues o sei curruculum , solu refiriu a cuantas coisas ha feitu por a fala y por o lugal, o avalan, de maneira que deisu esi tema personal. Sin embargu, si teñu dereitu a opinal sobre o fondu da cuestión, o sea, o Velatoriu, Veloriu, Tanatoriu o como se le queira nombral. Pa mi, desde logu, nun había sitiu mais adecuau pa fel unha coisa asína, y non solu por que se le ha dau unha utiliai magnifica un edificiu que nun tiña niñunha, sinon por que, miranduo ben, sin afirmal que está aislau, nun ten niñuha vivienda colindanti cercana ni vidiñus mais que os que separan a calli y a situación e adecuá por que nun se poi negal que está as aforas do lugal, como sempris se ha ditu, otra coisa e que o lugal ha criciu, pero o sitiu sigui sendu a seida do Conventu. ¿Acasu habia algun sitiu millol? En o lugal, afortunamenti, nun hay tantas mortis dispois de to, asi que esa protesta que fideran os vidiñus do Forti, dibia tel poicus argumentus de pesu, ni humanus ni sanitarius y poirisu nun foi tia en consideración, o e que e millol tel un cadavir en casa…..En fin, nunca chovi a gustu de tos, pero isu nun he mau.Un salu pa tos y pa a fala, Chitu.

Boos dias, Foristas, Mañegas y Mañegus.
Alguin de esti Foru, ya dó explicaciós de o significau de Velatoriu y Tanatoriu; creu recordal que dixiu:
Velatoriu: Velal o cadávil de o familial o persoa en concretu que ha mortu.
Tanatoriu: E o mismu de o velatoriu, mais a incineración.
Creu que istu últimu nun e o "Velatoriu" de o nosu lugal, porque nun ten "Fornu Crematoriu", etc. Pol isu poi sel velau en casa de o familial cumu era antigüamenti y nun pasaba ná; únicamenti que a casa aguantara a tanta yenti velandu o mortu y redandu.
En cuantu a chamal "Cínicu" a D. Domingo Frade, ei nun estoy de acordu, porque ei o coñuzu de pequenu y sempris foi muy boa persoa y en principiu nun está ben que nos insultemus en esti Foru.
Soidi a Fala, Mañegas y Mañegus.
Chalrrieira.

Que a mayoria de os denominaus Tanatorius
nun disponen de fornu cremataoriu...

As casas en San Martin, hasta o dia de hoyi, nun se han queidu
dibiu a genti que ha diu a o velatoriu y a radón de
estar prohibiu é de tipu sanitariu, sin embargu, si había
problemas con as novas casas/apartamentus pa sacar o ferétru
y tamen a falta de espaciu pa tanta personal sobre too
en invernu. Y pa mais inri cumu nun disponin da SALA con o feretru
en o centru da misma, un platu con as tixeiras sobre o
estómagu do difuntu y as mulleris redandu o rosariu...
Y os homis bebendu aguadienti y comendu perrunillas,
contandu chistis...chascarrillus y chafardeandu.
¡Qué ben mo pasaba en os velatorius aquelas
largas noitis de invernu!

He solicitau información a o Ayuntamentu sobre a protesta
de os vidiñus de o Forti en contra do Velatoriu
En cuantu reciba a resposta os informu.

bos días

-Esperaré a resposta de Chenchu.
-Logu,comu parti afectá;daré a minha opinión.

Mientras: nun estaría de máis,que se fidera un-ha dexambiguación do términu "AISLAU" -d'esti caxu concretu-.

"FONTI NOVA"

Sempris é un placer responderti.

(".....)se fidera un-ha dexambiguación do términu "AISLAU" -d'esti caxu concretu-"

Nun entendu isu da dexambiguación

Tua casa está enfrenti do Velatoriu logu eris parti afecta.
A nosas casas do lugal y de toos os pueblos a o largu
da historia han siu "Velatorius" y nunca que ei sepa se han
queixau os vidiñus. Teñu a completa seguriai que o mateiru
cuandu funcionaba a plenu rendimentu produía mutas mais molestias
a os vidiñus que as que vay a general o Velatoriu.
¿Y os cochis que subin y baixan a o Geriatricu, as obras do Conventu...
a subia y baixa da Cru oitu vedis a o anu
Y e que en esti pais too mundu se queixa: son u nun son necesarias
as cárcilis?, por ejemplo, si, pero que nun esten en o mei barriu/lugal;se necesitan Centrus de atenciÓn a drogodependientis, SI, pero longi da miña casa que crea problemas...y sin embargu naidi
protesta dos baris que crecin cumu turtullus.

Ademais existin LEYIS pa creacion/construcción de estis inmueblis,
pues debemus acatalas, nun hay volta de folla.

Te he mandau dos "PRIVADO" pero a o parecer nun funciona

imarti56@hotmail.com

bos dias.

A diferencia e que a matal un cordeiru nun acudían vinti persoas de noiti...

Y aislau, pues en o contextu en o que usa o términu esti señor en o artículu, fala de que nun molesta a naidi, e idil, aislau en sintíu total, non aislau de que haya oitu o de metrus hasta a siguienti casa.

En cualquier casu, ei nun me queisaba de que este o velatoriu dondi está, que comprendu que tampocu hay cuarenta localis para eligil, pero que encima nun me veñan idindu que se ha postu en un lugal "aislau" dondi nun molesta a naidi, por que me consta que molesta. Isu e cinismu.

("...cuandu o mateiru estaba a plenu rendimentu" -escribi

si, produdia mutas mais molestas que agora o Velatoriu.
Se mataba diariamente cuatru y cincu cabras, se chegorin a sacrificar
una vez a o mes mais de 50 cabeza de bovinu y ganau bravu.


SINCERAMENTI, nun te estas mostrandu de maneira HONESTA
e isu nun quel idil que nun o seas. ¿Por qué?
porque dibirías haber postu a nosu disposición o textu de Mingu
y ver o CONTEXTU donde apareci a palabra "aislada/aislado"
Aqui, con toos os respetus a tua libertai de expresion,
solamenti temus a tua versión, a vedis interprtamus o textus
y nun os analizamus, a expresion "AISLA" é ambigÜa.

Observa que ei escribi "o mateiru a plenu rendimientu"
pues me falas "A diferencia e que a matal un cordeiru nun acudían vinti persoas de noiti..."
¿ves? pues tu fais unha utilizacion torticera do que ei manifiestu,
idindo esas verdais de Perogullo.

Me gustaria que me informaras sobre esi escritu y esas firmas
en contra do Velatoriu.

Agora cayu FONTI NOVA ¿seras istu o qui ques expresar?
ser mais clarus y precisus de aqui a palabra "desambiguo"
sobre "AISLA"?

bos días.

Ya cumintí que nun estoy en o lugal y nun teñu o textu aquí. Si te interesa leelo antis de que me falla con el, tenin copias gratuitas en o ayuntamentu. Y as queisas, te queda creermi, o dil a preguntali a quin o organizó, que ya he comentau arriba.

Amigu Chenchu:

Por o mismu meyu,te he mandau contestación os teis mensajis.-Os has recibíu?.

En cuantu o restu do tei escritu,te contestaré cuandu tenhas información do que passó entri o Ayuntamentu i os vidinhus do Forti.

Un abrazu

FONTI NOVA

Vali. Mañan mismu baisu a o lugal, me levo a pastora a un notariu y firmamus un documentu que certifiqui que ela nun está de acordu con o velatoriu y que insto a os vidiñus a que firmaran en contra.

Un que mira:

-Me pareci que vas mui rápidu.
-Se lo has preguntau a ela?.

Según se desprendi d'esti escritu,así comu dos teis precedentis.Pareci, comu si solu ela; haya tíu o coraixi d'enfrentarssi cono Ayuntamentu. Si, isu ha síu así,nun cabi duda de que é un-ha mulhel con valintía.

(...) "y que insto a os vidiñus a que firmaran en contra".

-Nun sé!, -istu, nun soa mui ben-.¿Cuantas firmas obtuvu?.-Contó tamén cona túa?.

FONTI NOVA

Home, nu necesitu preguntali, viñu ela a pidilma. Creu que practicamenti se rieran de ela en o ayuntamentu. Y si ei firmi o non nun he de tua incunvencia. Sin acritud.

Milano: Ave rapaz, que se alimenta con preferencia de roedores pequeños, insectos y carroñas.

É pusibli que nun sea capa de decir o que pensu en mañegu escritu.

O Milanu, en un pajaru que, cumu ei tuvu que emigral, ya que se acababan os cuellus, y oitrus animais de os que se alimentaba.

Apreciamus una diferencia entre o de antis y de agora:

cumu algún apunta, antis en cualquel casa se tiñan os cadaveris, y naidi se quejaba.
A unica diferencia es que agora, son sempris os mismus os que aguantan o ruidu, mientras que antis eran os vidiñus da calli en cuestión, que, sin duda,nun era sempris a misma, y que por oitru ladu, caxi estaban obrigaus a asistil a esi velatoriu.
De todas formas, nun coñuzcu o escritu en cuestión, por isu nun opinu a fondu
Boas tardis, vos desea

O milanu:

Ave diurna rapaz, que se alimenta con preferencia de roedores pequeños, insectos y carroñas, y otros hervíboros pequeños.

aquí está o enlaci ao artículu:
https://ww.sierradegata.es/LATERAL/M1/BINDER1.PDF
Ya o didi ahí Domingo Frades: [...] un miricíu descansu a mortus i vivus, que a vedis damus mais ruiu que cooperanti cunvivencia"

(...) "Mañan mismu baisu a o lugal y me levo a pastora a un notariu y firmamus un documentu que certifiqui que ela nun está de acordu con o velatoriu"-didis-.

Pastora, é un-ha mulhel con un-ha gran personaliai i mutu caracti. Por tantu: dudu mutu, que, ni tú , ni naidi, a levi alí dondi ela nun queira dil. –¿Que, desdi o primel momentu,ha estau en contra de que s’ubicara o velatoriu yuntu a sua caxa?. Istu,é algu qu’eno Lugal naidi ignora; i mutu menus o Ayuntamentu. I, si esti s’ha ríu d’ela,é que dentru hai perssoas de poica consideración.

-Sabis?. Creu, qu’en certu grau, a estás utilizandu pa lanzal as tuas criticas hacia otra persoa – algu, que ni entru ni sayu-. Pensu,que siría máis eleganti por túa parti, resolvel directamenti as diferncias sin inmiscuil a naidi. Pues, cuandu Pastora tenha que defendelsi,se basta ela sulita sin necessital de naidi.

FONTI NOVA

P.D. -Ah!! sí é de minha incumbencia.

Te aseguru que nun he da tua incumbencia, por que ni se quin eris, ni me interesa, y dibiria ser reciprocu.
Y por otra parti, ei nun estoy idindu na (mau) de Pastora. Ni mutu menus. Aqui estaba intentandu idil que, pese a quin nos pesi, o velatoriu va a estar en ese sitiu, y que ya e bastanti que nun nos gusti, pa que encima se pavoneen de que en que en que bo sitiu esta que nun molesta a naidi. To o demás o habeis ditu vosotrus.

Un saludu.

-Bueno!!,mira por dondi,en algu cuincidimus de plenu.Ei,tampocu sé quin eris ,ni tampocu m'interexa.¡I por supuestu!,é recíprocu.

-I por minha parti,doi o tema por zanjau.

FONTI NOVA

Benvindu a o Foru, "milanu"

pos tes radón que nun eran sempris os mismus

¿Qué estaban/están obligaus a asistir
a os velatorius? si a cultura y as tradicciós
dos pueblus son obligacios...pués sí.

En Barcelona hay dois Tanatorius
o de Sancho Dávila y o das Corts que están
dentru do cascu urbanu, son céntricus.

Me dirás, si, pero es que os cerran por a noiti,
pos en San Martín se poi fer o mismu, si é
que tantu trajin nun deixan durmir a os vidiñus.

En o verán o que vivi en a plaza o por plaza
pos debi leval con bo humor o ruiu da musica
y da genti, o que vivi por a carreteira a subia
y baixa da discoteca, o tráficu vehicular;
cuando soa o reloj da as horas;os bandus...
en fin, que en San Martin hay tanta
contaminacion acústica y funeraría que resulta
ya difícil vivir.

bos días

Ahhhhhhhhhhhhhhh!!!!!!!!
y as LENGUAS DE METALLLLLLLLLLL
visperas, festius, mortus e incendius

¡Hola Chenchu! . Comu nun tenhu forma de comprobal -tampocu sé comu se fai-,si esti tipu d’envíus privaus se recibin ben. Sempris,m’alberga a duda de qu’o destinatariu os reciba correctamenti. Pues,nun tardandu te contestaré de novu; ben, poro mismu sistema, o por E-mail.

Pareci sel,que nun te chega a información que solicitastis o Ayuntamentu,-tal ve,sea milhol así-. ¡O feitu, feitu está!.

Ni que idil ten, qu’o matéiru era mutissimu máis molestu , ruidoxu i dexagradabli,qu’o velatoriu. Si mal nun recordu, foran mutas as queissas dos vidinhus que dorin o Ayuntamentu pa qu’o quitara. Pues,esti,se resistía a felo,cuandu saniai feya ya tempu que tinha pruhibíu esti tipu d’industria dentru das poblaciós.

Claru está, qu’hasta esti momentu qu’ei sepa,nun existi ninhu-ha lei que prohiba a ubicación d’un velatoriu dentru do cascu urbanu. Por tantu: cualquel emprexa d’ámbitu privau –nun sé as públicas-, poi montal esti tipu de negociu alí dondi estimi, tenha meyus pa felo i cumpla a normativa. Entendu pues, que se le dé utiliai, a un-has istalaciós qu’estaban infrautilizás; en cuantu os ruíus: é evidenti, qu’o qu’está dentru da caissa, poica tabarra dá; i nun creu qu’os familiais levin un tocadiscus pa divirtil os acompanhantis, ni tampocu que contratin a planhideras conesta crisis.

-Peru a cuestión é a siguienti:
- A cuantus nos agradaría tel un velatoriu o lau de caxa?. A sola idea de vel passal un cochi funebri,ya é un rechazu.
-Que si te toca, nos temus qu’aguantal?...¡Sí!.
-Qué, un vidinhu manifiesti o sei malestal,i le diga o Ayuntamentu que se tenhan en conta otras alternativas?. ¡Está en sei perfectu dereitu!.

En fín, nunca chovi a gustu de tos (Chitu dixit).

Forti abrazu a tos

FONTI NOVA

A soliciti por a WEB do Ayuntamentu
y no debin responder por falta de costumbri,
tampocu tenin obligacion, pero si tenin unha
página con o que habrá custau creala, pos a ei
está morta de risa, si nun contestan...é que
ni "acusi de recibu"
Teñu que pensar que nun a han recibiu, pensar
ben ten o mismu costi que ser mal pensau,
con a ventaya que un vive mais anus vendu a
botella meyu chea.

Suscribu absolutamenti o que didis
y o Ayuntamentu que debi estar a o serviciu
de o ciudadanu, é sua obligación atender/recibir
as queixas de cualquer vidiñu, pero en este casu
concretu si recibi un esritu con firmas.
¿Nun ha habiu resposta?

Aqui ha pasau a primer planu a calificación de "cínicu"
que feya o forista "un que mira" (le sugieru que o cambie
por "mirón")precisamenti de un dos ciudadanus que ei coñozu
mais noblis de esi planeta, y esti tema ha tapau as posiblis
justificaciós y rados de estar en contra en que o antigu
mateiru se haya recunvirtiu en Velatoriu

Desde logu que de nun haber existiu o mateiru
un bo lugal é o cementeriu, pero claro, se hubera necesitau
un mayor presupuestu.

Un abrazu.

boas tardis.