San Martín de Trevejo - Caceres

Querido pueblo:

Venía pensando en el Metro... "Tu belleza es tan exagerada que a tu paso se derrite el suelo y da forma a ese fabuloso y único valle entre las montañas...Valle que eres un mar de libertad, valle que me haces soñar, valle que me haces respirar alegría y paz en el alma..."


Un saludo a todos...

O parral.

SI TE VIRAN TEIS FUNDAORIS


Nacia enos alboris du oitudentus
de nobri rangu, nerviu, adeiti i comerciu
ao horizonti inmensu, brazus abertus
célibris filhus destis, legau egregiu.

Razas que se fundiran, crisol do tempu
antipasaus nossus bizarra estirpi
formandu un pueblu rediu, broti de brezu
que arraigó cumu a heira que trepa i creci.

Quen fidu tuas montanhas que ben as fidu
dispostas cumu en corru formandu un niu
un pueblu en que o distinu cum causa quisu
que tôs os manhegus foran nacius.

Pueblus que te rodean cual paixaritus
qu'en tornu ao niu volan surcandu o airi
pâ o mar os mandas cumu dagalitus
xugandu aguas abaixu, brazu de mairi.

I seguru que si........

Si hoixi teis fundaoris, surgiran do aiel
i te viran o guapa qu'estas
feita ia um'a mulher
extasiaus poeran queal
i henchius de pracel...vanidosus tal ve...
te volveran a fundal.


Soidi pâ tôs i pâ Fala.

Collós Nachitu, é caixi o únicu que se me ocurri, dispois de leel o que has escritu. Miña felicitación.
Soidi pâ tí y pâ tua familia. A vel si somus capá de velnus en o cordeiru o en Naviáis.

Tamén a Chalrieira por a memoria que ten pâ recordal tô cuantu ha postu en as tres intervenciós referenti a organización d´a escuela de Don Ciprianu. BOA MEMORIA, que Dios t´a conservi.
Sólu m´acordu d´o recreu y de copial en o cuadernu o tema, pero de poicu máis. Talvé porque me foi a estudial fora con ondi anus.
A propositu de isu, queru recordal que Sebiu (o d´o estancu), era capá de copial o tema a misma velociái que o feia o que estaba fendu en o enceráu, de tal modu que, cuandu cambiaba de enceráu o copista(chamemusle asina), porque nun le cabía o tema en un, Sebiu saltaba por cima de quin fora y se cambiaba de sitiu pâ poel siguil a o do enceráu.
Reiteru o deseu de soidi pâ tôs vosotrus, y tamén pâ fala (que boa falta le vai a fel).
B_RODAS

Nachitu: Esta muy ben e sa poesia que pos, te felicitu. Creu que temus muy bos poetas en o Foru y tamen prosistas, me refieru a O Parral que escibi muy ben, . Creu que dibiamus recopilar toas empzandu por as de Pacu (q.e.p d) y tindriamus un pequenu folletu de alabanzas a San Martin, sin olviar as de BRODAS que son muy boas. Un saludu Patos y aupa a Fala-
O Saltu

Si tei pairi q.e.d., con esi graceju que tiña, huebra liu o poema, hubera ditu ¡ joel o que tiña escudiu esti dagal !. Eu suscribu a frasi, tensintimentu y arti a coisa.¡Enhorabuena! Suscribu a ides de O Saltu. Alguin ton tempu, puia sacal tantus y bos poemas y poñelos aparti pa que se poeran disfrutal independientimenti.Hay que falalo. Soidi pa a fala y un salu pa tos. Chitu

Estimau Nachitu:
Me alegra que tú tamen escribas poesias referenti a o lugal. Esperu que nos sigas deleitandu con algunha mais. Tei pairi (q.e.d), con o simpáticu que era o estará celebrandu en esis mundus de Dios.
Brodas, gracias por a dedicatoria de a miña memoria; procuraré conservala mutus anus pa ven; que o que haya que recordal sean coisas boas y as más ulvialas.
Me pareci muy boa a idea de "O Saltu", pa que alguin se ocupe de recopilal toas as poesias que se han escritu en esti foru y poñelas toas yuntas en otru apartau.
Soidi a Fala, Mañegas y Mañegus.
Chalrrieira.