San Martín de Trevejo - Caceres

¿Pur qué se vai CHENG-CHU-YU (CH-CH)?

Leu as muestras sinceras de adhesion ante a dispia de o meu homofonu,"CH-CH" y nun entendu cumu con tan solu cuatru mensajis en o sei haber, esti forista haya cunsiguiu tantas manifestacios de solidariai.
Me chama a atencion que naidi le pregunti a radon da sua posibli seida do Foru. ¿Pur que se vai? ¿Se le ha faltau o respetu? ¿Se ha sintiu acosau?
Queru que observeis o que descubri o pasau dia 9 y me cali pur no crear discusion:

O BARQUITU DA VIA(CANCHEIRA) 09-10-05 as 19:57.
RE:O BARQUITU DA VIA (CHENG-CHU-YU 09-10-05 as 20:05.

Solamenti transcurrin 48 segundus desde a Entrá do mensaji hasta recibir Resposta.
¿CANCHEIRA/ CHENG-CHU-YU son a misma persoa? -preguntu.
¿Aplica o reflan de "Juan Palomo que yo me lo guiso yo me lo como"?

Me di conta o mismu dia 9, nun me sorprendei, pero nun quiría entrar en unha discusion y nun siria por falta de ganas.
Si respondi logu a " se foi a os praus" porque de alguha maneira estaba obligau, se trataba do mei homófonu (CHENG-CHU), ademais un foru e isu, o dereitu que un ten a fer uso da sua libertai de expresion.
Le respondu de maneira muy respetuosa, le deseu que convirta a sua via en un poema, que sobre a sua mesilla de noiti teña un libru de poemas.
Nun voy aqui a reproduir o mensaji quin queira leelo ahi esta (11-10).
O logicu hubera siu haber recibiu respota...¿Pur qué nun o fai?
Purqui a suas limitacios son grandis en o usu da dialéctica, nun sabi refutar, respondi con insultus, descalificacios(Li Tao -Man liau. TU-FU. LI-TO-CANSAO).Gracias Chitu por a tua resposta.
Algu hemus ayantrau ya que no me ha chamau facista-hitlerianu.
En "Perdón, me voy igual que viñi" (13-10)
Os parrafus en mañegu son de Cancheira purqui apareci un determimanti acentuau. Solu él en esti foru pon acentu en dondi nun debi.
Ademais es de estilu similar que o precedenti a esti (26-
Bueno hay otru en dondi se diva de vacacios, pero nun se foi.Se fai a victima o mártir pa provocar a fibra sentimental y que le digan NUN TE VAYAS. "Mañegu en o extrangeiru" le da unha resposta inteligenti con a sua fina ironía de sempris, asi o interpretó.¿Algun de vosotros puia resumil qui quel expresal? ¿Se vay do Foru por a resposta que le di?
¿Quin se escondi tras os otrus chinus? él o alguen do sei entornu.
En os forus un entra y sai de maneira libri y voluntaria, istu e un entretenimentu, un yugu que nos permiti expresarnus en a nosa quiria lengua, nun fai falta provocar o llantu y hay que ser de él fendu "mutis por o foru". Saldre un dia cumu chigui, sin fer ruiu, nunca me han gustau a dispias y teñu problemas con elas purqui nun se felo.

Me gustaria que INDANUNSE me aclarara que significa "reválida de cuartu" nun o entendu.

Bos dias.
Chenchu.

Quiriu Chenchu:
Enha miña última intervención,sólu aclaru que se ha tocau un tema muy delicau,que e "o cuartu y reválida".Tu sabis muy ben que mutus maestrus da tua generación(que nun e o tei casu),han siu chamaus "cuartu y reválidas",quizá porque nun estaban a o nivel das novas exigencias docentis y foran reciclaus pa impartil otras áreas.Alguin faló aquí(que nun ei) do "cuartu y reválida" y repitu que sólu advirtí de algunha consecuencia,porque o tema fairá referencia a mutus que se sintirán ufindius.Cumu quera,que ei nun poñu en duda a tua capaciai ni a tua vocación,sobrámenti demostrá.
Un salú y un abrazu

INDANUNSE:

Mutas gracias por a tua respota cumu sempris eleganti y caballerosa.
Sí, ei soy dos maestros de reválida de cuartu, dispois me licenciaría e a Universai de Barcelona (UB)
O examinarmi cumu alumnu LIBRI, contrariu a o OFICIAL, de reválda de cuartu en Cáciris e unhos dos tragus mais grandis da miña via. Carmelu
(q.e.d) nos daba clasi a tei primu Angil, Toia a filla de Luciu "porras" y a un fillu de un guardia civil de Cileirus lamentu
agora nun sabel o sei nomi.
Nun te queru contal o que supuñia desde San Martin solamenti
matricularsi en o Institutu o Brocensi, cummu alumnu LIBRI (contrariu a o oficial) con 16 anus tiña ei tiña que ocupalmi
de estas burocracias, de tal maneira me marcaron que e unha das coisas que mais odiu.
Chegaba o mes de juniu: a seis de mañan o cochi de linea, bumiteiras por aquelas curvas. Chegabas a Caciris y preguntal por dondi queia o Instituto, cruzal toa a ciai..suorosu con a tua maletita de carton, nerviosu, angustiau.
Te mitian en unha aula y toa a mañan examinandoti de latin, matematicas y lengua/literatura espñola.
Si aprobabas pasabas a examinarti de geografía, historia, politica-social, gimnasia.
A reválida de cuartu (revalidar o que un sabi desde primeiru hasta cuartu de bachilleratu) y ser alumnu libri era cumu dil a unha olimpia y sin haberti entrenau, era cumu si te itaran a os leos en un circu romanu.!Cuantus adolescentis tuveran que abandonar os estudios pur nun superar esta prueba!
Aproveitu pa pilti sinceras disculpas si os meis enfrentamentus son causa/mutivu que nun participis en o Foru cumu quiyeras.
Respetandu a tua amistai con Cancheira, debis comprendel
que fayu usu do dereitu a miña libertai de expresion y que nun soy ei quin provoca. Ademais, ya o sabis que o únicu animal capaz de rirsi de si mismu e o ser humanu. Nun ten niñun méritu: e o únicu que da motivus pa felu.
Felicitarti por as tuas fotus en especial por a LUNA EN A PLAZA, auténticu POEMA VISUAL dignu de SER O CARTEL das próximas festas do mes de Agostu do lugal. Debirias registrala en a SOCIAI DEREITUS DE AUTOL.
Y ya acabu con o recordu de verti yugandu de dagalitu con perru que tiña un ollu de ca colol.

Bos dias.
Chencu