San Martín de Trevejo - Cáceres

Esti retratu de a Calli Corchu, me trai a memoria mutus recordus, ya que foi dondi ei nací y me crií, hasta os dedaseti anus y picu en que ingrisí en a Marina de Guerra igual que otros cuatru hermanus.
Meis Pairis eran os Paneirus, chamaus Tiu Román y Tia Juliana (q.e.d, os dois). As persoas que eran clientis acuian a compral o pan, o tamen fariña y salvaus, ístu últimu pa os animais. Cumu en esis anus (1940-1962), nun había mutus cuartus, meis Pairis, fiaban esis productus. Tamen vindíamus naranyas en o envelnu, ya que as produdiamus en a finca chamá "O Muñu".
En esta calli estaba a Fragua de "Tiu José" y Tiu Sebastián, que vivía encima de o bucín, era "Zapateiru" y cultibaba en a orta detrás de casa "chufas" y me as daba a comel.
Era unha calli concurria; en ela se poi divisal a "serra", pos ten unha vista preciosa.
Aei yuguí a pelota.Tamen pasaba a agua de o lugal, que cortorin, cuando fideran o novu empeirau de a calli de o Forti y da plaza Mayol.
Soidi a Fala, Mañegas y Mañegus.
Chalrrieira.