San Martín de Trevejo - Caceres

TIA CATALINA


Ela si que era puisía,
arrugueita,piquinina,
senteita en aquela esquina
vendendu a sua mercancía,
as obleas con flanín,
caramelus,coloraus,
ricus,de azúcar,cuadraus,
de roju color carmín
os ricus chochus,salaus,
que con o cornu,sirvía,
eran a mercadería
que a tos nos tiña "enchochaus",
con o pañuelu a cabeza,
y a tuquilla por a espalda,
era,con a larga falda,
por sel tan vella,belleza..
Esa foi tia Catalina,
de sobrenomi a "pinchona"
foi caramelu,persona..
alma dulci...gulusina...

Se sentaba en a escaleira do Ayuntamentu actual,a o lau do royu,
y alí estaba toas as tardis dos dumingus y dias de festa,vendendu por unha perra gorda ó duas,caramelus,chochus y flanin en obleas.Tamén fidu historia.
Gracias por a boa aceptación que tenin estas puisias que pa algunhos son cargantis...elis me importan un pitu.Gracias a Pirdía por poñel versus meis en defensa do nossu foru,isu ya e un orgullu.E un orgullu ser amigu de tos vosotrus.Anduriña nos ten abandonaus.A ver si fai algu en versu que ten alma pa isu.Un abrazu.

Ya chovi,ya chovi....aleluya,aleluya que o royu vai a toa mecha y meis ríus serán o que eran...

Gracias por esa puisia tan linda, Cancheira..
Ey nun teñu o tey arti,
tampocu teñu mutu tempu..
pero faire o pusibli
pa que tos, estemus contentus...

BOAS NOITIS PA TOS