San Martín de Trevejo - Caceres

Era meyudia. En o cristal do comeor se uvia un ligeiru y desesperaru repiqueteu. Un pitirroju habia queau atrapau en a casa. Enganau por a luz y o verdor, o paisaru intentaba escapar golpeandu desesperamenti con a sua cabeza en o ventanal. Nun e a primeira vez que istu pasa y que descubru un paisaru mortu en o salon-comeor a forza de enganarsi con a luz, de golpearsi contra a falsa realiai do cristal. Algu pariciu sucedi a vedis con os humanus: atreidus por a luz, golpean y golpean a realiai -o cristal- , se estrelan contra ela hasta escapar o morrer en a empresa. Afortunamenti chigui a tempu de agarralo, de abrir a porta y lanzalo a o airi, a luz desea. Voló entre as ramas a unha velociai increibli. Pero ¿cuál e a man que -sin piligru- nos poi cunduir a os humanus a plena libertai da LUZ?

boas tardis.
Chenchu.

¿pitirroju o piticolorau?. Solu preguntu porque nun sé.

O libri albedriu. A libertai consisti en fel o que queiras respetandu as normas que protexin a libertai dos otrus. E de sentiu común.

A do sicoanalista?????

pa miña maneira de vel as coisas,a libertai , a luz o cuñucimentu,(chamali cumu queiras,)o levamus tos dentru en o mais profundu de nosotrus .....

A vedis tan profundu que nun se ve.