San Martín de Trevejo - Caceres

Que instalin cabalitus/ en toas as callis,
que enchin de cabalitus as ciais. /Siglus
levamus con o inventun de feria en feria
sin descubrir a sua humanisima aventura.
Que celebrin os novius/ o sei viayi en os cabalitus,
de cabalitu en cabalitu.
Que ca familia teña seis cabalitus
¡toos en os cabalitus!
Que os amigus/falin, soñin y discutan
dandu voltas en os cabalitus.
En el.lis celebrin o sei consellu os ministrus,
mientras quean ministrus,/ y en el.lis se reunan os señoris obispus,
naturlamenti, revistius/ de señoris obispus,
mientras queen obispus.
Os pobris subiran pa reirsi do mundu/ y os ricus
¡que suban os ricus a os cabalitus/ mientras toos os aplaudimus!
¡Y os señuritus! /!Que suban os señuritus!
Y que acuan toos os solitarius, toos os vagabundus.
Y o congresu de diputaus/ sera o congresu d'os cabalitus.
Y os empresarius ¡que risa, os empresarius!
Que suban os empresarius con os asalarius,
mentras existan salarius.
¡Os salarius do meu!
Y, veña: comites centrais/ mafias, sectas, castas, clas, etnias:
¡a os cabalitus!
y os musicus con os guardabosquis/ y o alcaldi y os concejais/
con as verduleiras y os paneirus.
¡Viva, Viva!/ gritaran os dagalitus cuandu vean
que suben os Honorablis.
¡Veña, Honorablis!/ ¡A os cabalitus!
Vamus a ciai a subir a os cabalitus,/ diran os momjis y os abadis.
Y os academicus:/ Que se reunan os a cademicus en os cabalitus
y que se cerrin toas as academias.
Que instalin cabalitus en as carcilis
en os cuarteis/en os hospitais/
en os frenopaticus,
y que se escapin toos/ montaus en os cabalitus.
Y toos os juecis a os cabalitus,
¡veña! ¡veña!: ¡ a os cabalitus!
¡Y na de procesus y sentencias!
¡A os cabalitus!
Y que toos os funerais/ se celebrin montaus en os cabalitus
a o pasu silenciosu y tranquilu dos cabalitus.
E unha nova ordenanza, / e un novu preceptu
¡toos a os cabalitus!
Hasta que toos foramus mininus...

Boas tardis.
Chenchu.

Muy boa chenchu (cumu dagalitus.. ,me pareci muy ben)

Agora, poeta. Enhoraboa, por o cambio.

Muy boa chenchu, pero de dondi vamus a sacar tantus cabalitus

Un abrazu

Chenchu antis te cuntisti,(cumu dagalitus..me pareci muy ben)
Nun puisi o mey nomi,porque estaba enfa contigu..... He liu por segunda ve "os cabalitus", y me a gustau tantu, que o enfau,.. ya se a diu..
A tua filosofia en puisia me gusta
un abrazu anduriña