San Martín de Trevejo - Caceres

A secretaria general de inmigración didi:

"Los jóvenes españoles emigran por espíritu aventurero y no por la crisis" (ignora a situación real)
A xuventú do nosu país, nun emigra p’orafán d’aventura sinon por falta de trabalhu i de oportuniais. A xuventú do nosu país, se vai a otrus paíxis porque eno sei nun le dan oportuniai algun-ha . A xuventú do nosu país, se vai a buscal fora o que aquí se le nega.

Así pues, a xuventú nun se vai por caprichu ni por aventura, sinon, porque ena sua patria se morri de ascu i dexesperación.

Eno periodicu "El País" o lunis día tres publicorin ulgun-hos trabalhus d’un arquitectu que segururamenti vos sea familial i que tamén se plantea dilsi a otru país porque eno sei nun le dan oportuniai de dexarrolhal os cunhucimentus. ¿Qué futuru l’espera a un país que deisa escapal a xuventú válida?.

Forti abrazu.

PD. Si alguin ten interés en velo, vos adxuntu o enlaci. Cuandu esteis dentru, pinchal "Arquitectura viva y bella"

https://omposicionii.blogspot.com.es/2012/12/arquitectura-viva-y-bella.html

Hola Fonti Nova: Ya he visto o ártículu dondi Dani expón seis proiectus de novas construcciós arquitectonicas que resultin mais vistosas pa aproveital a energía solar. Me parecin mui interesantis; agó solo falta que estis púlíticus dexin as bregas que se train i se didiquin a ponhel en mancha as imnovaciós dos cerebritus que preparamus aquí pa que nun se vaian a otrus paisis ia formaitus.
E urgenti que se dediquin exclusívamenti a baxal o paru pa tel mais ingresus i consumu.Si nun e así por mutu que baxi a prima de diesgu sempris aumentaremus a deuda. Comu diría D. Ciprianu: " Para eso tampoco hay que ir a Salamanca".
Forti abrazu.