San Martín de Trevejo - Caceres

Boas tardis pa tos os furistas, estuvi en O Lugal a semana pasa, y me do muta pena, sin agua por mellu da plaza, sin agua por o forti, sin agua por niñun lau, istu e un´a pena, y para mais inri, divisu un incendiu o dia antis de dilmi do lugal, pero que pasa,nuin o entendu.
En o referenti a os toirus de Coria, estoy con os defensoris de esi animal,y digu que si isu e festa nacional, ei me fayu cura.
A escusa que ponin os promotoris de as salvajas que le poin fel a o toiru,
e que sin esas festas, esi bichu desapareciria,bueno que desaparezca, que pa vel un´a carniceria, me voy a o mateiru.
En Vilamel, pondran gigantis de ferru,
en San martin agua nun veveremus,
pero a soidi a temus ben toavia,
pa idil con vo en gritu,
que mulinus nun queremus.

Nun se quin eris,pero mañegu a o cen por cen seguru que non.Aprendi a falal,logu a escribil y dispois ya te daremus a alternativa,que parecis os fillus dos guardias cuandu divan destinaus a o lugal y nunca falaban ni da ca ni da la

Agullon, Agullon, me tocas un ... ei se falal de sobra, y escribil, bueno nun hay reglas pa escribil a nosa fala, que te vaya bunitu,chavaloti

Mira Forti,nun me toquis os collós,en istu da fala fallas mais que as escopetas das ferias.Tes que superal un periodu de iniciación en esti contuberniu que temus montau,aquí o se fala da ca o da la.Cuandu pasis o TRIBUNAL MAÑEGU DOS FORISTAS CONSAGRAUS(TIMAFORCON) te daremus o carné,mentras tantu dili a tei pairi o a tua mairi que te ensinin.

Mira Agullón, "Pa catedráticu da lengua castellana está Chenchu" y pa catedráticu da nossa Fala, inda nun se creó tal cátedra.Me pareci que nun e forma de entral en ó foru con esas ínfulas, istu o temus pa diviltirnus y pasal ó ratu, si queremus dil a clasis nos vamus a Salamanca, tu nun creu que seas ó adecua pa insinal na.
Forti, tú ni cassu.

Ben ditu Campanariu, animu o Forti que habra tempus milloris!! Nun se poi critical a forma si nun se ha vistu o fondu...

En ésta ocasió nun voi a remover a brassa, ó Agullón ha entrau picandu demasiau forti, pricisamenti a "O FORTI".
Mal vas amigu, sabrás falal y escribil Mañegu, peru educació tes muy poica.

Amigu Forti , tu ni casu, sigui con o tei y nun escutis a esa clasi de catedràticus que ni ei mismu sabia que os tiñamus tan entindius y cumu didi o campanariu, aqui o principal e pasal o ratu ,y ei se de sobra que tu eris un bo mañegu, y entre os bos mañegus sempris nos entendemus .

Por algu me chamu o Aguillón.¿nun quiriais que se animara o foru?,pos ya está animau.En primer lugal vos diré que estoy de acordu con a supresión dos toirus da maneira que sean,ni que idil ten que o de Coria,así cumu os de Cuellar,y tantus otrus son a vergonza nacional.Pareci mintira que en o siglu XXI inda conservemus un espectáculu propiu dos romanus.Peru a barbari a temus a diariu por tos laus,basta con miral a os perrus ataus con un metru de corda a plenu sol y sin agua pa guardal nun se qué,cabalus fusteaus por quilómetrus pa vil a ludilos a nosa plaza,y tantas y tantas otras coisas mais urgerntis de crítica que nun as dos parquis eólicus,a os cualis se les ha levantau un-a polémica mais política que meyuambiental.Ei estoy mais porque o nosu lugal sea mais un-a reserva de mañegus que un-a reseva de paisarus.Extremaura ten o que se mereci,ni mais ni menus.Seremus o cu do mundu o tempu que nos quea.San Martín se está morrendu,ya nun hay dagalitus en a escuela,as subvenciós,o paru y o vivil do contu tenin os dias contaus.¿Pa qué queremus dispois os paisarus? si dispois vendrán incluso mais muchileirus desis que venin a enchel to de merda.¿Por qué nun atacamus mais a os furtivus,a os envenenaoris do rius y a os acaparaoris de as aguas?.Sí dagais,sí,estas terras agonizan,y o piol e que dispois nun habrá ni mañegus ni páisarus.Seamus un poicu prácticus y pensemus que "A GRANDES MALES GRANDES REMEDIOS".
En cuantu a o de O Forti,queru espresali un-a disculpa,y idili que sólu quiria embrollalo.Se muy ben quin e sei pairi y quin sua mairi(de Vilamel)y que ten mutivus sobraus pa metel a pata en mañegu.Me pusi o nomi de "aguillón" pa pinchal,peru ei nun ufindí a naidi.Pensaba que o foru era libri,peru veu mutu partidismu,rencoris y politicas de barriu.
En fin,estoy dispostu a recibil tos os tarronadus que queirais.
Aguillón

Ya que te has justificau, pa mei entendel a meias, aclara por que didis que hay pulitica de barriu y partidismu en esti foru en dondi caun didi o que le peta ( esta no está inda en o nosu dicionariu) y solo está sumitio a a critica dos demais.Fai poicu que escribu aquí y que ei sepa nun hay niñun tribunal de admisión.Un saluu. Chitu.