San Martín de Trevejo - Caceres

Amigu Cerrumiquili:Ya sabia porChitu que te habian operau, y que nun habia siu na facil, pero que ya estaba sobre poñenduti a to mal, y cumu di Chitu ya das vuelus aunque sean pequenus, haber cuandu te apoisas en o balcunitu de tia Antulina,y poemus tomarnus un piñiru en cualquera de as fontis que hay areol de a plaza.Deseu que to siga ben y que muy prontu poamus vernus. Un abazu de esta familia.
O saltu.
.

¡¡Hola Cerrumicli!!

-Bueno!, pareci sel, que t’han arreglau as alas. Celebru enormimenti ,qu’hayas séidu tan ben da operación. Un-hos cuantus banhus ena playa, i estás en condiciós de cruzal o charcu dun solu vulíu.

Os amigus do foru, t’ofrecin os telhaus do Lugal pa recuperarti – nun encontrarás sitiu milhol- . Ei,t’ofrezcu os de Benaventi ; pues, hai un-has iglexias do románicu, cuyu telhau,é un-ha godá pos cerrumiclis ; -"nun digamus na, dos bochis"-.

Ditu está, esperu vel comu t’assomas poro foru ena mayol breveai pussibli ; movendu essas alas comu sempri o has féitu.

-Vamus a vel!! , os que ya estais eno Lugal, comu os qu’están a puntu de chegal; ¡ya,está ben¡,de ponhelnus os dentis largus ¡¡collós!!. É de sobra sabíu,que sempris hubu diferencia de classis; así, que nun fai falta que nos martiriceis tantu. Queandu aparti as bromas, me dais sana envidia ; ya, me gustaría,eital un vinhu con tos voxotrus ena nossa plaza.

Forti abrazu a tos, FONTI NOVA

P.D. Chalrrieira: m’agrada vel, comu estás de novu eno foru. Sintu,qu’as vacaciós se t’hayan acabau; perún mixitu entéiru en Gandía "tampocu está na mal". Nun cabi duda ,qu’o sabis fel.

Amigu Fontinova:
Contestandu a tua P.D. me alegra tamen mutu, leerti de novu en esti Foru. Ya sabemus que te ha custau mutu empezar, pero con os ánimus de Dios y mirando payantri, te has sobrepuñiu, esperu que mutu.
Salua a tua muller y mutus ánimus amigu Fontinova pa os dois.
En cuantu as miñas vacaciós; hay que pensar que ya vendrán otras si Dios quel y sobre too que se hayan pasau been, pués cuandu un está mal, tamen en vacaciós, nun se pasa been y esti anu si as e pasau muy been.
Soidi a Fala, Mañegas y Mañegus.
Chalrrieira.

Pasau o Week-end en o lugar de miña consorti, despois da dal unhos pequenus aníus (remollós) nos hemus vindu pa Palma pa cuntinual a recuperació da intervenció. Comu dí Chitu, desdi o balcunitu de tia Antulina (que ma postu nostálgicu) a operació era delicá, duas hernias de cabalu y unha estenosis que ma habia queau o canal medulal mais pequenu que o buracu de unha agulla. Ya me quirían mandal po desgüaci.Le eití valol, me tomí dois bochis y un vinhu y dixii ¡A rajal!. Gracias a Dios to ha seidu ben y anque ma han dau tres mesis pa recuperalmi, ya voy dandu algún vulíu.
Nun vos pois pensal as ganas que tenhu de pegalmi esis ligotadus con vossotrus,
en a primeira ocasió que tenha me eitu carburanti y despegu rumbu a o tellau de Tia Benita.y, quen sabi si devíu o rumbu pa esis rómanicus de Benaventi, que ma dau muta alegría vel de novu a Fontinova en a palestra. Que nun te pari ésti motivu y sigas deleitandunus con teis sabius conhocimentus y templás intervenciós.Un forti abrazu pa tí y tua familia y enhorabona por o de o dagal.
Nachitu, O Salto, Chalrieira Chitu, vos agradezu vosu interés y en espera de de esis vinhos, vos mandu agó un Forti abrazu.
Igualmenti a o restu do foru. Deseandu que tos paseis unhas boas vacaciós.
Forti abrazu.

Amigu y contertuliu Cerrumicli:
Celebru te estés recuperandu d´a intervención.
Isu é delicáu, o sé por propia experiencia, ya que fai oitu o novi anus me fideran o mismu: duas hernias y un-ha estenosis de canal, pero, aquí me tés, en estas terras de Andalucía, gracias a que tenhu un vidinhu que pueramus chamal: boa persoa, generosu, descuau, pardillu o que te pareza, y que, a ratus,me permiti conectalmi por wifi a internet, con o ordenaol d´o mei dagal.
Ya o idía mei tíu Crisóstumu o secretariu:isu se cura bebendu vinhu, pero tendu enconta que sea bô: nun se poi bebel cualquera. Ánimu y p´aiantri.
Tamén celebru (!faltaría máis¡), a voltta a o foru de Fontinova, a o que le deseu tóa clasi se parabés. Ya atisbu que o dagal acabó os estudios, minhas felicitaós.
Nachitu: por emiliu te mandí un-ha nova edición.
Tenhu que aproveital que agora o vicinhu anda conectáu y así idelbus algun-has palabras.
Tamén pâ Chalrieira le queru idel que o eitaba de menus en o foru, pues empezó con muta forza. Que nunn decaia.
Soidi a tôs. Forti apertón de mâs
B_RODAS

Estimau amigu y compañeiru de o Foru:
Gracias pol eitalmi en falta, pero ya estoy de novo "chalrriandu".
Cuando falis con tua hermana Dorotea, dili que si se acorda de cuando díbamus a escuela de "tia Claudia", pues ela tamen diva y era en o veran, o sea, por agora, con os caloris. Dali mutus recordus.
Mutas gracias por a poesia que nos mandastis con motivu de a Cruz Bindita de o presenti anu; por miña parti te concedu por ela a "Matrícula de Honor".
Saludus y te esperamus con mais poemas
¿Aunque tú vivias de arroyo palá, e idel poo Esti y te tocaba a otra Escuela, ei creu recordar que dibas a de D. Ciprianu? ¿E verdais?.
Soidi a Fala, Mañegas y Mañegus.
Chalrrieira.

Amigu cerrumicli,mum se quen eris pero me da igual,sendu mañegu y forista esta tó ditu,comu didin os demais compañeiru te deseu que te recuperis prontu y que poyas aterrizar prontu en a nosa plaza,porque
ei creu que en ó nosu lugar é dondi millor te pois recuperar.Soidi pa tos os foristas Y hasta prontu.

O mismu que Cachina y os demais furistas tamñen queru unilmi pa felicitalnus o primeiru de to amugu a os furistas porque temus na menus de volta que a nosu Fonti Nova. Despois o antes da igual, filicital a Cerrumicli por que to le haya seidu ben. Agora que aproveiti y descansi para recueperal forzas.
Ei tamen comu o compañeiru, me estoy aproveitandu de un vidiñu (inda quean de estis que nun cerran ben as portas) par (mandalbus un abrazu par tos os furistas desde Salou (Tarragona). ....Home a vel.... nun e ni mutu menus San Martin pero qué le vamus a fel,.... Sorti y soidi pa tos compañeirus.
Ah, me sumu a Fonti Nova (tamen de broma)Jo, con os que se han diu pa o lugal, e que nun paran de refregarnus por as naridis que ya están en o lugal.... ya vos vali ¿non?
Soidi a Fala