San Martín de Trevejo - Caceres

M´acordáu de que hoxii (trinta de agostu), un amigu fái os anus, pur isu, le mandu estis ripius.

FELICITACIÓN A UN AMIGU, (NOVU XUBILÁU)

Porque hoixii cumplis anus,
por os anus que hoixii fáis,
puñáu de filiciáis,
mañegu, amigu, paisanu.

¡Han pasáu tantas calendas,
desde que éramus dagáis!
xiugandu baxiu os portáis
con algun-ha reprimenda.

Algún “alardi” fidemus,
en a nosa xuventú,
isu ben o sabis tú,
y otrus máis que coñocemus

Y te fostis a Sivilla,
que a vía p´alí te levó,
ya vemus que te gustó
que isu é un-ha maravilla.

Dispois de tantus combatis
dialécticus con fiscáis,
de habel feitu bôs regatis
en instancias xudiciáis.

De habel tíu que defendel
quizá algún impresentabli,
a tipus poicu fiablis,
¡coisas pioris hay que vel!

Pero sempris con prudencia
con criteriu, con decencia,
con civismu y cortesía,
con chispa y sabiduría
con ingeniu y competencia,

disfruta de “túa” Sivilla,
que agora, ya “jubilata”
tes tempu de dar a “lata”,
y cantar un-ha cuplilla.

A os netus le pois cantar,
pâ que dulman, un-ha nana.
O ben, un-has sevillanas,
inclusivi en o lugal.

Agora a vivil de “gorra”
y sin tel que traballal
máis nun te debis ulvial
de cunvialnus a pichorra.

Forti abrazu, extensivu, faltaría máis, a Filisa.

Y si ves a Fernandu, tamén o felicitas, que creu que, aunque é algu máis pequenu que tú, tamén fai por agora os anus.
Alogu, máis tardi, cuandu me afeiti, cumu acustumbra a afeitalsi enfrenti de mi, seguru que o veré y o felicitaré personalmenti.
Reiteru, hoixii máis que nunca:
FORTI ABRAZU.

B_RODAS

Ven tempraneiru has siu, amigu, y por isu me da tempu a mandarti un abrazo extensivu a Petri y fillus, con os milloris deseus defeliciai, soidi y to aquilo bo que tu me deseas a mi, por que, de volta do Sur, sayu fora otra ve pa o sur-oesti, dondi pasaré o fin de semana, asi que cuandu volva te contaré que isu da jubilación total pa mi inda nun chega, aunque si me relajaré mais y me daré algún que otru pirmisu. Ago, deisu estu hasta o Dumingu, Soidi y un abrazu. Chitu

Mutas filiciais pos dois. O amigu Chitu agó tendrá mais tempu pa dedicali a pichorra i amigu Brodas a prodigalsi mais en o foru.
Que o paseis ben con vosas familias.
Soidi.

!!!! Muchisimas Felicidades para Chitu y Brodas¡¡¡¡¡¡.Os deseo que paseis un gran dia en compañia de vuestras respectivas .Un abrazo.

Amigu Chitu: Nun queru que pasi o dia sin que recibas nosa felicitación,que cumplas mutus mais u y que por mutus anus poamus Felicitarti.
O mismu pa Brodas,feliz día y que hayas pasau un dia muy bo os dois en unión de as respectivas familias.Un abrazu de
V iky y Chanu

Aunque nun o leas hasta o dumingu, a o millol o fais por o portatil, nun queru que pasi esti día sin deseañti mutas filiciais por o cumplianus y por esa meia jubilació, ya que das a entendel que nun o vas a dexal del tó.Un abrazu pa toa a familia desde Palma.

Brodas, o mismu te deseu a ti y tua xenti. Que haiais pasauuuuu un bo día.
Forti abrazu.

Antis de que pasi o dia queru filicital a duas excelentis persoas deseandulis haian pasau um bo cumplianus i que cumplan mutus mais.
Brodas-Chitu, forti abrazu pa dambus d'esti que vos aprecia.

Nachitu,Cerrumiquili,Mañega,Salto, Prisma,otra ve Brodas, mutas gracias por vosus bos deseus. En cuantu he voltu, ya definitivamenti, das vacacios de antis dos 65, he liu o Foru y os privaus que me habeis mandau, que contestaré por esa via, y me poñu a dalbus as gracias a tos. Me jubilu teóricamenti, por que teñu que siguil en a brecha, ya que poyu felo legalmenti como profesional liberal amparau por una Mutualiai, en a que seguiré cotizandu, algú anu mais, hasta que finalizin os asuntus que teñu pendientis por atención a quienis han confiau en mi y me ha encomendau seis interesis; nun teñu mais remeyu que felo asi, aunque me perjudiqui económica y personalmenti. O que si fairé,seguru, si Dios quel, e dalmi de ve en cuandu permisus que aproveitaré pa dar algún garbeu por ei y, como non, por o lugal.Soid pa tos y pa a fala, Chitu.

Efectivamenti:
Cuandu me foi a afeitar, me encuntrí con Fernandu, que cumu sabéis, se afeita enfrenti de mi tôs us días, y o felicití; me dixiu que vos agradecera a tôs cuantus o habéis felicitáu, de corazón.
Tamén en el mei propiu asina o faiu
FORTI ABRAZU,

B_RODAS