San Martín de Trevejo - Caceres

Cuandu s’aproxima o solsticiu de verán, sempris me ven a memoria as "Noitis Blancas de San Petersburgu".

Recomendación:

Cruceiru: empezandu poros Fiordus Noruegus i siguil poro Bálticu hasta San Petersburgu.

Por esas fechas: en San Petersburgu, apenas, si hai un-ha hora de penumbra. A xentí está mutu ena calhi; os enamoraus se declaran amor eno sol de meianoiti; os pontis sobri o Neva s’elevan pa dal pasu os barcus cheus de turistas; as mil salas do muxeu "Hermitage", están mui frecuentás, así, comu o palaciu d’envernu pa vel a sala "Ámbar". ¿Comu deisal de vixital as catedrais?. Aunque o estilu arquitectónicu que prevaledi é o "Barrocu i Neo Clásicu", está tamén o "Ortodoxu" conas cúpulas de cebola que é un-ha maravilha. –Poel levalo a términu, siría un-ha godá. Pues, San Petersburgu, está declarau patrimoniu da humaniai pora Unescu.

-En fin, me gustaría fel d’esi sonhu un-ha realiai. Peru, comu sempris: o bulsilhu me limita. -Bueno!!, sempris me quea San Martín, que tamén é otra maravilha i mereceol de sel patrimoniu da humaniai.

Bueno!! estis son os plás pa esti anu, po que ven, toca cruceiru poro mar Egeu pa vixital as islas griegas.

¿Qué otra coixa vos poiu idil? -Falal da situación actual do nosu país, é p’aitalsi a choral.

Forti abrazu

PD.Cerrumicli: asómatí p'oraquí con palabras de ánimu.

Nun seas choron y fago que nun e tan caru, ei o fidi o anu poasau y e unha godá, te faltó a Iglesia da Sangri y o cruceiru-paseu por o Neva. Muy Lindu to. Acabaremos como en Casablanca, sempris nos queará o lugal, esperu verti por ali. De o demais millol nun falal na de na por que se nos revolvin as tripas. Soidi pa tos y pa a fala. Chitu,

VACACIONES | La mitad de la población nunca ha salido de España

Como en mi pueblo, en ninguna parte.
------------------------------------------------------------------------
Fonti Nova: Tal i comu empezas a discribir o cruceiru e comu si o huberas feitu ya. Isu está mui ben, purque con a imaxinació se poi dil a caulquel parti con esti instrumentu que nos ha postu a tecnoloxia en nostras máns. Claru está que millol felo comu Chitu, en vivu i en directu.Peru Chitu conta con enerxias i humol, o sea, salú, amol i un-os unus menus que nos.
Nun se as "Preferentis" que vos haian puiu enganchal; meis problemas son de otra índuli, peru nun voi a relatarus aquí minha vía. Ia me conformaría con pasal un-os días en o lugal i tomal esis vinhus xuntus en a pichorra de Chitu.
Da situación que atravesa esti País, nun queru ia ni falal, pos me dau conta que hasta perdu as composturas i esi nun e mei estilu.

Forti abrazu.

Hola Chitu!!

Nun cabi duda de que sabis eligil os bos lugaris. -Pues,¡non!, nun se m’ulvió a iglexia da "Sangri Derramá". Cuandu mencionu o estilu arquitectónicu "Ortodoxu" foi ena primeira que pinsí.

Si Dios quel: pensu estal o sabau día treinta d’esti mes, i o dumingu día un de juliu eno Lugal. -Siría un placel tomal un vinhu si andas p’oralí enesas fechas.

Encontru a Cerrumicli un poicu aliqueidu; mira a vel, si o convencis i to levas p’alá. Si mal nun recordu, ten algu que celebral enesas fechas.

Forti abrazu

Lamenanduo mutu nun son fechas en as que poa dil a o lugal, ya que sempris o fayu a primeirus de Agostu. Estaré en Sevilla, tal ve en Rota, por si en ve de subil por o Serrubio, te vas por o Cabezu y cruzas os tres rius do sur, na me agradaria mais que tomal esis viñus aqui o cerca do mar. Soidi pa tos y pa a fala,.Chitu